Í þessum þætti ætlar Fjölnir að ganga hringinn í kringum Ísland, ásamt honum Palla. En þeir eru þó ekki fyrstir til að fá þá flugu í hausinn. Heldur feta þeir í fótspor Reyni Péturs, fyrsti Íslendingurinn til að ganga hringinn í kringum Ísland.

Í þessum þætti tala Villi og Fjölnir um góðgerðalög, hvað lætur góðgeralag hljóma eins og góðgerðalag? Fara allir peningar í eitt nákvæmt málefni eða alsskonar? Væri "Live Aid" á íslensku "Hjálp í beinni"?

Þessi þáttur er ekki kúluvarp, þessi þáttur er ekki andvarp, þessi þáttur er ekki æðavarp, þessi þáttur er hinsvegar hlaðvarp og algjört fever dream, líkt og "dillibossaauglýsingarnar" voru.

1881, riiiisastór tómur bátur strandar á Íslandi. Eru það góðar fréttir fyrir Íslendinga? Hverjir ættu að vera á þessum bát? Hvað gerðist? Hvað er ballasti? Hvað er einn faðmur stór?

Ef þú ert að lesa þetta eftir að þú hlustaðir á þáttinn, BUSTED! hahaha! En allavega þessi þáttur er um Háfjallasól og tan.

Villi reynir sóldasaður að kenna Fjölni á hitt og þetta, Þrettándaógleðin eða Þrettándalætin og líka íslenskur eigandi á Premier League liði og svo líka sjónvarpslausir fimmtudagar. Les einhver þennan texta? Má ég pliiiis fá keks.

Í þessum þætti fara strákarnir ekkert voða langt aftur í tímann, heldur bara til ársins 2018. En þá fékk íslenska þjóðin fyrir hjartað þegar ákveðin mynd var deilt á facebook af einum ástkærasta grínista þjóðarinnar.

Fólk sem fer í reglulegar Wikipedia ferðir vissu kannski af þessu, en ekki vissu Villi og Fjölnir að þýskar flugvélar hefðu flogið yfir Seyðisfjörð. Vissu þið þetta? Því ekki vissum við það.

Í þessum þætti rifja Villi og Fjölnir upp sögu Náttfara sem lét greipar sópa um eignir borgarbúa sumarið 1976. Lengi fram eftir sumri stóð lögreglan gjörsamlega ráðþrota gagnvart þessum "Skugga" næturinnar.

Í þetta skiptið setjast Villi og Fjölnir fyrir framan skjáinn og horfa á eina góða Hollywood ræmu. "Hver er myndin?" spyrji þið. Jú auðvitað Iceland: The Movie. "En um hvað er myndin?" spyrji þið. Jú auðvitað um hermanninn James Murfin sem er ekki kunnugur íslenskum siðum. Þegar hann daðrar við Katinu, lítur íslenska fjölskyldan hennar á gjörðir hans sem hjónabandstillögu. Þetta kemur James í afar slæma stöðu þar sem hann vill ekkert með hjónaband gera. Til að koma sér úr klípunni fær James vin sinn til að hjálpa sér. Gangi honum vel!

Villi Neto og Fjölnir Gísla fara yfir fyrsta Eurovision-lag Íslands, Gleðibankinn, eða Bank of Fun eins og það fékk að heita á ensku. Þeir fara einnig léttilega yfir sögu Eurovisions á Íslandi og reyna að koma með réttar staðreyndir svona af og til. 

Í þessum þætti skoða Villi Neto og Fjölnir Gísla líf manns sem þeim þykir nú bara ágætlega vænt um. Hann var smáglæpamaður sem gaf með sér og fékk jafnvel samviskubit yfir glæpum sínum. "Hann gaf manni jafnvel síðustu sígarettuna sína" og "gerði aldrei flugu mein". Þetta er auðvitað hinn landsfrægi og góðkunningi lögreglunnar, Lalli Johns.

Moskusuxar voru einu sinni heitasta dæmið á Íslandi, allir vildu moskusuxa frá Grænlandi. Kannski ekki allir en þónokkrir, alveg nógu margir til að þingið þyrfti að ræða það mál í þaular og að lokum gefa undir.Af hverju er sauðnautin ekki til á Íslandi nú til dags? Vildi hún ekki vera hér? Var leigan of há? Þekkti hún of fáa og átti erfitt með að læra tungumálið? Var það kannski útaf því Islendingar drápu svona mikið af foreldrum þeirra? Við skulum upplýsa ykkur!

Nú ferðast strákarnir Villi og Fjölnir "to the top of the world: Kirkjubæjarklaustur". Í landi Geirlands og Skaftárhrepps, um kílómetra frá Kirkjubæjarklaustri, fór fram tónlistarhátíð árið 1995. En fyrir hvað er hún frægust? Þessi hátíð er sögð hafa rutt brautina á vissan hátt fyrir þær komandi tónleikahátíðir á Íslandi. 

Hvernig er hægt að tala um Ástu Sigurðardóttur? Í þessum þætti reyna Villi og Fjölnir að fara yfir ævi Ástu. Vorum hlustendum við viðkvæm umræðuefni.

Í þessum þætti fara Villi og Fjölnir yfir mikla harmsögu og jafnvel eitt af mestu deilumálum sem Íslendingar hafa gengið í gegnum. Þáttur nær yfir 80 ára baráttusögu. Þetta er kannski mál sem eflaust margir vilja gleyma, enda ekki skrítið, þó svo allir voru ekki á sama máli.

Í þessum þætti kíkja Villi og Fjölnir á nokkra hluti. Hluti sem okkar kynslóð horfir á með nostalgískum augum. Hvað er það sem er að láta tiktok kynslóðina dýrka Blossa? Af hverju viljum við, þúsaldarkynslóðin, fá að djamma á Astró? Ef hlutir eru slæmir, verða þeir alltaf að vera þannig? Kíkjum aðeins á þetta!

Úff! Í þessum þætti eru strákarnir smá þunnir...bara smá! Þeir lofa! En þeir láta samt ekkert stoppa sig og fara um víðan völl í þættinum, T.d skoða þeir hverjir eiga íslandsmet í að vera kynsælastir? Og hvað er Jörfagleðin og afhverju var hún bönnuð með dómi?

Íslenskir flakkarar hafa ekki alltaf verið heitið fyrir einhverja grunsamlega tækni sem þú getur keypt í næstu raftækjabúð. Þessir flakkarar komu til þín, og voru kallaðir ýmsum nöfnum, en þó flestir kallaðir Gvendur.Ef þið viljið vita hvað það þýði að "dúlla fyrir aðra", þá verðið þið að hlusta á þennan þátt.

Skógalín, listrænn ungur maður, sem dæmdur var til dauða á sínum tíma, fyrir svo lítinn glæp að bæði Villi og Fjölnir hefðu getað verið dæmdir til dauða á þessum tíma.Hver var Schovelin? Nei, Skógalín? Nei! Schovelin! Allavega, hver var hann, og hvernig dó hann?

Hvað þýðir það að 2 núll voru tekin af krónunni? Hvernig lagaði það ástandið? Hvað er verðbólgudraugur? Í þessum þætti er Villi fjarri staddur, en örvæntið ekki því Stefán, góðvinur Já OK, stekkur inn og kennir okkur allt um myntbreytinguna á Íslandi

Í þessum þætti kryfja Fjölnir og Villi stóra sprengjumálið í Hagaskóla. Hverjir stóðu á bak við verknaðinn? Var það kannski kennari? Er þessi nemandi kannski lögga? Hann er allavegana full gamall til að vera í grunnskóla... jiiiiiii

Hvað myndir þú gera ef þú myndir fara allt í einu fram í tímann 30 mínútur og ekkert hafði breyst? Nema að 30 mínútur hefðu liðið? Kannski myndir þú halda áfram með daginn þinn, eða kannski voru það geimverur. Fólk á þessum tíma var að horfa á FRIENDS, fólk var að horfa á Harrison Ford og fólk voru líka að horfa á geimverur og geimskip.

Í þessum þætti fara Villi og Fjölnir um víðann völl. Gellur, sprengingar, sassy sálfræðingar og fjarsjóðsleit!

Bram Stoker er vel þekktur fyrir að hafa skrifað Drakúla, en skrifaði hann Makt Myrkranna? Það eru margar pælingar á lofti varðandi Makt Myrkranna og þessi saga er í raun og veru enn að þróast. Í þessum þætti ætla strákarnir að upplýsa hlustendur og sjálfa sig um stöðu mála í þessu stórfurðulega máli.

Í þessum þætti ræða Villi og Fjölnir um atburð sem gerðist 11. september, en þó ekki sá atburður sem okkur minnisstæðastur.

Fjölnir og Villi ætla sér að taka neðanjarðarlest þegar skilti frá Icelandair lætur þá stoppa og hugsa. Hvers vegna er þetta skilti þarna? Hverjum datt í hug að þetta væri sniðug hugmynd? Hvað hafa íslenskar konur að segja um þetta skilti?

Góðir hlustendur! Hin íslenska Spice Girls hljómsveitin!

Villi og Fjölnir mæta kannski smá þreyttir eftir öllu jóla og áramótaamstrinu og reyna að tala um Appolloniu Schwartzkopf. Það rétt svo tekst, en hvað gerðist við þessa merku konu?

Já OK óskar hlustendum gleðilegs nýs árs og þakka innilega fyrir það liðna. En af hverju höldum við samt áramót um vetur en ekki um sumarið? Af hverju eru áramótabrennur? Hvað varð um áttunda í jólum? Í þessum þætti fara Villi og Fjölnir langt til baka í tíma í leit að svörum við þessum spurningum. Bíddu bíddu bíddu...hvað eru flugeldafarþegar?

Í þessum þætti fara Villi og Tinna í gegnum fyrsta Idolið (Stjörnuleit) og fyrsta Idolinn (Kalli Bjarna) í Kompunni í Borgarbókasafninu (Grófinni) Fjölnir er veðurtepptur á einhverjum flugvelli og þá kemur Tinna og bjargar Villa eins og svo oft áður

Í þessum þætti fara strákarnir Villi og Fjölnir yfir veiki sem herjaði íbúa á Akureyri árið 1948. Er sú veiki þekkt í dag sem Akureyrarveikin eða Akureyri disease í alþjóðlegum læknaritum.

Villi og Fjölnir snúa aftur eftir margra mánaða fjarveru með tiltölulega léttan þátt! Hannes Hafstein var fyrsti ráðherra Íslands, ekki bara það, heldur var hann líka fyrsti Inspector Scholae MR. Við tölum aðeins, pinku pons, um Hannes Hafstein og síðan tölum við um alþingisferðina alræmdu.

Í þessum þætti kanna Fjölnir og Villi hinn óútskýranlega Njál Torfason, aka mennski segullinn, aka löngutangatogarinn.

Vilhelm Neto, fær aftur til sín Hafþór Óla, sem er farinn að vera kunnugur hlustendum Já OK! Fjölnir er á fullu að undirbúa Hetju í Tjarnarbíó, en hlustendur okkar fá afslátt með að virkja afsláttarkóðann "jaokhetja" á tix.is Í þessum þætti spjöllum við um CSI:Kambur

Þetta er kannski þáttur um draugagang en við lofum að þetta er ekki draugalegur þáttur.

Munið þið eftir Þorskastríðinu? Þessi þáttur er ekki um það en hann er þó um annað stríð sem ríkti einu sinni á Íslandi. Munið þið þegar pylsusala var bönnuð á Íslandi?

Í þessum þætti tekur Vilhelm Neto viðtal við Erp, um ákveðið atvik, mjög umtalað atvik á sínum tíma. Viðtalið um atvikið fer svo út í algjört rugl, þó serstaklega að tala um Johnny Naz og íslenskt sjónvarp sem hefur ekki litið dagsins ljós í langan tíma. Ekki gleyma að kíkja á nýja laginu hans, Slaki Babarinn : https://open.spotify.com/track/1rtqbbF3ZN7KprgC2kkJE2?si=4b71593716fa4dc5 Fjölnir skilar kveðju en hann er um þessar mundir að vinna í leikverkinu "Hetja" sem verður sýnt í Tjarnarbíó í Apríl.

Bæjarins Beztu. Mest sígildi pylsustaðurinn í Reykjavík. SS pylsur, þekktasti pylsuframleiðandi landsins. Vilhelm Neto og Hafþór Óli fara yfir stóru pylsumálin í þessum þætti, eða ættum við að segja stóru pulsumálin? Við ætlum allavega að tala um kjötið þarna í görnunum.

Fjölnir biðst fyrirgefningar að hafa gert enn einn þáttinn sem er um þungt málenfi, en í þetta skiptið er það Kópavogshælið, einhver barnatönn í tímanum...

Er það satt að við drápum fullt af Spánverjum? Já og Nei. Já, við gerðum það, en að kalla þá Spánverja væri kannski ekki alveg rétt, þetta eru Baskar. Baskar sem við drápum í síðasta skráða fjöldamorð hér á landi, en af hverju gerðist það? Förum yfir það aðeins…

Við erum komnir aftur baby! Og í þetta skipti ætlum við að fjalla um hann Brynjólf Björgvin Ólafsson. En hvernig tengist hann titil þáttarins?

Villi og Fjölnir eru staddir fyrir utan hús rektors Menntaskóla Reykjavíkur. Árið er 1850, þann 19. janúar. Úr fjarska sést hópur pilta strunsa í áttina til þeirra á meðan þeir hrópa “Rektor Sveinbjörn Egilsson pereat!” Hvað skildu þeir vilja mótmæla?

Á meðan Fjölnir tannburstar á sér afturendann setur Villi glimmerpúður á bibbann. Já OK eru komnir til að dreifa út flökkusögum!

Flatus lifir enn!

Í okkar land voru alls konar vættir sem vernduðu landið. Eru þessar verur enn meðal okkar, eða höfum við fælt þær burt með ósvífni okkar gagnvart náttúrunni? Hverjir vernda landið núna? Hvernig á að reisa níðstöng? Virka níðstangir? Villi og Fjölnir rannsaka þetta allt í nýjasta Já OK.

Fjölnir og Villi tala um flóttamenn frá Þýskalandi á tímum seinni heimsstyrjaldar. Hvernig ætli hafi verið tekið á móti fólki að flýja nasisma? Eins merkilegt og það sýnist, þá koma viðbrögðin ekkert sérstaklega á óvart. Hvað var þetta fólk? Hvað gerði það? Af hverju kom það hingað?

Villi og Fjölnir stimpla sig aftur inn í rannsóknadeildina og krifja upp gamalt sjóslys sem fáir vita um. Mögulega því lítið var talað um það og er þetta slys talið gleymt í minni margra. Hvað kom fyrir á skipinu Röðull?