ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅੱਜ ਪੰਜਾਬ ’ਚੋਂ ਨਸ਼ਿਆਂ ਦੀ ਅਲਾਮਤ ਦੇ ਖ਼ਾਤਮੇ ਲਈ ਨਵੀਂ ਵਿਉਂਤਬੰਦੀ ਐਲਾਨਦੇ ਹੋਏ ਹੇਠਲੇ ਪੱਧਰ ’ਤੇ ਪੁਲੀਸ ਅਫ਼ਸਰਾਂ ਅਤੇ ਨਸ਼ਾ ਤਸਕਰਾਂ ਵਿਚਲੇ ਗੱਠਜੋੜ ਨੂੰ ਤੋੜਨ ਦਾ ਅਹਿਦ ਲਿਆ ਹੈ। ਮੁੱਖ ਮੰਤਰੀ ਨੇ ਲੋਕ ਸਭਾ ਚੋਣਾਂ ਵਿਚ ਮਿਲੀ ਹਾਰ ਤੋਂ ਸਬਕ ਲੈਂਦਿਆਂ ਲੋਕਾਂ ਦੀ ਨਾਰਾਜ਼ਗੀ ਦੂਰ ਕਰਨ ਵਾਸਤੇ ਨਵੇਂ ਕਦਮ ਚੁੱਕਣ ਦਾ ਫ਼ੈਸਲਾ ਕੀਤਾ ਹੈ। ਉਨ੍ਹਾਂ ਪੁਲੀਸ ਥਾਣਿਆਂ ’ਚੋਂ ਭ੍ਰਿਸ਼ਟਾਚਾਰ ਨੂੰ ਖ਼ਤਮ ਕਰਨ ਅਤੇ ਪੁਲੀਸ ਨੂੰ ਲੋਕ ਪੱਖੀ ਸਰੂਪ ਦੇਣ ਲਈ ਪੁਲੀਸ ਅਫ਼ਸਰਾਂ ਨੂੰ ਨਿਰਦੇਸ਼ ਦਿੱਤੇ ਹਨ।

ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ ਨੇ ਯੂਕਰੇਨ ’ਚ ਕੀਤੀ ਗਈ ਕਾਰਵਾਈ ਲਈ ਹਮਾਇਤ ਦੇਣ ਵਾਸਤੇ ਉੱਤਰੀ ਕੋਰੀਆ ਦਾ ਧੰਨਵਾਦ ਕੀਤਾ ਹੈ। ਪਿਓਂਗਯਾਂਗ ਲਈ ਰਵਾਨਾ ਹੋਣ ਤੋਂ ਪਹਿਲਾਂ ਉਨ੍ਹਾਂ ਕਿਹਾ ਕਿ ਦੋਵੇਂ ਮੁਲਕ ਅਮਰੀਕਾ ਦੀ ਅਗਵਾਈ ਹੇਠ ਲਾਈਆਂ ਗਈਆਂ ਪਾਬੰਦੀਆਂ ਨੂੰ ਮਾਤ ਦੇਣ ਲਈ ਇਕ-ਦੂਜੇ ਨੂੰ ਸਹਿਯੋਗ ਦੇਣਗੇ। ਪੂਤਿਨ ਦੇ ਦੋ ਦਿਨਾ ਦੌਰੇ ਤੋਂ ਪਹਿਲਾਂ ਉਨ੍ਹਾਂ ਦਾ ਬਿਆਨ ਉੱਤਰੀ ਕੋਰੀਆ ਦੇ ਸਰਕਾਰੀ ਮੀਡੀਆ ’ਚ ਨਸ਼ਰ ਹੋਇਆ ਹੈ। ਪੂਤਿਨ ਦਾ ਇਹ 24 ਸਾਲਾਂ ’ਚ ਉੱਤਰੀ ਕੋਰੀਆ ਦਾ ਪਹਿਲਾ ਦੌਰਾ ਹੈ। ਉਨ੍ਹਾਂ ਕਿਹਾ ਕਿ ਰੂਸ ਅਤੇ ਉੱਤਰੀ ਕੋਰੀਆ ਵਪਾਰ ਅਤੇ ਅਦਾਇਗੀ ਪ੍ਰਣਾਲੀਆਂ ਵਿਕਸਤ ਕਰਨਗੇ ਜਿਨ੍ਹਾਂ ’ਤੇ ਪੱਛਮ ਦਾ ਕੋਈ ਕੰਟਰੋਲ ਨਹੀਂ ਹੈ

ਜਨਮ ਤਾਰੀਖ਼ ਆਧਾਰਿਤ Smoking Ban ਲਗਾਉਣ ਦੀ ਤਿਆਰੀ 'ਚ ਸਾਊਥ ਆਸਟ੍ਰੇਲੀਆ ਸਟੇਟ South Australia ਸੂਬੇ ਦੇ ਸੁਤੰਤਰ MP Frank Pangallo ਭਲਕੇ ਸੂਬਾਈ ਪਾਰਲੀਮੈਂਟ ਵਿੱਚ ਇੱਕ ਬਿਲ ਲੈ ਕੇ ਆਉਣਗੇ। ਬਿਲ ਅਨੁਸਾਰ 1 ਜਨਵਰੀ 2009 ਜਾਂ ਇਸ ਮਿਤੀ ਤੋਂ ਬਾਅਦ ਪੈਦਾ ਹੋਏ ਬੱਚਿਆਂ ਨੂੰ ਤੰਬਾਕੂ ਪਦਾਰਥ (ਸਿਗਰਟਾਂ ਆਦਿ) ਵੇਚਣ ਦੀ ਮਨਾਹੀ ਹੋਵੇਗੀ। ਇਹ ਮਾਡਲ ਬਰਤਾਨੀਆ ਵੱਲੋਂ ਅਪਣਾਇਆ ਗਿਆ ਹੈ। ਜਿਸ ਦਾ ਮਤਲਬ ਇਹ ਹੈ ਕਿ ਇੱਕ ਪੂਰੀ ਦੀ ਪੂਰੀ ਪੀੜ੍ਹੀ ਨੂੰ ਤੰਬਾਕੂ ਮੁਕਤ ਕੀਤਾ ਜਾ ਸਕੇ। ਜੇਕਰ ਕੋਈ ਇਸ ਤਾਰੀਖ਼ ਮਗਰੋਂ ਪੈਦਾ ਹੋਏ ਬੱਚੇ ਨੂੰ ਸਿਗਰੇਟ ਵੇਚਦਾ ਪਾਇਆ ਜਾਂਦਾ ਹੈ ਤਾਂ ਉਸ ਨੂੰ $40,000 ਡਾਲਰ ਤੱਕ ਦਾ ਜੁਰਮਾਨਾ ਲਗਾਇਆ ਜਾ ਸਕੇਗਾ। ਹਾਲਾਂਕਿ ਜੇਕਰ ਇਹ ਬਿਲ ਪਾਸ ਹੋ ਜਾਂਦਾ ਹੈ ਤਾਂ ਸਾਊਥ ਅਸਟ੍ਰੇਲੀਆ ਵਿੱਚ ਇਹ ਕਾਨੂੰਨ ਬਣਕੇ 1 ਜਨਵਰੀ 2025 ਤੋਂ ਲਾਗੂ ਹੋ ਜਾਵੇਗਾ।

ਸਾਲ 2024 ਚੋਣਾਂ ਦਾ ਵਰ੍ਹਾ ਹੈ। ਜਨਵਰੀ ਮਹੀਨੇ ਵਿਚ ਬੰਗਲਾਦੇਸ਼ ਦੀਆਂ ਚੋਣਾਂ ਤੋਂ ਸ਼ੁਰੂ ਹੋਇਆ ਸਿਲਸਿਲਾ, ਪਾਕਿਸਤਾਨ, ਭਾਰਤ, ਮੈਕਸੀਕੋ, ਅਲਜੀਰੀਆ, ਦੱਖਣੀ ਅਫਰੀਕਾ, ਅਮਰੀਕਾ, ਬਰਤਾਨੀਆ ਅਤੇ ਯੂਰਪੀ ਇਲੈਕਸ਼ਨ। ਦੁਨੀਆਂ ਭਰ ਵਿੱਚ ਕਿਉਂ ਦੱਖਣਪੰਥੀ ਤਾਕਤਾਂ ਸੱਤਾ 'ਤੇ ਕਾਬਜ਼ ਹੋ ਰਹੀਆਂ ਹਨ? ਯੂਰਪੀ ਪਾਰਲੀਮੈਂਟ ਦੀ ਚੋਣਾਂ ਨਾਲ ਜੁੜਿਆ ਦੂਸਰਾ ਅਤੇ ਆਖਰੀ ਭਾਗ ਵੀ ਸੁਣੋ

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਮਿਹਨਤ ਅਤੇ ਸਬਰ ਹਮੇਸ਼ਾਂ ਨਾਲ-ਨਾਲ ਤੁਰਦੇ ਹਨ, ਜਦੋਂ ਕਿਸੇ ਕੰਮ ਵਿੱਚ ਆਪਣੀ ਜਾਨ ਲਾਈ ਜਾਂਦੀ ਹੈ, ਦਿਨ-ਰਾਤ ਇੱਕ ਕੀਤਾ ਜਾਂਦਾ ਹੈ ਤਾਂ ਉਹ ਇੱਕ ਹਿਸਾਬ ਨਾਲ ਬੂਟਾ ਲਾਉਣ ਦੇ ਬਰਾਬਰ ਹੈ, ਜਿਸਨੂੰ ਅਸੀਂ ਇੱਕ ਰਾਤ ਵਿੱਚ ਰੁੱਖ ਨਹੀਂ ਬਣਾ ਸਕਦੇ, ਓਦੋਂ ਸਾਨੂੰ ਲੋੜ ਪੈਂਦੀ ਹੈ ਸਬਰ ਦਾ ਪਾਣੀ ਪਾਉਣ ਦੀ, ਸਮੇਂ-ਸਮੇਂ ਤੇ ਲੋੜ ਅਨੁਸਾਰ ਮਿਹਨਤ ਕਰਦੇ ਰਹਿਣ ਨਾਲ ਅਤੇ ਸਬਰ ਰੱਖਣ ਨਾਲ ਦੁਨੀਆ ਦੀ ਹਰ ਜੰਗ ਜਿੱਤੀ ਜਾ ਸਕਦੀ ਹੈ, ਹਰ ਛੈ ਹਾਸਿਲ ਕੀਤੀ ਜਾ ਸਕਦੀ ਹੈ ਅਤੇ ਹਰ ਸੁਪਨਾ ਸਾਕਾਰ ਕੀਤਾ ਜਾ ਸਕਦਾ ਹੈ

ਜਲੰਧਰ ਪੱਛਮੀ ਵਿਧਾਨ ਸਭਾ ਹਲਕੇ ਵਿੱਚ ਚੋਣ ਸਰਗਮੀਆਂ ਤੇਜ਼ ਹੋ ਗਈਆਂ ਹਨ। ਆਮ ਆਦਮੀ ਪਾਰਟੀ ਵੱਲੋਂ ਮਹਿੰਦਰ ਭਗਤ ਨੂੰ ਆਪਣਾ ਉਮੀਦਵਾਰ ਐਲਾਨਣ ਤੋਂ ਬਾਅਦ ਭਾਜਪਾ ਨੇ ਵੀ ਸਾਬਕਾ ਵਿਧਾਇਕ ਸ਼ੀਤਲ ਅੰਗੁਰਾਲ ਨੂੰ ਆਪਣਾ ਉਮੀਦਵਾਰ ਬਣਾ ਐਲਾਨ ਦਿੱਤਾ ਹੈ। ਦਿਲਚਸਪ ਗੱਲ ਹੈ ਕਿ ਭਾਜਪਾ ਵਿੱਚੋਂ ਆਏ ਮੋਹਿੰਦਰ ਭਗਤ ਨੂੰ ਆਪ ਨੇ, ਜਦ ਕਿ ਭਾਜਪਾ ਨੇ ਆਪ ਛੱਡ ਕੇ ਭਾਜਪਾ ਵਿੱਚ ਗਏ ਸ਼ੀਤਲ ਅੰਗੁਰਾਲ ਨੂੰ ਆਪਣਾ ਉਮੀਦਵਾਰ ਐਲਾਨਿਆ। ਸਾਲ 2022 ਦੀਆਂ ਚੋਣਾਂ ਦੌਰਾਨ ਵੀ ਮਹਿੰਦਰ ਭਗਤ ਤੇ ਸ਼ੀਤਲ ਅੰਗੁਰਾਲ ਇੱਕ ਦੂਜੇ ਦੇ ਵਿਰੁੱਧ ਚੋਣਾਂ ਲੜੀਆਂ ਸਨ, ਉਦੋਂ ਮਹਿੰਦਰ ਭਗਤ ਭਾਜਪਾ ਦਾ ਉਮੀਦਵਾਰ ਸੀ ਤੇ ਸ਼ੀਤਲ ਅੰਗੁਰਾਲ ਆਪ ਦਾ ਉਮੀਦਵਾਰ ਸੀ। ਕਾਂਗਰਸ ਨੇ ਆਪਣਾ ਉਮੀਦਵਾਰ ਨਹੀਂ ਐਲਾਨਿਆ।

ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ ਮੰਗਲਵਾਰ ਨੂੰ ਦੋ ਰੋਜ਼ਾ ਦੌਰੇ ’ਤੇ ਉੱਤਰੀ ਕੋਰੀਆ ਪਹੁੰਚਣਗੇ। ਦੋਵਾਂ ਮੁਲਕਾਂ ਨੇ ਇਹ ਐਲਾਨ ਕੀਤਾ ਹੈ। ਇਹ 24 ਸਾਲਾਂ ’ਚ ਪੂਤਿਨ ਦਾ ਉੱਤਰੀ ਕੋਰੀਆ ਦਾ ਪਹਿਲਾ ਦੌਰਾ ਹੋਵੇਗਾ। ਦੌਰੇ ਦੌਰਾਨ ਪੂਤਿਨ ਵੱਲੋਂ ਉੱਤਰੀ ਕੋਰੀਆ ਦੇ ਨੇਤਾ ਕਿਮ ਜੋਂਗ ਉਨ ਨਾਲ ਮੁਲਾਕਾਤ ਕਰਨ ਦੀ ਉਮੀਦ ਹੈ ਤੇ ਦੋਵਾਂ ਵਿਚਾਲੇ ਗੱਲਬਾਤ ਦੋਵਾਂ ਮੁਲਕਾਂ ਵਿਚਾਲੇ ਸੈਨਿਕ ਸਹਿਯੋਗ ਵਧਾਉਣ ’ਤੇ ਕੇਂਦਰਤ ਹੋਵੇਗੀ।ਉੱਤਰੀ ਕੋਰੀਆ ਦੀ ਅਧਿਕਾਰਤ ਕੋਰੀਅਨ ਸੈਂਟਰਲ ਨਿਊਜ਼ ਏਜੰਸੀ ਨੇ ਕਿਹਾ ਕਿ ਕਿਮ ਜੋਂਗ ਉਨ ਦੇ ਸੱਦੇ ’ਤੇ ਪੂਤਿਨ ਮੰਗਲਵਾਰ ਤੇ ਬੁੱਧਵਾਰ ਨੂੰ ਦੋ ਰੋਜ਼ਾ ਦੌਰਾ ਕਰਨਗੇ। ਰੂਸ ਨੇ ਵੀ ਇਸ ਦੌਰੇ ਦੀ ਪੁਸ਼ਟੀ ਕੀਤੀ ਹੈ। -ਏਪੀ

Control of Weapons Act ਤਹਿਤ ਵਿਕਟੋਰੀਆ ਪੁਲਿਸ ਨੂੰ ਹੁਣ ਕਿਸੇ ਵੀ ਵਕਤ Youth Offenders ਨੂੰ ਤਲਾਸ਼ੀ ਲੈਣ ਦੀ ਇਜਾਜ਼ਤ ਹੋਵੇਗੀ। ਦੱਸ ਦਈਏ ਕਿ ਹੁਣ ਤੱਕ ਇਸੇ ਕਾਨੂੰਨ ਤਹਿਤ ਕੇਵਲ ਵਾਰਦਾਤ ਵਾਲੇ ਇਲਾਕੇ ਵਿੱਚ ਹੀ ਘਟਨਾ ਦੇ 12 ਘੰਟਿਆਂ ਤੱਕ ਬੇਤਰਤੀਬੀ ਤਲਾਸ਼ੀ ਲਈ ਜਾ ਸਕਦੀ ਸੀ। ਉਸ ਸਮੇਂ ਮਗਰੋਂ ਅਤੇ ਕਿਸੇ ਹੋਰ ਇਲਾਕੇ ਵਿਚ serach ਕਰਨ ਲਈ ਪੁਲਿਸ ਨੂੰ planned search ਦੱਸਣੇ ਪੈਂਦੇ ਸਨ। ਨਾਲ ਹੀ ਕਿਸੇ ਸਿਖਰਲੇ ਅਹੁਦੇ ਦੇ ਪੁਲਿਸ ਅਧਿਕਾਰੀਆਂ ਦੀ ਇਜਾਜ਼ਤ ਲੱਗਦੀ ਸੀ। ਪਰ ਹੁਣ ਪੁਲਿਸ ਨੂੰ ਨਵੀਂ ਤਾਕਤ ਮੁਤਾਬਕ ਕਿਸੇ ਵੀ ਸ਼ੱਕੀ ਨੂੰ ਕਿਸੇ ਵੀ ਵੇਲੇ ਤਲਾਸ਼ੀ ਲੈਣ ਦੀ ਇਜਾਜ਼ਤ ਹੋਵੇਗੀ। ਦੱਸ ਦਈਏ ਕਿ ਸੂਬੇ ਵਿਚ ਨੌਜਵਾਨਾਂ ਵੱਲੋਂ ਵਧੇ ਹੋਏ ਅਪਰਾਧਾਂ ਦੇ ਮੱਦੇਨਜ਼ਰ ਇਹ ਫ਼ੈਸਲਾ ਲਿਆ ਗਿਆ ਹੈ। ਪਿਛਲੇ ਹੀ ਹਫਤੇ ਜਾਰੀ ਮੀਡੀਆ ਰਿਪੋਰਟਾਂ ਵਿੱਚ ਦੱਸਿਆ ਗਿਆ ਸੀ ਕਿ ਲੰਘੇ 10 ਸਾਲਾਂ ਵਿੱਚ 90,000 ਵਿਕਟੋਰੀਆਈ ਚਾਕੂ ਦੀ ਨੋਕ 'ਤੇ ਆਪਣੇ ਹੀ ਘਰਾਂ ਵਿਚ ਲੁੱਟੇ ਗਏ ਹਨ। ਜਿਆਦਾਤਰ ਚਾਕੂ ਵਰਗੇ ਹਥਿਆਰਾਂ ਦੀ ਮਦਦ ਨਾਲ ਅਪਰਾਧਾਂ ਨੂੰ ਅੰਜਾਮ ਦੇਣ ਵਾਲੇ youth offenders ਹਨ। ਹਾਲਾਂਕਿ ਦੂਜੇ ਪਾਸੇ ਵਿਕਟੋਰੀਆ ਸਰਕਾਰ ਅਪਰਾਧਿਕ ਜਿੰਮੇਵਾਰੀ ਦੀ ਉਮਰ 12 ਤੋਂ ਵਧਾਕੇ 14 ਸਾਲ ਕਰਨ ਜਾ ਰਹੀ ਹੈ। ਜਿਸ ਦਾ ਮਤਲਬ 14 ਸਾਲ ਤੋਂ ਛੋਟੇ ਉਮਰ ਵਿੱਚ ਕਿਸੇ ਵੀ ਅਪਰਾਧ ਨੂੰ ਅੰਜਾਮ ਦੇਣ ਵਾਲੇ ਵਿਅਕਤੀ ਨੂੰ criminal ਨਹੀਂ ਕਿਹਾ ਜਾ ਸਕੇਗਾ ਅਤੇ ਉਸ ਖਿਲਾਫ਼ ਕਾਨੂੰਨੀ ਕਾਰਵਾਈ ਨਹੀਂ ਹੋ ਸਕੇਗੀ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

Haanji Rishte ਵਿੱਚ ਅਸੀਂ ਤੁਹਾਡੇ ਵੱਲੋਂ ਭੇਜੇ ਗਏ ਰਿਸ਼ਤਿਆਂ ਦੀ ਜਾਣਕਾਰੀ ਆਪਣੇ ਸੁਨਣ ਵਾਲਿਆਂ ਨਾਲ ਸਾਂਝੀ ਕਰਦੇ ਹਾਂ, ਰੇਡੀਓ ਹਾਂਜੀ ਕਿਸੇ ਵੀ ਤਰਾਂ ਦੀ Match Making ਨਹੀਂ ਕਰਦਾ, ਅਤੇ ਨਾ ਹੀ ਕੋਈ ਜਾਣਕਾਰੀ ਜਨਤਕ ਤੌਰ ਤੇ ਕਿਸੇ ਨਾਲ ਸਾਂਝੀ ਕਰਦਾ ਹੈ, ਅਸੀਂ ਸਿਰਫ਼ ਤੁਹਾਡੇ ਵੱਲੋਂ ਭੇਜੀ ਗਈ ਜਾਣਕਾਰੀ ਦੂਜਿਆਂ ਨਾਲ ਸਾਂਝੀ ਕਰਨ ਦਾ ਮਾਧਿਅਮ ਹਾਂ...

ਅਮਰੀਕਾ ’ਚ ਮਿਸ਼ੀਗਨ ਸੂਬੇ ਦੇ ਡੈਟਰੌਇਟ ਸ਼ਹਿਰ ਵਿਚ ਚਿਲਡਰਨ ਪਾਰਕ ਵਿੱਚ ਸ਼ਨਿਚਰਵਾਰ ਨੂੰ ਹੋਈ ਗੋਲੀਬਾਰੀ ਦੌਰਾਨ ਦੋ ਬੱਚਿਆਂ ਤੇ ਉਨ੍ਹਾਂ ਦੀ ਮਾਂ ਸਣੇ 9 ਜਣੇ ਜ਼ਖਮੀ ਹੋ ਗਏ, ਜਿਨ੍ਹਾਂ ’ਚੋਂ ਇੱਕ ਬੱਚੇ ਦੀ ਹਾਲਤ ਗੰਭੀਰ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਅਨੇਕਾਂ ਪਰਿਵਾਰ ਗਰਮੀ ਤੋਂ ਰਾਹਤ ਪਾਉਣ ਲਈ ਪਾਰਕ ਵਿੱਚ ਆਏ ਸਨ। ਓਕਲੈਂਡ ਕਾਊਂਟੀ ਦੇ ਸ਼ੈਰਿਫ ਮਾਈਕ ਬਾਊਚਰਡ ਨੇ ਦੱਸਿਆ ਕਿ ਵਾਰਦਾਤ ਨੂੰ ਅੰਜਾਮ ਦੇਣ ਮਗਰੋਂ ਸ਼ੱਕੀ ਵਿਅਕਤੀ ਨੇੜਲੇ ਘਰ ਵਿੱਚ ਲੁਕ ਗਿਆ।

ਹੈਕਿੰਗ ਦੇ ਜੋਖਮ ਦੇ ਹਵਾਲੇ ਨਾਲ ਇਲੈਕਟਰੋਨਿਕ ਵੋਟਿੰਗ ਮਸ਼ੀਨਾਂ (ਈਵੀਐੱਮ) ਨੂੰ ਖ਼ਤਮ ਕਰਨ ਦੇ ‘ਸਪੇਸਐਕਸ’ ਅਤੇ ਟੈਸਲਾ ਦੇ ਸੀਈਓ ਐਲਨ ਮਸਕ ਦੇ ਸੱਦੇ ਮਗਰੋਂ ਭਾਰਤ ਵਿੱਚ ਸਿਆਸੀ ਤੂਫ਼ਾਨ ਖੜ੍ਹਾ ਹੋ ਗਿਆ ਹੈ। ਲੰਮੇ ਸਮੇਂ ਤੋਂ ਈਵੀਐੱਮ ਦੀ ਭਰੋਸੇਯੋਗਤਾ ’ਤੇ ਸਵਾਲ ਉਠਾ ਰਹੀਆਂ ਵਿਰੋਧੀ ਧਿਰਾਂ ਨੇ ਮਸਕ ਦੀ ਇਸ ਟਿੱਪਣੀ ਦਾ ਸਮਰਥਨ ਕੀਤਾ ਹੈ। ਵਿਰੋਧੀ ਧਿਰਾਂ ਪਿਛਲੇ ਕੁਝ ਸਮੇਂ ਤੋਂ ਈਵੀਐੱਮ ਨੂੰ ਲੈ ਕੇ ਫ਼ਿਕਰ ਜ਼ਾਹਰ ਕਰ ਰਹੀਆਂ ਹਨ। ਉਨ੍ਹਾਂ ਨੇ ਲੋਕ ਸਭਾ ਚੋਣਾਂ ਦੌਰਾਨ ਵੀਵੀਪੈਟ ਪਰਚੀਆਂ ਦੇ 100 ਫੀਸਦੀ ਮਿਲਾਨ ਦੀ ਮੰਗ ਕੀਤੀ ਸੀ, ਜਿਸ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ।

ਨਿਊ ਸਾਊਥ ਵੇਲਜ਼ ਦੀਆਂ ਯੂਨੀਵਰਸਿਟੀਆਂ ਨੂੰ 40 ਫੀਸਦ ਤੋਂ ਜਿਆਦਾ ਫੀਸ ਸਿਰਫ਼ ਤਿੰਨ ਦੇਸ਼ਾਂ (ਭਾਰਤ, ਚੀਨ ਅਤੇ ਨੇਪਾਲ) ਤੋਂ ਆਉਣ ਵਾਲੇ ਕੌਮਾਂਤਰੀ ਵਿਦਿਆਰਥੀ ਹੀ ਭਰ ਦਿੰਦੇ ਹਨ। ਇੱਕ ਹੋਰ ਰਿਪੋਰਟ (AMES Australia) 'ਚ ਪਤਾ ਇਹ ਚੱਲਦਾ ਹੈ ਕਿ ਜੇਕਰ ਆਸਟ੍ਰੇਲੀਆ ਸਰਕਾਰ ਹੁਨਰ ਦੇ ਮੁਤਾਬਕ ਪ੍ਰਵਾਸੀਆਂ ਨੂੰ ਨੌਕਰੀ ਜਾਂ ਰੁਜ਼ਗਾਰ ਦੇ ਮੌਕੇ ਦੇਵੇ ਤਾਂ ਦੇਸ਼ ਦੀ ਆਰਥਿਕਤਾ 'ਚ $10 ਬਿਲੀਅਨ ਡਾਲਰ ਦਾ ਇਜ਼ਾਫ਼ਾ ਹੋ ਸਕਦਾ ਹੈ

ਵਿਕਟੋਰੀਆ: 11 ਸਾਲ ਪੁਰਾਣੇ ਸੜਕੀ ਹਾਦਸੇ ਕੇਸ 'ਚ 'ਕਥਿਤ ਦੋਸ਼ੀ' ਸਾਬਕਾ ਪ੍ਰੀਮੀਅਰ ਦੀ ਪਤਨੀ ਤੋਂ ਅਦਾਲਤ ਨੇ ਮੰਗੇ ਸਬੂਤ ਗੱਲ 7 ਜਨਵਰੀ 2013 ਦੀ ਹੈ। ਮੈਲਬੌਰਨ ਦੇ Blairgowrie ਸਬ-ਅਰਬ 'ਚ Ridley St 'ਤੇ 40 ਕਿਮੀ/ਘੰਟਾ ਦੀ ਰਫਤਾਰ ਨਾਲੋਂ ਤੇਜ਼ ਚੱਲੀ ਆਉਂਦੀ ਫੋਰਡ ਟੈਰੀਟੋਰੀ ਨੇ ਸਾਈਕਲ 'ਤੇ ਜਾ ਰਹੇ 15 ਸਾਲਾਂ Ryan Meuleman ਨੂੰ ਟੱਕਰ ਮਾਰ ਦਿੱਤੀ। ਲਗਭਗ ਦੋ ਹਫਤਿਆਂ ਲਈ ਪੱਸਲੀਆਂ ਅਤੇ ਲੱਤਾਂ ਦੀਆਂ ਹੱਡੀਆਂ ਦੀ ਦੀ ਸੱਟਾਂ ਨਾਲ ਪੀੜਤ Ryan ਹਸਪਤਾਲ ਭਰਤੀ ਰਿਹਾ। ਗੱਡੀ ਉਸ ਵਕਤ ਸਾਬਕਾ ਪ੍ਰੀਮੀਅਰ Daniel Andrews ਦੀ ਪਤਨੀ Catherine Andrews ਚਲਾ ਰਹੀ ਸੀ। ਖੈਰ ਇਹ ਤਾਂ ਮਾਮਲੇ ਦਾ ਪਿਛੋਕੜ ਹੈ। ਤਾਜ਼ਾ ਖ਼ਬਰ ਇਹ ਹੈ ਕਿ ਹੁਣ ਵਿਕਟੋਰੀਆ ਦੀ ਸੁਪਰੀਮ ਕੋਰਟ ਨੇ Daniel ਪਾਸੋਂ ਸਬੂਤ ਮੰਗੇ ਹਨ ਕਿ ਆਪਣੇ ਫੋਨ ਰਿਕਾਰਡ ਦਾ ਵੇਰਵਾ ਜਮ੍ਹਾ ਕਰਾਇਆ ਜਾਵੇ। Ryan ਦੇ ਵਕੀਲਾਂ ਦੀ ਤਰਫੋਂ ਇਲਜ਼ਾਮ ਇਹ ਸਨ, ਕਿ ਹਾਦਸਾ ਦੁਪਿਹਰੇ 1 ਵੱਜ ਕੇ 6 ਮਿੰਟ 'ਤੇ ਵਾਪਰਿਆ, ਜਦਕਿ Daniel ਦੀ ਤਰਫੋਂ ਐਂਬੂਲੈਂਸ ਨੂੰ ਕਾਲ 1 ਵੱਜ ਕੇ 10 ਮਿੰਟ 'ਤੇ ਗਈ। ਉਹਨਾਂ 4 ਮਿੰਟਾਂ ਦਰਮਿਆਨ Daniel ਨੇ ਸਭ ਤੋਂ ਜਰੂਰੀ ਐਮਰਜੈਂਸੀ ਸੇਵਾਵਾਂ ਨੂੰ ਕਾਲ ਕਿਉਂ ਨਹੀਂ ਕੀਤੀ ਅਤੇ ਉਸ ਦਰਮਿਆਨ ਕਿਸ ਕਿਸ ਨੂੰ ਹੋਰ ਸੰਪਰਕ ਕੀਤਾ ਗਿਆ?

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

PetroDollar ਨਾਲ ਜੁੜੀਆਂ ਬਹੁਤ ਸਾਰੀਆਂ ਖ਼ਬਰਾਂ ਅੱਜਕਲ੍ਹ ਚਰਚਾ ਦਾ ਵਿਸ਼ਾ ਹਨ, ਕਾਫੀ ਸਾਲ ਪਹਿਲਾਂ ਅਮਰੀਕਾ ਅਤੇ ਸਾਊਦੀ ਅਰਬੀਆ ਵਿੱਚ ਹੋਏ ਇੱਕ ਸਮਝੌਤੇ ਅਨੁਸਾਰ ਸਾਊਦੀ ਅਰਬ ਜੋ ਵੀ ਤੇਲ ਦੁਨੀਆ ਨੂੰ ਵੇਚੇਗਾ ਉਸਦੀ ਕੀਮਤ ਉਹ ਅਮਰੀਕੀ ਡਾਲਰ ਵਿੱਚ ਲਵੇਗਾ, ਜੋ ਕਿ ਉਸ ਸਮਝੌਤੇ ਮਗਰੋਂ ਅੱਜ ਤੱਕ ਸਾਊਦੀ ਅਰਬ ਦੁਨੀਆ ਤੋਂ ਦਿਲ ਤੇ ਬਦਲੇ ਡਾਲਰ ਲੈ ਰਹੀ ਹੈ, ਪਰ ਅਜਿਹਾ ਕਿਉਂ ਤੇ ਕਿਵੇਂ ਹੋਇਆ, ਕਿਉਂ ਅਮਰੀਕਾ ਦੀ ਇਸ ਸ਼ਰਤ ਨੂੰ ਸਾਊਦੀ ਅਰਬ ਨੇ ਮੰਜੂਰ ਕੀਤਾ ਅਤੇ ਏਨੇ ਸਾਲਾਂ ਬਾਅਦ ਅਜਿਹਾ ਕੀ ਹੋਇਆ ਕਿ ਹੁਣ ਇਹ ਅੰਦਾਜ਼ੇ ਲਾਏ ਜਾ ਰਹੇ ਹਨ ਕਿ ਪੈਟਰੋ ਡਾਲਰ ਦਾ ਇਹ ਸਮਝੌਤਾ ਟੁੱਟ ਗਿਆ ਹੈ ਜਾਂ ਫਿਰ ਟੁੱਟਣ ਵਾਲਾ ਹੈ, ਆਓ ਜਾਣਦੇ ਹਾਂ ਕੀ ਹੈ ਇਹ ਪੂਰਾ ਮਾਮਲਾ

Uber ਡਰਾਈਵਰ ਨੂੰ ਜਾਨ ਤੋਂ ਮਾਰਨ ਦੀ ਕੋਸ਼ਿਸ਼ - ਪੰਜਾਬੀ ਮੂਲ ਦਾ ਇੰਟਰਨੈਸ਼ਨਲ ਸਟੂਡੈਂਟ ਹੁਣ ਘਰ ਛੱਡਣ ਲਈ ਹੋਇਆ ਮਜਬੂਰ ਮਈ ਮਹੀਨੇ ਦੀ 21 ਤਾਰੀਖ਼ ਨੂੰ ਮੈਲਬੌਰਨ ਦੇ Clyde 'ਚ ਰਹਿਣ ਵਾਲੇ ਲਵਪ੍ਰੀਤ ਸਿੰਘ ਨੇ ਆਪਣੀ Uber ਚਲਾਉਣੀ ਆਮ ਦਿਨਾਂ ਵਾਂਗ ਹੀ ਸ਼ੁਰੂ ਕੀਤੀ ਸੀ। ਪਰ ਜਦੋਂ ਉਸਨੂੰ job ਆਈ ਤਾਂ ਨਹੀਂ ਸੀ ਪਤਾ ਕਿ ਘਰੋਂ ਤਿਆਰ ਹੋ ਕੇ ਨਿਕਲੇ ਲਵਪ੍ਰੀਤ ਲਈ ਉਹ ਜ਼ਿੰਦਗੀ ਦਾ ਸਭ ਤੋਂ ਭਿਆਨਕ ਦਿਨ ਹੋਵੇਗਾ। ਦੁਪਿਹਰ ਵੇਲੇ ਕੰਮ ਸ਼ੁਰੂ ਕੀਤਾ ਅਤੇ ਸਵਾਰੀ ਵੀ ਉਸੇ ਸਬ-ਅਰਬ ਤੋਂ ਚੁੱਕਣੀ ਸੀ। ਜਿਸ ਨੇ ride ਬੁੱਕ ਕੀਤੀ (ਲਵਪ੍ਰੀਤ ਮੁਤਾਬਕ ਅਫਰੀਕੀ ਮੂਲ ਦਾ ਲੱਗਦਾ ਸੀ) ਉਸਨੇ ਲਵਪ੍ਰੀਤ ਨੂੰ ਬੇਨਤੀ ਕੀਤੀ ਕਿ ਮੇਰੀ ਪਿੱਠ 'ਚ ਦਰਦ ਹੈ, ਮੇਰੇ ਘਰੋਂ ਤਿੰਨ ਅਟੈਚੀ ਚੁੱਕਣ ਵਿਚ ਮਦਦ ਕਰ ਦਿਓ। ਭਲਾਈ ਕਰਨ ਖਾਤਰ ਲਵਪ੍ਰੀਤ ਜਿਵੇਂ ਹੀ ਅੰਦਰ ਵੜਿਆ, ਪਿੱਛੋਂ ਆਉਂਦੇ ਉਸ ਵਿਅਕਤੀ ਨੇ ਤੇਜ਼ਧਾਰ ਚਾਕੂ ਨਾਲ ਲਵਪ੍ਰੀਤ 'ਤੇ ਹਮਲਾ ਬੋਲ ਦਿੱਤਾ। ਪਹਿਲਾ ਵਾਰ ਗਰਦਨ ਦੇ ਪਿੱਛੇ ਕੀਤਾ ਤਾਂ ਉਹ ਹੇਠਾਂ ਡਿੱਗ ਪਿਆ। ਦੂਜਾ ਵਾਰ ਕਰਨ ਤੋਂ ਪਹਿਲਾਂ ਲਵਪ੍ਰੀਤ ਨੇ ਉਸਨੂੰ ਕਿਹਾ ਕਿ ਮੇਰਾ ਪਰਿਵਾਰ ਹੈ, ਤੂੰ ਇੰਝ ਕਿਉਂ ਕਰ ਰਿਹਾ? ਜਵਾਬ ਮਿਲਿਆ ਕਿ ਮੈਂ ਵੀ ਆਪਣੇ ਪਰਿਵਾਰ ਲਈ ਹੀ ਕਰ ਰਿਹਾ। ਬੜੀ ਹਿੰਮਤ ਨਾਲ ਲਵਪ੍ਰੀਤ ਨੇ ਖੱਬੇ ਹੱਥੀਂ ਚਾਕੂ ਦਾ ਵਾਰ ਰੋਕਿਆ ਤਾਂ ਉਸਦਾ ਹੱਥ ਲਹੂ ਲੁਹਾਣ ਹੋ ਗਿਆ। ਜਿਵੇਂ ਤਿਵੇਂ ਉਸ 'ਤੇ ਹੋਏ ਕਈ ਹਮਲਿਆਂ ਨੂੰ ਰੋਕਦਾ ਸਹਿੰਦਾ, ਲਵਪ੍ਰੀਤ ਭੱਜ ਕੇ ਬਾਹਰ ਆ ਗਿਆ। ਗਲੀ 'ਚੋਂ ਬਾਹਰ ਨਿਕਲਿਆ ਤਾਂ ਆਪਣੇ ਭਰਾ ਨੂੰ ਮਦਦ ਲਈ ਫੋਨ ਕੀਤਾ। ਕਈ ਦਿਨ ਹਸਪਤਾਲ 'ਚ ਭਰਤੀ ਰਿਹਾ ਪਰ ਹੁਣ ਜਾਨ ਖਤਰੇ ਤੋਂ ਬਾਹਰ ਹੈ। ਲਵਪ੍ਰੀਤ ਦੇ ਚਚੇਰੇ ਭਰਾ ਕਰਨਬੀਰ ਨੇ ਰੇਡੀਓ ਹਾਂਜੀ ਨੂੰ ਜ਼ੇਰੇ ਇਲਾਜ ਲਵਪ੍ਰੀਤ ਦੀਆਂ ਫੋਟੋਆਂ ਭੇਜੀਆਂ ਅਤੇ ਸਾਰੀ ਵਾਰਦਾਤ ਦੱਸੀ। ਕਿਹਾ ਸ਼ੱਕ ਇਹ ਸੀ ਕਿ ride ਬੁੱਕ ਕਰਨ ਵਾਲੇ ਵਿਅਕਤੀ ਦੀ ਮੰਸ਼ਾ ਹੋ ਸਕਦਾ, ਗੱਡੀ ਖੋਹਣ ਦੀ ਹੋਵੇ ਅਤੇ ਲਵਪ੍ਰੀਤ ਨੂੰ ਜਾਨ ਤੋਂ ਮਾਰ ਦੇਣ ਦੇ ਇਰਾਦੇ ਨਾਲ ਉਸਨੇ ਇੱਕ ਨਹੀਂ ਪਰ ਸ਼ਰੀਰ ਦੇ ਕਈ ਹਿੱਸਿਆਂ 'ਤੇ ਵਾਰ ਕੀਤੇ। ਕਰਨਬੀਰ ਮੁਤਾਬਕ, "ਸ਼੍ਰੀ ਗੁਰੂ ਤੇਗ ਬਹਾਦੁਰ ਪਾਤਸ਼ਾਹ ਨੇ ਮੇਰੇ ਭਰਾ ਨੂੰ ਬਚਾਅ ਲਿਆ, ਅਸੀਂ ਕੋਈ ਫੰਡ ਨਹੀਂ ਇਕੱਠਾ ਕਰ ਰਹੇ, ਪਰ ਦੱਸਣਾ ਚਾਹੁੰਦੇ ਹਾਂ, ਕਿ ਇਹ job ਕਿੰਨੀ ਜੋਖਮ ਭਰੀ ਬਣ ਸਕਦੀ ਹੈ, ਜੇ ਸਾਵਧਾਨੀ ਨਾ ਵਰਤੀ ਜਾਵੇ"। ਲਵਪ੍ਰੀਤ ਹਾਲੇ ਕੁਝ ਸਾਲ ਪਹਿਲਾਂ ਹੀ ਆਸਟ੍ਰੇਲੀਆ ਆਇਆ ਸੀ। ਆਪਣੀ ਪਤਨੀ ਅਤੇ 4 ਸਾਲ ਦੇ ਬੇਟੇ ਨਾਲ ਸਟੂਡੈਂਟ ਵੀਜ਼ਾ 'ਤੇ ਰਹਿ ਰਿਹਾ ਹੈ। ਅੱਜ ਤੱਕ ਕੋਈ ਅਪਰਾਧਕ ਪਿਛੋਕੜ ਨਹੀਂ ਹੈ। ਪਰ ਹੁਣ ਕੰਮ ਦੇਣ ਵਾਲੀ ਕੰਪਨੀ Uber ਵੀ ਪਿੱਛੇ ਹਟ ਰਹੀ ਹੈ। Work Compensation ਲਈ ਲਵਪ੍ਰੀਤ ਦੇ ਕੇਸ ਨੂੰ ਕਮਜ਼ੋਰ ਦੱਸਿਆ ਜਾ ਰਿਹਾ ਹੈ। ਖੌਫ਼ਜ਼ਦਾ ਹੋਇਆ ਲਵਪ੍ਰੀਤ ਇਸ ਵੇਲੇ ਕਿਰਾਏ ਦੇ ਘਰ 'ਤੇ ਰਹਿ ਰਿਹਾ ਹੈ ਅਤੇ ਕਰਨਬੀਰ ਅਨੁਸਾਰ ਉਹ ਘਰ ਛੱਡਣ ਲਈ ਮਜ਼ਬੂਰ ਹੈ। ਉਸਨੂੰ ਲੱਗਦਾ ਹੈ ਕਿ ride book ਕਰਨ ਵਾਲੇ ਸ਼ਖਸ ਕੋਲ ਉਸਦੀ ਸਾਰੀ ਜਾਣਕਾਰੀ ਹੈ, ਬਿਨਾਂ ਕਿਸੇ ਦੁਸ਼ਮਣੀ ਦੇ ਬਾਵਜੂਦ ਉਹ ਕਿਤੇ ਫੇਰ ਤੋਂ ਹਮਲਾ ਨਾ ਕਰ ਦੇਵੇ। ਪੁਲਿਸ ਨੇ ਵੀ ਕਾਰਵਾਈ ਨੂੰ ਸਖਤੀ ਨਾਲ ਅੱਗੇ ਨਹੀਂ ਤੋਰਿਆ।

ਹਰ ਕਿਸੇ ਇਨਸਾਨ ਦੀ ਦਿਲੀ ਤਮੰਨਾ ਹੁੰਦੀ ਆ ਕਿ ਉਸਦੀ ਜ਼ਿੰਦਗੀ ਸੋਹਣੀ ਹੋਵੇ, ਜ਼ਿੰਦਗੀ ਚ ਮਿਲਣ ਵਾਲਿਆਂ ਸਾਰੀਆਂ ਖੁਸ਼ੀਆਂ ਦਾ ਉਹ ਹੱਕਦਾਰ ਹੋਵੇ, ਖਾਸ ਕਰਕੇ ਗੱਲ ਜਦੋਂ ਵਿਆਹ ਦੀ ਆਉਂਦੀ ਹੈ ਤਾਂ ਮੁੰਡਾ ਹੋਵੇ ਜਾਂ ਕੁੜੀ ਹਰ ਕੋਈ ਇੱਕ ਅਜਿਹਾ ਹਮਸਫ਼ਰ ਲੋਚਦਾ ਹੈ ਜੋ ਉਸਨੂੰ ਸਮਝੇ, ਉਸਦਾ ਸਾਥ ਦੇਵੇ, ਔਖੇ-ਸੌਖੇ ਵੇਲਿਆਂ ਵਿੱਚ ਨਾਲ ਖੜ੍ਹਦਾ ਹੋਵੇ, ਫਿਰ ਹਲਾਤ ਜਿਵੇਂ ਦੇ ਮਰਜੀ ਹੋਣ, ਜ਼ਿੰਦਗੀ ਜਿੰਨੀ ਮਰਜ਼ੀ ਔਖੀ ਹੋਵੇ ਪਰ ਉਸ ਇੱਕ ਸਾਥ ਦਾ ਕਰਕੇ ਸਭ ਕੁੱਝ ਸੌਖੇ ਨਿੱਬੜ ਜਾਂਦਾ ਹੈ, ਅੱਜ ਦੀ ਕਹਾਣੀ ਹਰ ਘਰ ਦੀ ਕਹਾਣੀ ਹੈ, ਹਰ ਉਸ ਇਨਸਾਨ ਦੀ ਕਹਾਣੀ ਹੈ ਜੋ ਆਪਣੇ ਹਮਸਫ਼ਰ ਦੀ ਪ੍ਰਵਾਹ ਕਰਦਾ ਹੈ

ਸ਼੍ਰੋਮਣੀ ਅਕਾਲੀ ਦਲ ਦੀ ਕੋਰ ਕਮੇਟੀ ਦੀ ਮੀਟਿੰਗ ਅੱਜ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਵਿਚ ਹੋਈ। ਲੋਕ ਸਭਾ ਚੋਣਾਂ ਵਿਚ ਕਰਾਰੀ ਹਾਰ ਮਗਰੋਂ ਕੋਰ ਕਮੇਟੀ ਦੀ ਇੱਥੇ ਕਰੀਬ ਛੇ ਘੰਟੇ ਚੱਲੀ ਮੀਟਿੰਗ ਵਿਚ ਚੋਣਾਂ ’ਚ ਪਾਰਟੀ ਦੀ ਕਾਰਗੁਜ਼ਾਰੀ ਅਤੇ ਪੰਜਾਬ ਦੇ ਮੌਜੂਦਾ ਸਿਆਸੀ ਹਾਲਾਤ ’ਤੇ ਚਰਚਾ ਕੀਤੀ ਗਈ। ਕੋਰ ਕਮੇਟੀ ਦੇ ਕਿਸੇ ਮੈਂਬਰ ਨੇ ਮੀਟਿੰਗ ਦੌਰਾਨ ਸੁਖਬੀਰ ਬਾਦਲ ਦੀ ਪ੍ਰਧਾਨਗੀ ’ਤੇ ਕੋਈ ਸਵਾਲ ਖੜ੍ਹਾ ਨਹੀਂ ਕੀਤਾ ਬਲਕਿ ਉਨ੍ਹਾਂ ਦੀ ਅਗਵਾਈ ’ਤੇ ਪੂਰਾ ਭਰੋਸਾ ਪ੍ਰਗਟਾਇਆ। ਕੋਰ ਕਮੇਟੀ ਨੇ ਲੋਕ ਸਭਾ ਚੋਣਾਂ ਵਿਚ ਹੋਈ ਹਾਰ ਦੇ ਮਾਮਲੇ ਵਿਚ ਇੱਕ ਤਰੀਕੇ ਨਾਲ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੂੰ ਕਲੀਨ ਚਿੱਟ ਦੇ ਦਿੱਤੀ ਹੈ। ਮੀਟਿੰਗ ਵਿਚ ਝੂੰਦਾਂ ਕਮੇਟੀ ਦੀਆਂ ਸਿਫ਼ਾਰਸ਼ਾਂ ’ਤੇ ਸਭ ਨੇ ਚੁੱਪ ਵੱਟੀ ਰੱਖੀ।

ਕੁਵੈਤ ’ਚ ਛੇ ਮੰਜ਼ਿਲਾ ਇਮਾਰਤ ’ਚ ਭਿਆਨਕ ਅੱਗ ਲੱਗਣ ਕਾਰਨ 45 ਭਾਰਤੀਆਂ ਸਣੇ 49 ਵਿਅਕਤੀਆਂ ਦੀ ਮੌਤ ਹੋ ਗਈ। ਇਮਾਰਤ ’ਚ ਵਿਦੇਸ਼ੀ ਕਾਮੇ ਰਹਿੰਦੇ ਸਨ। ਬਹੁਤਿਆਂ ਦੀ ਮੌਤ ਧੂੰਏਂ ਨਾਲ ਦਮ ਘੁਟਣ ਕਾਰਨ ਹੋਈ ਹੈ। ਬਚਾਅ ਕਾਰਜਾਂ ਦੌਰਾਨ ਪੰਜ ਅੱਗ ਬੁਝਾਊ ਕਰਮਚਾਰੀ ਵੀ ਜ਼ਖਮੀ ਹੋ ਗਏ। ਕੁਵੈਤ ਸਰਕਾਰ ਨੇ ਘਟਨਾ ਦੀ ਜਾਂਚ ਦੇ ਹੁਕਮ ਦਿੰਦਿਆਂ ਜ਼ਿੰਮੇਵਾਰਾਂ ਖ਼ਿਲਾਫ਼ ਕਾਰਵਾਈ ਕਰਨ ਦਾ ਅਹਿਦ ਲਿਆ ਹੈ

ਸਾਲ 2023 'ਚ ਸਭ ਤੋਂ ਤੇਜ਼ ਜਨਸੰਖਿਆ ਵਾਧਾ ਵਿਕਟੋਰੀਆ 'ਚ ਹੋਇਆ ਕਰੀਬ 186,500 ਲੋਕਾਂ ਨੇ ਵਿਕਟੋਰੀਆ ਨੂੰ 2023 'ਚ ਆਪਣੇ ਨਵੇਂ ਘਰ ਵੱਜੋਂ ਅਪਣਾਇਆ। ਸਾਲ 2022 ਨਾਲੋਂ 2.8 ਫੀਸਦ ਵਧੇਰੇ। ਯਾਨੀ NSW ਨਾਲੋਂ ਵੀ ਤੇਜ਼ ਵਾਧਾ ਵਿਕਟੋਰੀਆ ਸੂਬੇ ਵਿਚ ਵੇਖਿਆ ਗਿਆ। ਦੱਸ ਦਈਏ ਕਿ Victoria ਸੂਬੇ ਦੀ ਆਬਾਦੀ ਵਧਣ ਦੇ ਦੋ ਵੱਡੇ ਕਾਰਣ ਹਨ। ਪਹਿਲਾ ਦੇਸ਼ ਦੇ ਦੂਸਰੇ ਸੂਬਿਆਂ ਨੂੰ ਛੱਡ ਵਿਕਟੋਰੀਆ ਨੂੰ ਆਪਣਾ ਘਰ ਬਣਾਉਣਾ ਅਤੇ ਦੂਸਰਾ ਪ੍ਰਵਾਸੀਆਂ ਦੁਆਰਾ ਵਿਕਟੋਰੀਆ ਨੂੰ ਰਹਿਣ ਲਈ ਚੁਣਨਾ। ਇਸ ਤਰ੍ਹਾਂ ਅਗਲੇ ਮਹੀਨੇ ਤੱਕ ਵਿਕਟੋਰੀਆ ਦੀ ਜਨਸੰਖਿਆ 7 ਮਿਲੀਅਨ ਦੇ ਅੰਕੜੇ ਨੂੰ ਛੂਹ ਜਾਵੇਗੀ। ਆਬਾਦੀ ਵਾਧੇ ਦੇ ਲਿਹਾਜ਼ ਨਾਲ ਦੇਸ਼ ਦੀ ਦੂਸਰੀ ਵੱਡੀ ਸਟੇਟ ਰਹੀ Western Australia. ਵੈਸਟਰਨ ਆਸਟ੍ਰੇਲੀਆ ਵਿੱਚ 3.3 ਫੀਸਦ ਦਾ ਵਾਧਾ ਹੋਇਆ ਅਤੇ 98,300 ਲੋਕਾਂ ਨੇ WA ਨੂੰ ਆਪਣਾ ਘਰ ਬਣਾਇਆ। ਹਾਲਾਂਕਿ ਅਗਲੇ ਮਹੀਨੇ ਤੱਕ NSW ਦੀ ਕੁੱਲ੍ਹ ਆਬਾਦੀ 8.4 ਮਿਲੀਅਨ ਤੋਂ ਵਧੇਰੇ ਹੋਵੇਗੀ। ਵਿਕਟੋਰੀਆ ਵਿੱਚ ਸਭ ਤੋਂ ਵੱਡਾ ਆਬਾਦੀ ਵਾਧੇ ਦਾ ਕਾਰਣ ਇੰਟਰਨੈਸ਼ਨਲ ਸਟੂਡੈਂਟਸ ਜਾਂ ਹੁਨਰਮੰਦ ਪ੍ਰਵਾਸੀ (160,000) ਰਹੇ ਹਨ। ਜਦਕਿ ਆਸਟ੍ਰੇਲੀਆ ਦੀ ਕੁੱਲ ਆਬਾਦੀ 2023 'ਚ 2.5 ਫੀਸਦ ਵਧੀ ਸੀ ਅਤੇ ਇਸ ਵਿੱਚ 547,000 ਮਾਈਗ੍ਰੇਸ਼ਨ ਕਰਕੇ ਨਵੇਂ ਜੁੜੇ ਲੋਕ ਸਨ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਕਈ ਲੋਕਾਂ ਨਾਲ ਕੋਈ ਖੂਨ ਦਾ ਰਿਸ਼ਤਾ ਨਹੀਂ ਹੁੰਦਾ ਪਰ ਫਿਰ ਉਹਨਾਂ ਨਾਲ ਉਮਰਾਂ ਦੀ ਸਾਂਝ ਹੁੰਦੀ ਹੈ, ਅਜਿਹੇ ਰਿਸ਼ਤੇ ਬਿਨ੍ਹਾਂ ਕਿਸੇ ਨਾਂਅ ਤੋਂ ਹੀ ਸਾਰੀ ਉਮਰ ਸਾਥ ਦੇਂਦੇ ਹਨ, ਅਜਿਹੇ ਹੀ ਕੁੱਝ ਰਿਸ਼ਤਿਆਂ ਦੀ ਕਹਾਣੀ ਹੈ ਅੱਜ ਦੀ ਕਹਾਣੀ ਰਿਸ਼ਤੇ

ਅੱਜ ਦੇ ਐਪੀਸੋਡ ਵਿੱਚ ਡਾ. ਸਨਦੀਪ ਭਗਤ ਜੀ ਨੇ Motor Neurone Disease (MND) ਬਾਰੇ ਜਾਣਕਾਰੀ ਦਿੱਤੀ, ਇਸ ਬਿਮਾਰੀ ਦੇ ਲੱਛਣ ਕੀ ਹਨ ਅਤੇ ਇਹ ਸਰੀਰ ਉੱਤੇ ਕਿਸ ਤਰਾਂ ਅਸਰ ਕਰਦੀ ਹੈ, ਇਸਤੋਂ ਇਲਾਵਾ ਸਰੋਤਿਆਂ ਨੇ ਫ਼ੋਨ ਦੇ ਜ਼ਰੀਏ ਜੋ ਸਵਾਲ ਕੀਤੇ ਕੀਤੇ ਉਹਨਾਂ ਸਵਾਲਾਂ ਦੇ ਜਵਾਬ ਡਾਕਟਰ ਭਗਤ ਜੀ ਨੇ ਦਿੱਤੇ

ਟੀਡੀਪੀ ਸੁਪਰੀਮੋ ਐੱਨ. ਚੰਦਰਬਾਬੂ ਨਾਇਡੂ ਨੇ ਅੱਜ ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਵਜੋਂ ਚੌਥੀ ਵਾਰ ਹਲਫ਼ ਲਿਆ। ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਭਾਜਪਾ ਦੇ ਸੀਨੀਅਰ ਆਗੂ ਅਤੇ ਕੇਂਦਰੀ ਮੰਤਰੀ ਵੀ ਹਾਜ਼ਰ ਸਨ। ਜਨਸੈਨਾ ਮੁਖੀ ਅਤੇ ਅਦਾਕਾਰ ਪਵਨ ਕਲਿਆਣ ਅਤੇ ਨਾਇਡੂ ਦੇ ਪੁੱਤਰ ਨਾਰਾ ਲੋਕੇਸ਼ ਸਮੇਤ ਹੋਰ ਆਗੂਆਂ ਨੇ ਮੰਤਰੀ ਵਜੋਂ ਸਹੁੰ ਚੁੱਕੀ। ਨਾਇਡੂ ਵੀਰਵਾਰ ਸ਼ਾਮ 4.41 ਵਜੇ ਅਹੁਦਾ ਸੰਭਾਲਣਗੇ। ਉਹ ਅੱਜ ਸ਼ਾਮ ਤਿਰੂਪਤੀ ਲਈ ਰਵਾਨਾ ਹੋ ਗਏ ਹਨ ਜਿਥੇ ਉਹ ਵੀਰਵਾਰ ਸਵੇਰੇ ਸ੍ਰੀ ਵੈਂਕਟੇਸ਼ਵਰ ਸਵਾਮੀ ਮੰਦਰ ’ਚ ਮੱਥਾ ਟੇਕਣਗੇ। ਜਾਣਕਾਰੀ ਮੁਤਾਬਕ ਅਹੁਦਾ ਸੰਭਾਲਦੇ ਸਾਰ ਹੀ ਉਹ ਅਧਿਆਪਕਾਂ ਦੀ ਭਰਤੀ ਵਾਲੀ ਫਾਈਲ ’ਤੇ ਦਸਤਖ਼ਤ ਕਰਨਗੇ। ਇਸ ਤੋਂ ਇਲਾਵਾ ਉਹ ਲੈਂਡ ਟਿਲਿੰਗ ਐਕਟ ਖ਼ਤਮ ਕਰਨ, ਸਮਾਜਿਕ ਪੈਨਸ਼ਨ 3 ਹਜ਼ਾਰ ਤੋਂ ਵਧਾ ਕੇ 4 ਹਜ਼ਾਰ ਕਰਨ, ਅੰਨਾ ਕੰਟੀਨਾਂ ਖੋਲ੍ਹਣ ਅਤੇ ਹੋਰ ਅਹਿਮ ਫਾਈਲਾਂ ’ਤੇ ਵੀ ਸਹੀ ਪਾਉਣਗੇ।

ਯੂਰੋਪੀ ਪਾਰਲੀਮੈਂਟ ਦੀਆਂ ਚੋਣਾਂ- ਕੀ ਹੈ ਯੂਰਪੀ ਕਮਿਸ਼ਨ ਅਤੇ ਯੂਰਪੀ ਆਯੋਗ? ਕਿਉਂ ਹੋ ਰਹੇ ਹਨ ਯੂਰਪੀ ਨੇਤਾਵਾਂ 'ਤੇ ਹਮਲੇ? ਪ੍ਰੋਗਰਾਮ News & Views 'ਚ ਜਾਣੋ ਇਸ ਹਫ਼ਤੇ। ਨਾਲ ਹੀ ਕਾਰਟੂਨ ਡੋਨਾਲਡ ਡੱਕ ਦੇ 90 ਸਾਲ ਪੂਰੇ ਹੋਣ 'ਤੇ ਇੱਕ ਦਿਲਚਸਪ ਕਹਾਣੀ ਦੂਸਰੀ ਵਿਸ਼ਵ ਜੰਗ ਦੀ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਰਾਸ਼ਟਰੀ ਸਵੈ-ਸੇਵਕ ਸੰਘ ਦੇ ਮੁਖੀ ਮੋਹਨ ਭਾਗਵਤ ਨੇ ਅੱਜ ਕਿਹਾ ਕਿ ਹਾਲੀਆ ਲੋਕ ਸਭਾ ਚੋਣਾਂ ਦੌਰਾਨ ਕਈ ਸਿਆਸੀ ਪਾਰਟੀਆਂ ਨੇ ‘ਆਦਰਸ਼ ਚੋਣ ਜ਼ਾਬਤੇ’ ਦੀ ਉਲੰਘਣਾ ਕੀਤੀ। ਭਾਗਵਤ ਨੇ ਕਿਹਾ ਕਿ ਜਮਹੂਰੀਅਤ ਵਿਚ ਵਿਰੋਧੀ ਧਿਰਾਂ ਨੂੰ ਸਿਰਫ਼ ‘ਵਿਰੋਧੀ’ ਨਾ ਸਮਝਿਆ ਜਾਵੇ ਤੇ ਉਨ੍ਹਾਂ ਦੇ ਵਿਚਾਰਾਂ ਨੂੰ ਸਾਰਿਆਂ ਦੇ ਸਾਹਮਣੇ ਲਿਆਂਦਾ ਜਾਣਾ ਚਾਹੀਦਾ ਹੈ। ਭਾਗਵਤ ਆਰਐੱਸਐੱਸ ਵਰਕਰਾਂ ਦੀ ਡਿਵੈਲਪਮੈਂਟ ਕਲਾਸ ਦੇ ਸਮਾਪਤੀ ਸਮਾਗਮ ਨੂੰ ਸੰਬੋਧਨ ਕਰ ਰਹੇ ਸਨ। ਉਨ੍ਹਾਂ ਕਿਹਾ, ‘‘ਚੋੋਣਾਂ ਜਮਹੂਰੀਅਤ ਦਾ ਜ਼ਰੂਰੀ ਅਮਲ ਹਨ। ਚੋਣ ਲੜਨ ਦੀ ਵੀ ਇਕ ਮਾਣ-ਮਰਯਾਦਾ ਹੁੰਦੀ ਹੈ, ਜਿਸ ਦਾ ਇਨ੍ਹਾਂ ਚੋਣਾਂ ਵਿਚ ਸਤਿਕਾਰ ਨਹੀਂ ਕੀਤਾ ਗਿਆ। ਸਾਡੇ ਦੇਸ਼ ਨੂੰ ਦਰਪੇਸ਼ ਚੁਣੌਤੀਆਂ ਅਜੇ ਖ਼ਤਮ ਨਹੀਂ ਹੋਈਆਂ।’’

Purchasing an iPhone is a significant decision due to its high cost and the frequency with which you'll use it daily. Once you've decided on an iPhone over a top Android phone, choosing the right model becomes another crucial choice. There are numerous iPhone models on the market, including older versions, each with unique features and price points. With that in mind, here are the five key factors to consider when selecting an iPhone.

ਅੱਜ ਦੀ ਕਹਾਣੀ ਇੱਕ ਕਹਾਣੀ ਨਹੀਂ ਅਮਰੀਕਾ ਵਿੱਚ ਵਾਪਰੀ ਸੱਚੀ ਘਟਨਾ ਹੈ, ਜਿਸ ਵਿੱਚ ਇੱਕ ਪਿਤਾ ਨੇ ਆਪਣੇ 6 ਸਾਲ ਦੇ ਪੁੱਤ ਨੂੰ ਟ੍ਰੈਡਮਿਲ ਦੇ ਦੌੜਾ-ਦੌੜਾ ਕੇ ਇਸ ਹੱਦ ਤੱਕ ਟੌਰਚਰ ਕੀਤਾ ਕਿ ਇਸ ਘਟਨਾ ਤੋਂ ਬਾਅਦ 2 ਮਹੀਨੇ ਬਾਅਦ ਬੱਚੇ ਦੀ ਮੌਤ ਹੋ ਗਈ, ਮੈਡੀਕਲ ਰਿਪੋਰਟਾਂ ਅਨੁਸਾਰ ਬੱਚੇ ਦੀ ਮੌਤ ਦਾ ਜਿੰਮੇਵਾਰ ਇਸ ਘਟਨਾ ਨੂੰ ਮੰਨਿਆ ਗਿਆ ਹੈ

ਸੰਯੁਕਤ ਰਾਸ਼ਟਰ (ਯੂਐੱਨ) ਸੁਰੱਖਿਆ ਕੌਂਸਲ ਨੇ ਗਾਜ਼ਾ ’ਚ ਇਜ਼ਰਾਈਲ ਤੇ ਹਮਾਸ ਵਿਚਾਲੇ ਅੱਠ ਮਹੀਨੇ ਤੋਂ ਜਾਰੀ ਜੰਗ ਖਤਮ ਕਰਨ ਦੇ ਮਕਸਦ ਤਹਿਤ ਆਪਣੇ ਮਤੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਅਮਰੀਕਾ ਦੀ ਹਮਾਇਤ ਪ੍ਰਾਪਤ ਜੰਗਬੰਦੀ ਦੇ ਮਤੇ ਦਾ ਐਲਾਨ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਕੀਤਾ। ਅਮਰੀਕਾ ਦੇ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਨੇ ਇਹ ਮਤਾ ਸਵੀਕਾਰ ਕਰਨ ਲਈ ਯੂਐੱਨ ਦਾ ਧੰਨਵਾਦ ਕੀਤਾ ਤੇ ਹਮਾਸ ਨੂੰ ਮੁੜ ਇਹ ਮਤਾ ਸਵੀਕਾਰ ਕਰਨ ਦੀ ਅਪੀਲ ਕੀਤੀ।

ਸਕੂਲੀ ਵਿਦਿਆਰਥਣਾਂ ਦੀ ਨਕਲੀ ਨੰਗੀਆਂ ਤਸਵੀਰਾਂ ਪਾਉਣ ਵਾਲਾ ਗ੍ਰਿਫਤਾਰ ਮੈਲਬੌਰਨ ਦਾ Bacchus Marsh Grammer ਸਕੂਲ, ਜਿਸ ਦੀਆਂ 50 ਤੋਂ ਜਿਆਦਾ ਵਿਦਿਆਰਥਣਾਂ ਦੀ AI (artificial intelligence) ਨਾਲ ਤਿਆਰ ਕੀਤੀਆਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ 'ਤੇ ਵੰਡਣ ਵਾਲਾ teenage ਲੜਕਾ ਫਿਲਹਾਲ ਪੁਲਿਸ ਦੀ ਗ੍ਰਿਫਤ 'ਚ ਹੈ। ਪਰ ਲੜਕੀਆਂ ਦੇ ਮਾਪੇ ਪ੍ਰੇਸ਼ਾਨ ਹਨ। ਬੇਸ਼ੱਕ ਪੁਲਿਸ ਦਾਅਵਾ ਜਤਾ ਰਹੀ ਹੈ ਕਿ ਤਸਵੀਰਾਂ ਨੂੰ ਹਟਾ ਲਿਆ ਗਿਆ ਹੈ ਅਤੇ ਜੇਕਰ ਕੋਈ ਅੱਗੇ ਵੰਡਦਾ ਜਾਂ ਅਪਲੋਡ ਕਰਦਾ ਤਾਂ ਉਸ ਸਖ਼ਸ ਖਿਲਾਫ਼ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਦੱਸ ਦਈਏ ਕਿ Bacchus Marsh ਇੱਕ independent ਸਕੂਲ ਹੈ (ਗੈਰ ਸਰਕਾਰੀ), ਜਿਸ ਦੇ ਤਿੰਨ ਕੈਂਪਸ (Maddingley, Woodlea ਅਤੇ Staughton Vale) ਹਨ। ਇਹ ਲੜਕੀਆਂ ਸਕੂਲ ਦੀਆਂ ਅਲੱਗ ਅਲੱਗ ਬ੍ਰਾਂਚਾਂ ਵਿੱਚ 9ਵੀਂ ਤੋਂ 12ਵੀਂ ਜਮਾਤ ਤੱਕ ਦੀਆਂ ਵਿਦਿਆਰਥਣਾਂ ਹਨ। ਉਂਝ ਇਹ ਕੋਈ ਪਹਿਲੀ ਘਟਨਾ ਵੀ ਨਹੀਂ ਹੈ। ਇਸ ਤੋਂ ਕੁਝ ਦਿਨ ਪਹਿਲਾਂ Salesian College ਦੇ Chadstone ਕੈਂਪਸ ਵਿੱਚ ਪੜ੍ਹਦੇ ਇੱਕ 15 ਸਾਲਾਂ ਲੜਕੇ ਨੂੰ ਸਕੂਲ 'ਚੋਂ ਕੱਢ ਦਿੱਤਾ ਗਿਆ ਸੀ, ਕਿਉਂਕਿ ਉਸਨੇ ਸਕੂਲ ਦੇ ਇੱਕ ਅਧਿਆਪਕ ਦੀ AI ਨਾਲ ਇੱਕ ਗ਼ਲਤ ਤਸਵੀਰ ਤਿਆਰ ਕੀਤੀ ਸੀ। Yarra Valley Grammar 'ਚ ਪੜ੍ਹਦੇ ਦੋ ਲੜਕਿਆਂ ਨੇ ਲੜਕੀਆਂ ਦੇ ਨਾਵਾਂ ਅੱਗੇ ਭੈੜੇ ਸ਼ਬਦਾਂ ਦਾ ਇਸਤੇਮਾਲ ਕਰਕੇ ਉਹਨਾਂ ਦੀ ਪਛਾਣ ਨੂੰ ਜਨਤਕ ਕੀਤਾ ਸੀ। ਅਜਿਹੇ ਵਿਚ ਸਕੂਲਾਂ ਅੰਦਰ teenage ਵਿਦਿਆਰਥੀਆਂ ਦੇ ਨੈਤਿਕ ਪੱਧਰ ਡਿੱਗਣ ਅਤੇ AI ਜਾਂ ਹੋਰਨਾਂ social media ਦਾ ਇਸਤੇਮਾਲ ਕਰ ਇਸ ਦੀ ਦੁਰਵਰਤੋਂ ਕਰਨ ਦੀਆਂ ਘਟਨਾਵਾਂ ਮਾਪਿਆਂ ਲਈ ਵੱਡੀ ਚਿੰਤਾ ਦਾ ਵਿਸ਼ਾ ਹੈ। ਤਸਵੀਰ: #GettyImages #BacchusMarsh #Melbourne

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਕੇਂਦਰੀ ਮੰਤਰੀ ਤੇ ਉਨ੍ਹਾਂ ਦੇ ਵਿਭਾਗ •⁠  ⁠ਅਮਿਤ ਸ਼ਾਹ: ਗ੍ਰਹਿ ਮੰਤਰਾਲਾ •⁠  ⁠ਐੱਸ ਜੈਸ਼ੰਕਰ: ਵਿਦੇਸ਼ ਮੰਤਰਾਲਾ •⁠  ⁠ਨਿਰਮਲਾ ਸੀਤਾਰਾਮਨ:ਵਿੱਤ •⁠  ⁠ਰਾਜਨਾਥ: ਰੱਖਿਆ ਮੰਤਰਾਲਾ •⁠  ⁠ਮਨੋਹਰ ਲਾਲ ਖੱਟਰ: ਮਕਾਨ ਉਸਾਰੀ ਤੇ ਸ਼ਹਿਰੀ ਮਾਮਲੇ ਤੇ ਬਿਜਲੀ ਮੰਤਰਾਲਾ •⁠  ⁠ਜੇਪੀ ਨੱਢਾ: ਸਿਹਤ ਮੰਤਰਾਲਾ •⁠  ⁠ਸ਼ਿਵਰਾਜ ਚੌਹਾਨ: ਖੇਤੀਬਾੜੀ •⁠  ⁠ਨਿਤਿਨ ਗਡਕਰੀ: ਸੜਕੀ ਆਵਾਜਾਈ •⁠  ⁠ਅਸ਼ਵਨੀ ਵੈਸ਼ਨਵ: ਰੇਲਵੇ ਤੇ ਇਲੈਕਟ੍ਰਾਨਿਕ ਤੇ ਆਈਟੀ •⁠  ⁠ਅਰਜੁਨ ਰਾਮ ਮੇਘਵਾਲ: ਕਾਨੂੰਨ ਮੰਤਰਾਲਾ •⁠  ⁠ਪੀਯੂਸ਼ ਗੋਇਲ: ਵਣਜ ਤੇ ਸਨਅਤ ਮੰਤਰਾਲਾ •⁠  ⁠ਰਵਨੀਤ ਿਬੱਟੂ: ਫੂਡ ਪ੍ਰੋਸੈਸਿੰਗ ਤੇ ਰੇਲਵੇ ਰਾਜ ਮੰਤਰਾਲਾ •⁠  ⁠ਹਰਦੀਪ ਪੁਰੀ: ਪੈਟਰੋਲੀਅਮ •⁠  ⁠ਪ੍ਰਹਿਲਾਦ ਜੋਸ਼ੀ: ਖਪਤਕਾਰ ਮਾਮਲੇ •⁠  ⁠ਚਿਰਾਗ ਪਾਸਵਾਨ: ਫੂਡ ਪ੍ਰੋਸੈਸਿੰਗ ਮੰਤਰਾਲਾ •⁠  ⁠ਐੱਚਡੀ ਕੁਮਾਰਸਵਾਮੀ: ਭਾਰੀ ਸਨਅਤਾਂ ਤੇ ਸਟੀਲ •⁠  ⁠ਜੀਤਨ ਰਾਮ ਮਾਝੀ: ਐੱਮਐੱਸਐੱਮਈ •⁠  ⁠ਲੱੱਲਨ ਿਸੰਘ: ਪੰਚਾਇਤੀ ਰਾਜ, ਪਸ਼ੂ ਪਾਲਣ ਤੇ ਹੋਰ •⁠  ⁠ਕੇ ਰਾਮ ਮੋਹਨ ਨਾਇਡੂ: ਸ਼ਹਿਰੀ ਹਵਾਬਾਜ਼ੀ •⁠  ⁠ਗਿਰੀਰਾਜ: ਟੈਕਸਟਾਈਲ •⁠  ⁠ਜੈਅੰਤ ਚੌਧਰੀ: ਹੁਨਰ ਵਿਕਾਸ ਤੇ ਉੱਦਮੀ ਮੰਤਰਾਲਾ

ਪੋਲ-ਵਾਲਟ ਖਿਡਾਰਨਾਂ ਸੁਖਨੂਰ ਤੇ ਖੁਸ਼ਨੂਰ ਰੰਗੀ ਨੇ ਫਿਜੀ ਵਿੱਚ ਹੋਈ ਓਸ਼ੀਆਨੀਆ ਚੈਂਪੀਅਨਸ਼ਿਪ ਵਿੱਚ,18 ਸਾਲ ਤੋਂ ਘੱਟ ਉਮਰ ਵਰਗ ਵਿੱਚ ਆਸਟ੍ਰੇਲੀਆ ਲਈ ਸੋਨੇ ਤੇ ਚਾਂਦੀ ਦੇ ਤਗਮੇ ਜਿੱਤੇ ਹਨ|

ਪੰਜਾਬੀ ਮੂਲ ਦੀ ਹਰਿੰਦਰ ਕੌਰ ਨੂੰ ਦਿੱਤਾ ਜਾਵੇਗਾ King's Birthday ਮੌਕੇ ਆਸਟ੍ਰੇਲੀਆ ਦਾ ਨਾਗਰਿਕ ਸਨਮਾਨ ਐਤਵਾਰ ਰਾਤ ਜਦੋਂ ਆਸਟ੍ਰੇਲੀਆ ਦੇ ਗਵਰਨਰ ਜਰਨਲ David Hurley ਦੀ ਤਰਫ਼ੋਂ ਸ਼ਾਹੀ ਗੱਦੀਨਸ਼ੀਨ ਰਾਜਾ ਚਾਰਲਸ ਦੇ ਜਨਮਦਿਨ ਮੌਕੇ ਦਿੱਤੇ ਜਾਣ ਵਾਲੇ ਪੁਰਸਕਾਰਾਂ ਲਈ 737 ਨਾਵਾਂ ਦੀ ਲਿਸਟ ਐਲਾਨੀ ਗਈ, ਤਾਂ ਉਸ ਵਿੱਚ ਇੱਕ ਨਾਮ ਭਾਰਤੀ ਮੂਲ ਦੀ ਹਰਿੰਦਰ ਕੌਰ ਦਾ ਵੀ ਸੀ। ਹਰਿੰਦਰ ਕੌਰ ਨੂੰ ਘਰੇਲੂ ਹਿੰਸਾ ਨਾਲ ਪੀੜਤ ਲੋਕਾਂ ਦੀ ਮਦਦ ਕਰਨ ਅਤੇ ਮਨੁੱਖੀ ਸਹਾਇਤਾ ਲਈ ਸਦਾ ਤਿਆਰ ਰਹਿਣ ਵਾਲੀ ਉਹਨਾਂ ਦੀ ਸੰਸਥਾ Harman Foundation ਦੁਆਰਾ ਕੀਤੇ ਸ਼ਲਾਘਾਯੋਗ ਕਾਰਜਾਂ ਲਈ Medal of the Order of Australia ਯਾਨੀ OAM ਦੇ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।

Haanji Rishte ਵਿੱਚ ਅਸੀਂ ਤੁਹਾਡੇ ਵੱਲੋਂ ਭੇਜੇ ਗਏ ਰਿਸ਼ਤਿਆਂ ਦੀ ਜਾਣਕਾਰੀ ਆਪਣੇ ਸੁਨਣ ਵਾਲਿਆਂ ਨਾਲ ਸਾਂਝੀ ਕਰਦੇ ਹਾਂ, ਰੇਡੀਓ ਹਾਂਜੀ ਕਿਸੇ ਵੀ ਤਰਾਂ ਦੀ Match Making ਨਹੀਂ ਕਰਦਾ, ਅਤੇ ਨਾ ਹੀ ਕੋਈ ਜਾਣਕਾਰੀ ਜਨਤਕ ਤੌਰ ਤੇ ਕਿਸੇ ਨਾਲ ਸਾਂਝੀ ਕਰਦਾ ਹੈ, ਅਸੀਂ ਸਿਰਫ਼ ਤੁਹਾਡੇ ਵੱਲੋਂ ਭੇਜੀ ਗਈ ਜਾਣਕਾਰੀ ਦੂਜਿਆਂ ਨਾਲ ਸਾਂਝੀ ਕਰਨ ਦਾ ਮਾਧਿਅਮ ਹਾਂ...

Melbourne airport 'ਤੇ ਪੰਜਾਬੀ ਮੂਲ ਦੇ ਸਕਿਓਰਿਟੀ ਗਾਰਡ ਉੱਤੇ ਹਮਲਾ ਮੈਲਬੌਰਨ ਹਵਾਈ ਅੱਡੇ 'ਤੇ ਤੈਨਾਤ ਪੰਜਾਬੀ ਮੂਲ ਦਾ 28 ਸਾਲਾਂ security gaurd ਓਸ ਵੇਲੇ ਅਚਾਨਕ ਬੇਵੱਸ ਰਹਿ ਗਿਆ ਜਦੋਂ ਆਪਣੀ ਡਿਉਟੀ ਦੌਰਾਨ ਓਸ 'ਤੇ ਹਮਲਾ ਕਰ ਦਿੱਤਾ ਗਿਆ। ਅਸਲ ਵਿੱਚ ਇਹ ਗਾਰਡ ਇੱਕ uber ਡ੍ਰਾਈਵਰ ਨੂੰ ਇਹ ਕਹਿ ਰਿਹਾ ਸੀ ਕਿ ਉਹ ਆਪਣੀ ਗੱਡੀ ਟੈਕਸੀ ਰੈਂਕ ਵਿੱਚ ਪਾਰਕ ਕਰਕੇ ਨਾ ਖੜ੍ਹਾ ਰਹੇ। ਤਾਂ ਅਚਾਨਕ ਉਬਰ ਡਰਾਈਵਰ ਗੱਡੀ 'ਚੋਂ ਪਾਨਾ (ਟਾਇਰ ਕੱਸਣ ਵਾਲਾ ਸੰਦ) ਕੱਢ ਲੈ ਆਇਆ ਅਤੇ ਗਾਰਡ ਦੇ ਸਿਰ 'ਤੇ ਹਮਲਾ ਕਰ ਦਿੱਤਾ। ਦੋ ਬੱਚਿਆਂ ਦਾ ਪਿਓ (ਪਛਾਣ ਨਸ਼ਰ ਨਹੀਂ ਕੀਤੀ ਜਾ ਸਕਦੀ) ਇਸ ਹਮਲੇ ਤੋਂ ਖੌਫ਼ਜ਼ਦਾ ਹੋ ਗਿਆ ਹੈ ਕਿ ਆਪਣੀ ਕੰਪਨੀ Wilson Security ਨੂੰ ਹੁਣ ਕਹਿ ਰਿਹਾ ਹੈ ਕਿ ਮੁੜ ਉਸ ਦੀ ਡਿਊਟੀ ਹਵਾਈ ਅੱਡੇ 'ਤੇ ਨਾ ਲਗਾਈ ਜਾਵੇ। ਓਧਰ ਵਿਕਟੋਰੀਆ ਪੁਲਿਸ ਨੇ ਇਸ ਮਾਮਲੇ ਵਿੱਚ St Albans ਦੀ Georges Street 'ਤੇ ਰਹਿਣ ਵਾਲੇ 29 ਸਾਲਾਂ ਵਿਅਕਤੀ ਨੂੰ ਕਥਿਤ ਤੌਰ 'ਤੇ ਗ੍ਰਿਫਤਾਰ ਕੀਤਾ ਹੈ। ਸਿਡਨੀ 'ਚ ਇੱਕ ਹੋਰ ਸਮੁੰਦਰੀ ਹਾਦਸਾ - ਦੋ ਭਾਰਤੀ ਮੂਲ ਦੀਆਂ ਔਰਤਾਂ ਦੀ ਮੌਤ ਸਿਡਨੀ ਦਾ ਦੱਖਣੀ ਤੱਟੀ ਇਲਾਕਾ Kurnell, ਜਿੱਥੇ ਹਾਲੇ ਦੋ ਹਫ਼ਤੇ ਪਹਿਲਾਂ ਹੀ ਦੋ ਮਛੇਰਿਆਂ ਦੀ ਪਾਣੀ 'ਚ ਵਹਿਣ ਦੇ ਚੱਲਦਿਆਂ ਮੌਤ ਹੋ ਗਈ ਸੀ। ਇੱਥੇ Cape Solander 'ਚ ਬੀਤੀ ਸ਼ਾਮ ਪਿਕਨਿਕ ਕਰ ਰਹੀਆਂ ਕੁਝ ਮਹਿਲਾਵਾਂ ਨਾਲ ਇੱਕ ਹਾਦਸਾ ਵਾਪਰ ਗਿਆ। ਸਮੁੰਦਰੀ ਚੱਟਾਨਾਂ 'ਤੇ ਇੱਕ ਪਾਣੀ ਦੀ ਤੇਜ਼ ਲਹਿਰ ਆਈ ਅਤੇ ਤਿੰਨ ਮਹਿਲਾਵਾਂ ਨੂੰ ਵਹਾਅ ਕੇ ਲੈ ਗਈ। ਇੱਕ ਮਹਿਲਾ ਤਾਂ ਜਿਵੇਂ ਤਿਵੇਂ ਹੱਥ ਪੈਰ ਮਾਰ ਕੇ ਇੱਕ ਚੱਟਾਨ ਨੂੰ ਫੜਨ 'ਚ ਕਾਮਯਾਬ ਰਹੀ, ਪਰ 37 ਅਤੇ 39 ਸਾਲ ਦੀਆਂ ਦੋ ਮਹਿਲਾਵਾਂ ਨੂੰ ਮੌਕੇ 'ਤੇ ਪਹੁੰਚੇ ਪੈਰਾਮੈਡੀਕਸ ਬਚਾਅ ਨਹੀਂ ਸਕੇ। ਜ਼ਖ਼ਮੀ ਹੋਈ ਮਹਿਲਾ ਨੂੰ ਪਿੱਠ ਦੀ ਗੰਭੀਰ ਸੱਟ ਕਾਰਨ St.George ਹਸਪਤਾਲ ਭਰਤੀ ਕਰਾਇਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹਨਾਂ ਮਹਿਲਾਵਾਂ ਦਾ ਭਾਰਤੀ ਅਤੇ ਨੇਪਾਲੀ ਮੂਲ ਦਾ ਪਿਛੋਕੜ ਸੀ। ਇਹਨਾਂ ਨਾਲ ਉਸ ਵੇਲੇ ਦੋ ਪੁਰਸ਼ ਵੀ beach walk ਕਰ ਰਹੇ ਸਨ। ਦੋਹਾਂ ਨੂੰ hypothermia ਕਾਰਣ ਇਲਾਜ ਦਿੱਤਾ ਜਾ ਰਿਹਾ ਹੈ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਨਰਿੰਦਰ ਮੋਦੀ ਨੇ ਅੱਜ ਲਗਾਤਾਰ ਤੀਜੀ ਵਾਰ ਪ੍ਰਧਾਨ ਮੰਤਰੀ ਵਜੋਂ ਹਲਫ ਲਿਆ। ਉਹ ਅਜਿਹੇ ਮੰਤਰੀ ਮੰਡਲ ਦੀ ਪ੍ਰਧਾਨਗੀ ਕਰ ਰਹੇ ਹਨ ਜਿਸ ਵੱਲੋਂ ਨਿਰੰਤਰਤਾ ਤੇ ਤਜਰਬੇ ’ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਭਾਜਪਾ ਦੀ ਅਗਵਾਈ ਵਾਲੇ ਕੌਮੀ ਜਮਹੂਰੀ ਗੱਠਜੋੜ ਦੀ ਸਰਕਾਰ ਵਿੱਚ ਆਪਣੀਆਂ ਭਾਈਵਾਲ ਪਾਰਟੀਆਂ ਨੂੰ ਵੀ ਨੁਮਾਇੰਦਗੀ ਦਿੱਤੀ ਜਾ ਰਹੀ ਹੈ। ਇਸ ਸਹੁੰ ਚੁੱਕ ਸਮਾਗਮ ਵਿੱਚ ਕਾਂਗਰਸ ਪ੍ਰਧਾਨ ਅਤੇ ਰਾਜ ਸਭਾ ’ਚ ਵਿਰੋਧੀ ਧਿਰ ਦੇ ਨੇਤਾ ਮਲਿਕਾਰਜੁਨ ਖੜਗੇ ਵੀ ਹਾਜ਼ਰ ਸਨ ਜਦਕਿ ਵਿਰੋਧੀ ਧਿਰ ਦੇ ਹੋਰ ਆਗੂ ਗੈਰ-ਹਾਜ਼ਰ ਰਹੇ। ਮੋਦੀ ਕੈਬਨਿਟ ਦੀ ਭਲਕੇ ਸ਼ਾਮ 5.30 ਵਜੇ ਪਹਿਲੀ ਮੀਟਿੰਗ ਸੱਦ ਲਈ ਗਈ ਹੈ

ਓਸ਼ੋ ਨੂੰ ਅਕਸਰ ਲੋਕ ਸ਼ਬਦਾਂ ਦਾ ਜਾਦੂਗਰ ਕਹਿੰਦੇ ਹਨ ਅਤੇ ਜਦੋਂ ਅਸੀਂ ਉਸਦੀਆਂ ਕਹਾਣੀਆਂ ਪੜ੍ਹਦੇ-ਸੁਣਦੇ ਹਾਂ ਤੇ ਇਹ ਗੱਲ ਸੱਚ ਵੀ ਜਾਪਦੀ ਹੈ, ਕਿਵੇਂ ਸਾਡੇ ਸਮਾਜ ਦੀਆਂ ਉਦਹਾਰਣਾਂ ਦੀ ਵਰਤੋਂ ਕਰਕੇ ਉਹ ਕਹਾਣੀ ਘੜ੍ਹ ਲੈਂਦਾ ਹੈ, ਅੱਜ ਦੀ ਕਹਾਣੀ ਵਿੱਚ ਇੱਕ ਰਾਜੇ ਦਾ  ਸ਼ਰਾਬੀ ਪੁੱਤ ਜੋ ਘਰ ਛੱਡ ਕੇ ਮਹਿਖਾਨੇ ਵਿੱਚ ਰਹਿਣ ਲੱਗ ਗਿਆ ਅਤੇ ਆਪਣੇ ਪਰਵਾਰ ਤੋਂ ਰੁਸ ਗਿਆ, ਉਸਨੂੰ ਘਰ ਵਾਪਸ ਲਿਆਉਣ ਲਈ ਕੀਤੇ ਗਏ ਯਤਨਾਂ ਦੀ ਕਹਾਣੀ ਹੈ, ਕਿਵੇਂ ਰਾਜੇ ਦੇ ਵੱਖ-ਵੱਖ ਅਹੁਦੇਦਾਰਾਂ ਨੇ ਕੋਸ਼ਿਸ਼ ਕੀਤੀ ਪਰ ਉਹ ਅਸਫਲ ਰਹੇ ਤੇ ਅੰਤ ਇੱਕ ਸੂਜਵਾਨ ਤਜ਼ਰਬੇਕਾਰ ਇਨਸਾਨ ਨੇ ਇਹ ਕੰਮ ਕਰ ਦਿਖਾਇਆ

NDIS 'ਚ ਹੋ ਰਹੇ ਘਪਲਿਆਂ 'ਤੇ ਕਿਉਂ ਚੁੱਪ ਹਨ ਮੰਤਰੀ Bill Shorten. ਮੌਜੂਦਾ ਸਮੇਂ 'ਚ ਫੈਡਰਲ ਬੱਜਟ ਵਿੱਚੋਂ $44 ਬਿਲੀਅਨ ਡਾਲਰ ਦਾ ਖਰਚ National Disability Insurance Scheme 'ਤੇ ਕੀਤਾ ਜਾ ਰਿਹਾ ਹੈ, ਜੋਕਿ 2027-28 'ਚ ਵਧਕੇ $61 ਬਿਲੀਅਨ ਡਾਲਰ ਹੋ ਜਾਵੇਗਾ।

ਹਮਾਸ ਵੱਲੋਂ ਬੰਧਕ ਬਣਾਏ ਗਏ ਚਾਰ ਲੋਕਾਂ ਨੂੰ ਛੁਡਾਉਣ ਲਈ ਇਜ਼ਰਾਇਲੀ ਫੌਜ ਵੱਲੋਂ ਕੀਤੀ ਗਈ ਕਾਰਵਾਈ ਦੌਰਾਨ ਔਰਤਾਂ ਤੇ ਬੱਚਿਆਂ ਸਮੇਤ ਘੱਟੋ-ਘੱਟ 274 ਫਲਸਤੀਨੀਆਂ ਦੀ ਮੌਤ ਹੋ ਗਈ ਅਤੇ ਸੈਂਕੜੇ ਜ਼ਖ਼ਮੀ ਹੋ ਗਏ। ਇਹ ਦਾਅਵਾ ਗਾਜ਼ਾ ਦੇ ਸਿਹਤ ਮੰਤਰਾਲੇ ਨੇ ਅੱਜ ਕੀਤਾ ਹੈ। ਉਧਰ, ਇਜ਼ਰਾਇਲੀ ਫੌਜ ਮੁਤਾਬਕ ਦਿਨ ਸਮੇਂ ਚਲਾਏ ਅਪਰੇਸ਼ਨ ਦੌਰਾਨ ਉਸ ਨੂੰ ਭਾਰੀ ਗੋਲੀਬਾਰੀ ਦਾ ਸਾਹਮਣਾ ਕਰਨਾ ਪਿਆ।

ਪੰਜਾਬੀ ਮੂਲ ਦੀ ਹਰਿੰਦਰ ਕੌਰ ਨੂੰ ਦਿੱਤਾ ਜਾਵੇਗਾ King's Birthday ਮੌਕੇ ਆਸਟ੍ਰੇਲੀਆ ਦਾ ਨਾਗਰਿਕ ਸਨਮਾਨ ਐਤਵਾਰ ਰਾਤ ਜਦੋਂ ਆਸਟ੍ਰੇਲੀਆ ਦੇ ਗਵਰਨਰ ਜਰਨਲ David Hurley ਦੀ ਤਰਫ਼ੋਂ ਸ਼ਾਹੀ ਗੱਦੀਨਸ਼ੀਨ ਰਾਜਾ ਚਾਰਲਸ ਦੇ ਜਨਮਦਿਨ ਮੌਕੇ ਦਿੱਤੇ ਜਾਣ ਵਾਲੇ ਪੁਰਸਕਾਰਾਂ ਲਈ 737 ਨਾਵਾਂ ਦੀ ਲਿਸਟ ਐਲਾਨੀ ਗਈ, ਤਾਂ ਉਸ ਵਿੱਚ ਇੱਕ ਨਾਮ ਭਾਰਤੀ ਮੂਲ ਦੀ ਹਰਿੰਦਰ ਕੌਰ ਦਾ ਵੀ ਸੀ। ਹਰਿੰਦਰ ਕੌਰ ਨੂੰ ਘਰੇਲੂ ਹਿੰਸਾ ਨਾਲ ਪੀੜਤ ਲੋਕਾਂ ਦੀ ਮਦਦ ਕਰਨ ਅਤੇ ਮਨੁੱਖੀ ਸਹਾਇਤਾ ਲਈ ਸਦਾ ਤਿਆਰ ਰਹਿਣ ਵਾਲੀ ਉਹਨਾਂ ਦੀ ਸੰਸਥਾ Harman Foundation ਦੁਆਰਾ ਕੀਤੇ ਸ਼ਲਾਘਾਯੋਗ ਕਾਰਜਾਂ ਲਈ Medal of the Order of Australia ਯਾਨੀ OAM ਦੇ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ ਹੈ। ਆਸਟ੍ਰੇਲੀਆ ਵਿੱਚ civilian awards ਕੈਟਾਗਰੀ ਵਿੱਚ Companion of the Order of Australia ਯਾਨੀ AC ਸਭ ਤੋਂ ਉੱਪਰ ਹੁੰਦਾ ਹੈ। ਜੋ ਕਿ ਇਸ ਸਾਲ ਦੋ ਸਾਬਕਾ ਪ੍ਰੀਮੀਅਰ (ਵਿਕਟੋਰੀਆ ਤੋਂ Daniel Andrews ਅਤੇ ਵੈਸਟਰਨ ਆਸਟ੍ਰੇਲੀਆ ਤੋਂ Mark McGowan) ਨੂੰ ਵੀ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ Officer of the Order of Australia ਯਾਨੀ AO ਦੂਸਰੇ ਨੰਬਰ ਦਾ ਨਾਗਰਿਕ ਸਨਮਾਨ ਹੁੰਦਾ ਹੈ। ਇਸ ਮਗਰੋਂ Member of the Order of Australia (AM) ਅਤੇ Medal of the Order of Australia ਯਾਨੀ OAM ਦਿੱਤੇ ਜਾਂਦੇ ਹਨ। ਸਾਲ 2012 'ਚ ਆਪਣੇ ਬੇਟੇ ਹਰਮਨਪ੍ਰੀਤ ਸਿੰਘ ਨੂੰ ਸੜਕੀ ਹਾਦਸੇ ਵਿਚ ਗੁਆਉਣ ਤੋਂ ਬਾਅਦ ਹਰਿੰਦਰ ਕੌਰ ਨੇ ਆਪਣੇ ਪਤੀ ਮਨਿੰਦਰ ਸਿੰਘ ਨਾਲ ਰਲ ਕੇ ਇਹ ਸੰਸਥਾ ਖੋਲੀ। ਰੇਡੀਓ ਹਾਂਜੀ ਨਾਲ ਅੱਜ ਸਵੇਰੇ ਆਪਣੀ ਪ੍ਰਾਪਤੀ ਮਗਰੋਂ ਗੱਲ ਕਰਦਿਆਂ ਹਰਿੰਦਰ ਕੌਰ ਨੇ ਦੱਸਿਆ ਕਿ ਹੁਣ ਤੱਕ ਉਹ 20,000 ਤੋਂ ਜਿਆਦਾ food hampers ਰਾਹੀਂ ਲੋੜਵੰਦਾਂ ਦੀ ਮਦਦ ਕਰ ਚੁੱਕੇ ਹਨ ਅਤੇ 500 ਤੋਂ ਵਧੇਰੇ ਪਰਿਵਾਰਕ ਅਤੇ ਘਰੇਲੂ ਹਿੰਸਾ ਦੇ ਪੀੜਤਾਂ ਨੂੰ ਮਦਦ ਦੇ ਚੁੱਕੇ ਹਨ। ਹਰਿੰਦਰ ਕੌਰ ਮੁਤਾਬਕ ਉਹਨਾਂ ਦੀ ਸੰਸਥਾ ਹੁਣ ਤਕ $7.3 ਮਿਲੀਅਨ ਡਾਲਰ ਤੱਕ ਦੀ ਮਦਦ ਉਹ ਆਪਣੀ ਅਲੱਗ ਅਲੱਗ ਸੇਵਾਵਾਂ ਦੇ ਜ਼ਰੀਏ ਆਸਟ੍ਰੇਲੀਆ ਵਿੱਚ ਦੇ ਚੁੱਕੇ ਹਨ। ਹਾਲਾਂਕਿ ਇਹਨਾਂ ਦੀ ਸੰਸਥਾ ਪੂਰੀ ਤਰ੍ਹਾਂ ਨਾਲ ਕਿਸੇ ਸਰਕਾਰੀ funding ਤੋਂ ਬਿਨਾਂ ਅਤੇ ਕੇਵਲ ਭਾਈਚਾਰੇ ਦੇ ਸਹਿਯੋਗ ਨਾਲ ਚੱਲ ਰਹੀ ਹੈ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਪਿੱਛਲੇ ਦਿਨੀਂ ਦਿੱਲੀ ਦਾ ਤਾਪਮਾਨ 52 ਡਿਗਰੀ ਤੱਕ ਅੱਪੜ ਗਿਆ ਜੋ ਕਿ ਬਹੁਤ ਹੀ ਚਿੰਤਾ ਦਾ ਵਿਸ਼ਾ ਹੈ, ਵਾਤਾਵਰਨ ਵਿੱਚ ਇਹ ਬਦਲਾਅ ਕੇਵਲ ਦਿੱਲੀ ਜਾਂ ਭਾਰਤ ਵਿੱਚ ਨਹੀਂ ਸਗੋਂ ਪੂਰੀ ਦੁਨੀਆ ਵਿੱਚ ਵੇਖਣ ਨੂੰ ਮਿਲ ਰਿਹਾ ਹੈ, ਗਰਮੀ ਦਾ ਪ੍ਰਕੋਪ ਹਰ ਸਾਲ ਵੱਧਦਾ ਜਾ ਰਿਹਾ ਹੈ, ਇਸਦਾ ਇੱਕ ਮੁੱਖ ਕਾਰਨ ਲਗਾਤਾਰ ਸ਼ਹਿਰਾਂ ਵਿੱਚ ਨਵੀਆਂ ਇਮਾਰਤਾਂ ਦਾ ਬਣਨਾ ਅਤੇ ਰੁੱਖਾਂ ਦੀ ਕਟਾਈ ਹੋਣਾ ਹੈ, ਤੱਰਕੀ ਕਰਨ ਲਈ ਨਵੀਆਂ ਇਮਾਰਤਾਂ ਅਤੇ ਢਾਂਚੇ ਬਣਨੇ ਜਰੂਰੀ ਹਨ ਪਰ ਨਾਲ ਦੀ ਨਾਲ ਰੁੱਖਾਂ ਦੀ ਬਹੁਤਾਤ ਬਣਾਈ ਰੱਖਣੀ ਵੀ ਬਹੁਤ ਜਰੂਰੀ ਹੈ, ਕਿਉਂਕ ਤੱਰਕੀ ਕਰਨ ਦਾ ਫਾਇਦਾ ਤਾਂ ਹੈ ਜੇ ਜੀਵਨ ਹੈ, ਜਦੋ ਜੀਵਨ ਹੀ ਨਾ ਰਿਹਾ ਤਾਂ ਫਿਰ ਇਹ ਸਭ ਵਿਅਰਥ ਹੈ

ਕਿਸੇ ਵੀ ਇਨਸਾਨ ਦੀ ਜ਼ਿੰਦਗੀ ਕਿਹੋ ਜਿਹੀ ਹੋਵੇਗੀ ਇਹ ਗੱਲ ਉਸਦੀ ਕਿਸਮਤ ਨਹੀਂ ਉਸਦਾ ਅਨੁਸ਼ਾਸ਼ਨ ਤੈਅ ਕਰਦਾ ਹੈ, ਛੋਟੇ ਬੱਚੇ ਹੋਣ ਜਾ ਮਾਪੇ ਹਰ ਕਿਸੇ ਦੀ ਜ਼ਿੰਦਗੀ ਵਿੱਚ ਅਨੁਸ਼ਾਸ਼ਨ ਦਾ ਹੋਣਾ ਬਹੁਤ ਜਰੂਰੀ ਹੈ, ਅਨੁਸ਼ਾਸ਼ਨ ਚੰਗੀਆਂ ਆਦਤਾਂ ਬਣਾਉਂਦਾ ਹੈ ਅਤੇ ਚੰਗੀਆਂ ਆਦਤਾਂ ਚੰਗੇ ਇਨਸਾਨ ਬਣਾਉਂਦੀਆਂ ਹਨ, ਇਸ ਲਈ ਜ਼ਿੰਦਗੀ ਦਾ ਇਹ ਸਭ ਤੋਂ ਜਰੂਰੀ ਤੱਤ ਹੈ ਜੋ ਅਕਸਰ ਅਣਗੌਲਿਆ ਜਾਂਦਾ ਹੈ