ਅਮਰੀਕਾ ਦੀ ਸੁਪਰੀਮ ਕੋਰਟ ਨੇ ਅੱਜ ਟਰੰਪ ਦੇ ਹੱਕ ਵਿੱਚ ਵੱਡਾ ਫੈਸਲਾ ਸੁਣਾਇਆ ਹੈ। ਅਦਾਲਤ ਨੇ ਕਿਹਾ ਹੈ ਕਿ ਟਰੰਪ ਦੇ ਰਾਸ਼ਟਰਪਤੀ ਕਾਰਜਕਾਲ ਦੌਰਾਨ ਲਏ ਗਏ ਫੈਸਲਿਆਂ ’ਤੇ ਕਾਨੂੰਨੀ ਕਾਰਵਾਈ ਨਹੀਂ ਕੀਤੀ ਜਾ ਸਕਦੀ। ਉਨ੍ਹਾਂ ’ਤੇ ਅਮਰੀਕਾ ਦੇ ਰਾਸ਼ਟਰਪਤੀ ਹੁੰਦਿਆਂ ਨਵੰਬਰ 2020 ਦੀਆਂ ਚੋਣਾਂ ਦੇ ਨਤੀਜਿਆਂ ਨੂੰ ਉਲਟਾਉਣ ਦੀ ਸਾਜ਼ਿਸ਼ ਰਚਣ ਦਾ ਦੋਸ਼ ਸੀ। ਟਰੰਪ ਨੇ ਇਸ ਖਿਲਾਫ ਅਟਲਾਂਟਾ ਦੀ ਹੇਠਲੀ ਅਦਾਲਤ ’ਚ ਕੇਸ ਦਾਇਰ ਕਰਦਿਆਂ ਅਪੀਲ ਕੀਤੀ ਸੀ ਕਿ ਸਾਬਕਾ ਰਾਸ਼ਟਰਪਤੀ ਹੋਣ ਦੇ ਨਾਤੇ ਉਨ੍ਹਾਂ ਖਿਲਾਫ ਫੌਜਦਾਰੀ ਮਾਮਲਾ ਨਹੀਂ ਚਲਾਇਆ ਜਾਣਾ ਚਾਹੀਦਾ ਪਰ ਹੇਠਲੀ ਅਦਾਲਤ ਨੇ ਇਹ ਅਪੀਲ ਰੱਦ ਕਰ ਦਿੱਤੀ ਸੀ। ਹਾਲਾਂਕਿ ਹੁਣ ਸੁਪਰੀਮ ਕੋਰਟ ਨੇ ਅਟਲਾਂਟਾ ਕੋਰਟ ਦੇ ਫੈਸਲੇ ਨੂੰ ਪਲਟ ਦਿੱਤਾ ਹੈ

ਵਿਰੋਧੀ ਧਿਰ ਦੇ ਆਗੂ ਰਾਹੁਲ ਗਾਂਧੀ ਨੇ ਲੋਕ ਸਭਾ ’ਚ ਅੱਜ ਭਾਜਪਾ ’ਤੇ ਤਿੱਖਾ ਹਮਲਾ ਕਰਦਿਆਂ ਕਿਹਾ ਕਿ ਹੁਕਮਰਾਨ ਧਿਰ ਦੇ ਆਗੂ ਹਿੰਦੂ ਨਹੀਂ ਹਨ ਕਿਉਂਕਿ ਉਹ 24 ਘੰਟੇ ‘ਹਿੰਸਾ ਅਤੇ ਨਫ਼ਰਤ’ ਫੈਲਾਉਣ ’ਚ ਰੁੱਝੇ ਹੋਏ ਹਨ। ਇਸ ਬਿਆਨ ਦਾ ਸੱਤਾ ਧਿਰ ਨੇ ਜ਼ੋਰਦਾਰ ਵਿਰੋਧ ਕੀਤਾ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਾਂਗਰਸ ਆਗੂ ’ਤੇ ਦੋਸ਼ ਲਾਇਆ ਕਿ ਉਸ ਨੇ ਸਾਰੇ ਹਿੰਦੂ ਸਮਾਜ ਨੂੰ ਹਿੰਸਕ ਆਖਿਆ ਹੈ। ਉਂਜ ਰਾਹੁਲ ਨੇ ਮੋਦੀ ’ਤੇ ਵਰ੍ਹਦਿਆਂ ਕਿਹਾ ਕਿ ਉਹ ਭਾਜਪਾ ਬਾਰੇ ਗੱਲ ਕਰ ਰਿਹਾ ਹੈ ਅਤੇ ਹੁਕਮਰਾਨ ਧਿਰ, ਆਰਐੱਸਐੱਸ ਤੇ ਮੋਦੀ ਪੂਰੇ ਹਿੰਦੂ ਸਮਾਜ ਦੀ ਨੁਮਾਇੰਦਗੀ ਨਹੀਂ ਕਰਦੇ ਹਨ।

ਚਾਰ ਸਾਲ ਬਾਅਦ ਮਾਪਿਆਂ ਨੂੰ ਮਿਲਣ ਜਾ ਰਹੀ ਸੀ ਧੀਅ, ਹੁਣ ਬੁੱਢੀਆਂ ਅੱਖਾਂ ਉਡੀਕ ਰਹੀਆਂ ਨੇ ਜਵਾਨ ਧੀ ਦੀ ਲਾਸ਼ ਮਨਪ੍ਰੀਤ ਕੌਰ ਪੰਜਾਬ ਦੇ ਜਿਲ੍ਹਾ ਮਾਨਸਾ ਦੇ ਪਿੰਡ ਧਰਮਪੁਰਾ ਤੋਂ 8 ਮਾਰਚ 2020 ਨੂੰ ਜਦੋਂ ਜਹਾਜ ਚੜ੍ਹ ਕੇ ਆਸਟ੍ਰੇਲੀਆ ਆਈ ਸੀ, ਤਾਂ ਉਸਦੇ ਪਰਿਵਾਰ ਨੇ ਸੋਚਿਆ ਵੀ ਨਹੀਂ ਸੀ, ਕਿ ਅਗਲੀ ਵਾਰ ਉਹਨਾਂ ਦੀ ਧੀ ਜਹਾਜ ਦਾ ਸਫਰ ਵੀ ਨਹੀਂ ਕਰ ਸਕੇਗੀ। ਮੈਲਬੌਰਨ 'ਚ ਵਿਦਿਆਰਥੀ ਵੀਜ਼ਾ 'ਤੇ ਰਹਿ ਰਹੀ 24 ਸਾਲਾਂ ਮਨਪ੍ਰੀਤ ਦੇ ਪਿੰਡ ਵਾਸੀ ਤੇ ਮੈਲਬੌਰਨ ਦੇ ਹੀ ਵਸਨੀਕ ਗੁਰਦੀਪ ਗਰੇਵਾਲ ਨੇ ਰੇਡੀਓ ਹਾਂਜੀ ਨਾਲ ਫੋਨ 'ਤੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਬੀਤੀ 20 ਜੂਨ ਨੂੰ ਮਨਪ੍ਰੀਤ Qantas ਦੀ ਫਲਾਇਟ ਫੜ ਕੇ ਨਵੀਂ ਦਿੱਲੀ ਏਅਰਪੋਰਟ 'ਤੇ ਜਾਣ ਲਈ ਹੀ ਜਹਾਜ ਚੜ੍ਹੀ ਸੀ, ਕਿ ਇਹ ਹਾਦਸਾ ਵਾਪਰ ਗਿਆ। Tullamarine ਹਵਾਈ ਅੱਡੇ 'ਤੇ ਜਹਾਜ ਹਾਲੇ exit window ਨਾਲ ਜੁੜਿਆ ਹੋਇਆ ਸੀ, take off ਤੋਂ ਠੀਕ ਪਹਿਲਾਂ, ਜਹਾਜ 'ਚ ਬੈਠਦਿਆਂ ਸਾਰ ਮਨਪ੍ਰੀਤ ਥੱਲੇ ਡਿੱਗ ਪਈ। ਇਸ ਤੋਂ ਪਹਿਲਾਂ ਉਸਦਾ ਇਲਾਜ ਕੀਤਾ ਜਾਂਦਾ, ਹਵਾਈ ਅੱਡਾ paramedic ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। Coroner ਵੱਲੋਂ ਪੜਤਾਲ ਕੀਤੀ ਜਾ ਰਹੀ ਹੈ, ਪਰ ਮੁੱਢਲੇ ਕਾਰਨਾਂ 'ਚ ਉਸਨੂੰ tuberculosis ਦੱਸਿਆ ਜਾ ਰਿਹਾ ਹੈ। ਗੁਰਦੀਪ ਅਨੁਸਾਰ ਮਨਪ੍ਰੀਤ ਪਿਛਲੇ ਕੁਝ ਮਹੀਨਿਆਂ ਤੋਂ ਬੀਮਾਰ ਚੱਲ ਰਹੀ ਸੀ। ਕੇਵਲ ਲੰਘੇ 6 ਮਹੀਨਿਆਂ ਵਿਚ ਹੀ ਉਸਦਾ 20 ਕਿਲੋ ਤੋਂ ਵਧੇਰੇ ਵਜਨ ਘੱਟ ਗਿਆ ਸੀ। ਬਕੌਲ ਗੁਰਦੀਪ "ਇਲਾਜ ਕਰਾਉਣ ਦੇ ਮਕਸਦ ਨਾਲ ਅਤੇ ਨਾਲ ਹੀ 4 ਸਾਲਾਂ ਬਾਅਦ ਮਾਪਿਆਂ ਨੂੰ, ਪਰਿਵਾਰ ਨੂੰ ਮਿਲਣ ਬਾਰੇ ਸੋਚ ਕੇ ਉਹ ਇੰਡੀਆ ਜਾਣ ਨੂੰ ਤਿਆਰ ਹੋਈ ਸੀ। ਹੁਣ ਅਸੀਂ ਫੰਡ ਪੇਜ ਰਾਹੀਂ ਪੈਸੇ ਤਾਂ ਇਕੱਠਾ ਕਰ ਲਏ ਹਨ, ਪਰ ਮ੍ਰਿਤਕ ਦੇਹ ਭਾਰਤ ਭੇਜਣ ਲਈ ਮੁਸ਼ਕਲਾਂ ਆ ਰਹੀਆਂ ਹਨ"।

ਸੁਕਰਾਤ ਦੁਨੀਆ ਦੇ ਮਹਾਨ ਦਾਰਸ਼ਨਿਕਾਂ ਵਿਚੋਂ ਇੱਕ ਹੈ, ਕਹਿੰਦੇ ਨੇ ਕਿ ਹਰ ਕਿਸੇ ਵਿਸ਼ੇ ਤੇ ਸੁਕਰਾਤ ਦੀ ਸਮਝ ਬਹੁਤ ਡੂੰਘੀ ਸੀ, ਆਪਣੀਆਂ ਦਲੀਲਾਂ ਦੇ ਸਦਕਾ ਏਨੀਆਂ ਸਦੀਆਂ ਬਾਅਦ ਵੀ ਉਸਨੂੰ ਬਹੁਤ ਇੱਜ਼ਤ ਦੀ ਨਜ਼ਰ ਨਾਲ ਵੇਖਿਆ ਜਾਂਦਾ ਹੈ, ਅੱਜ ਦੀ ਕਹਾਣੀ ਵੀ ਸੁਕਰਾਤ ਦੀ ਇਸੇ ਸਮਝ ਅਤੇ ਤਰਕ ਉੱਤੇ ਅਧਾਰਿਤ ਹੈ, ਜਦੋਂ ਇੱਕ ਖੂਬਸੂਰਤੀ ਮੁਕਾਬਲੇ ਵਿੱਚ ਸੁਕਰਾਤ ਨੂੰ ਸੋਹਣਾ ਨਾ ਹੋਣ ਕਰਕੇ ਹਾਰ ਦਾ ਸਾਹਮਣਾ ਕਰਨਾ ਪਿਆ ਤਾਂ ਉਸਨੇ ਸੋਹਣੇ ਹੋਣ ਦੀ ਪਰਿਭਾਸ਼ਾ ਪੁੱਛੀ, ਉਹ ਕਿਹੜਾ ਪੈਮਾਨਾ ਹੈ ਜੋ ਇਹ ਤੈਅ ਕਰਦਾ ਹੈ ਕਿ ਇਨਸਾਨ ਸੋਹਣਾ ਹੈ ਜਾਂ ਨਹੀਂ, ਤੇ ਅਸਲ ਮਾਇਨੇ ਚ ਸੋਹਣਾ ਕੌਣ ਹੈ, ਆਸ ਕਰਦੇ ਹਾਂ ਕਹਾਣੀ ਤੋਂ ਸਾਨੂੰ ਕੁੱਝ ਨਾ ਕੁੱਝ ਸਿੱਖਣ ਨੂੰ ਮਿਲੂਗਾ ਜੋ ਸਾਡੀ ਜ਼ਿੰਦਗੀ ਚ ਕੰਮ ਆਊਗਾ

ਅੱਜ ਦੀ ਤਣਾਅ ਭਰੀ ਜ਼ਿੰਦਗੀ ਵਿੱਚ ਅਸੀਂ ਹੱਸਣਾ ਹੀ ਭੁੱਲ ਗਏ ਹਾਂ, ਹਰ ਵੇਲੇ ਕੋਈ ਨਾ ਫ਼ਿਕਰ ਸਾਡੇ ਮੱਥੇ ਦੀ ਤਿਊੜੀ ਦੇ ਰੂਪ ਵਿੱਚ ਸਾਡੇ ਚਿਹਰੇ ਦਾ ਸ਼ਿੰਗਾਰ ਬਣੀ ਰਹਿੰਦੀ ਹੈ, ਪਰ ਵਿੱਚ ਅਸੀਂ ਇਹ ਵਾਅਦਾ ਕਰਦੇ ਹਾਂ ਕਿ ਨੰਨ੍ਹੇ-ਮੁੰਨੇ ਬੱਚਿਆਂ ਦੀਆਂ ਮਸੂਮ ਤੇ ਢਿੱਡੀਂ ਪੀੜਾਂ ਪਾਉਣ ਵਾਲੀਆਂ ਗੱਲਾਂ, ਚੁੱਟਕਲੇ, ਕਿੱਸੇ-ਕਹਾਣੀ, ਬੁਜਰਤਾਂ ਉੱਤੇ ਖੁੱਲ ਕੇ ਹੱਸਾਂਗੇ ਤੇ ਜੋ ਵੀ ਗੁੱਸੇ-ਗਿਲੇ, ਪ੍ਰੇਸ਼ਾਨੀਆਂ ਮਨ ਵਿੱਚ ਸਾਂਭੀ ਫਿਰਦੇ ਹਾਂ ਉਹਨਾਂ ਸਭ ਨੂੰ ਭੁੱਲ ਕੇ ਖੁਸ਼ੀ ਦਾ ਆਨੰਦ ਮਾਨਾਂਗੇ, ਇਸ ਸ਼ਾਨਦਾਰ ਸਫ਼ਰ ਵਿੱਚ ਗੁਰਪਾਲ ਵਾਲੀ ਮੰਨਤ, ਗੁਰਪਾਲ ਸਿੰਘ, ਫਤਹਿ ਵਾਲੀ ਮੰਨਤ, ਫਤਿਹ ਸਿੰਘ, ਮਨਰਾਜ ਐਸ ਔਜਲਾ, ਆਰਜ਼ਾ, ਜਸਮੀਨ ਕੌਰ, ਬਾਣੀ ਕੌਰ, ਅਸੀਸ ਕੌਰ, ਰੋਨੀਸ਼, ਬਸੰਤ ਲਾਲ, ਨਰਿੰਦਰ ਸਹਿਮੀ, ਰਮਨਪ੍ਰੀਤ ਜੱਸੋਵਾਲ, ਬੈਨੀਪਾਲ ਬ੍ਰਦਰਜ਼, ਸੇਹਿਬ ਸਨਵਾਰ, ਕਿਸਮਤ ਅਤੇ ਰੇਡੀਓ ਹਾਂਜੀ ਵੱਲੋਂ ਰਣਜੋਧ ਸਿੰਘ, ਨੋਨੀਆ ਪੀ ਦਿਆਲ, ਸੁੱਖ ਪਰਮਾਰ, ਜੈਸਮੀਨ ਕੌਰ ਸਾਥ ਦੇਣਗੇ ਅਤੇ ਤੁਹਾਨੂੰ ਲੈ ਜਾਣਗੇ ਖੁਸ਼ੀਆਂ ਅਤੇ ਹਾਸੇ ਦੀ ਇੱਕ ਵੱਖਰੀ ਦੁਨੀਆ ਵਿੱਚ, ਆਜੋ ਫਿਰ ਆਨੰਦ ਮਾਣਦੇ ਹਾਂ Laughter Therapy ਦਾ

ਸਿਡਨੀ ਤੋਂ ਵਾਇਰਲ ਹੋਈ ਇੱਕ ਵੀਡਿਓ ਦਾ ਅਸਲੀ ਸੱਚ, ਜਿਸ ਵਿੱਚ ਇੱਕ ਪੰਜਾਬੀ ਬਜੁਰਜ਼ ਔਰਤ ਗੱਡੀ ਅੱਗੇ ਸੜਕ ਤੇ ਲੰਮੇ ਪੈ ਜਾਂਦੀ ਹੈ ਅਤੇ ਉਸ ਦੇ ਬੇਟੇ ਦੁਆਰਾ ਬਣਾਈ ਜਾ ਰਹੀ ਵੀਡਿਓ ਬਾਰੇ ਇਹ ਕਿਹਾ ਜਾ ਰਿਹਾ ਸੀ ਕਿ ਉਹ insurance claim ਕਰਨ ਲਈ ਜਾਣ ਬੁੱਝ ਰਾਹ ਜਾਂਦੀਆਂ ਗੱਡੀਆਂ ਦੇ ਸਾਹਮਣੇ ਆ ਜਾਂਦੇ ਹਨ, ਇਹ ਵੀਡੀਓ ਵੱਖ-ਵੱਖ ਖ਼ਬਰਾਂ ਵਾਲੇ ਚੈਨਲਾਂ ਅਤੇ ਪੇਜਾਂ ਵਾਲਿਆਂ ਨੇ ਬਹੁਤ ਵਾਇਰਲ ਕੀਤੀ, ਪਰ ਜਦੋਂ ਰੇਡੀਓ ਹਾਂਜੀ ਨੇ ਇਸ ਮਾਮਲੇ ਦੀ ਤਹਿ ਤੱਕ ਜਾ ਕੇ ਸੱਚ ਜਾਨਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਸ ਸਾਰੀ ਘਟਨਾ ਪਿੱਛੇ ਦੀ ਕਹਾਣੀ ਕੁੱਝ ਹੋਰ ਹੀ ਸੀ, ਅਸੀਂ ਸੱਚ ਨੂੰ ਸਾਰਿਆਂ ਨਾਲ ਸਾਂਝਾ ਕਰਨਾ ਆਪਣਾ ਫਰਜ਼ ਸਮਝਿਆ ਰੇਡੀਓ ਹਾਂਜੀ ਦੀ ਇਸ ਪ੍ਰਵਾਰ ਨਾਲ ਅਤੇ ਏਨਾ ਦੀ ਮਦਦ ਕਰਨ ਵਾਲੇ ਹਰਮਨ ਫਾਊਂਡੇਸ਼ਨ ਤੋਂ ਹਰਿੰਦਰ ਕੌਰ ਜੀ ਨਾਲ ਖਾਸ ਗੱਲਬਾਤ ਗੱਲਬਾਤ ਹੋਈ ਜਿਸ ਨੂੰ ਅਸੀਂ ਆਪ ਸਭ ਨਾਲ ਸਾਂਝਾ ਕਰ ਰਹੇ ਹਾਂ

ਸਾਨੂੰ ਨਿੱਕੇ ਹੁੰਦਿਆਂ ਤੋਂ ਸਿਖਾਇਆ ਜਾਂਦਾ ਹੈ ਕਿ ਕਿਸੇ ਨੂੰ ਨਾਂਹ ਨਹੀਂ ਕਰਨੀ, ਕੋਈ ਵੀ ਕੰਮ ਆਖੇ ਤਾਂ ਆਖੇ ਜਰੂਰ ਲੱਗਣਾ ਹੈ, ਪਰ ਬਹੁਤ ਵਾਰੀ ਹਲਾਤ ਇੰਝ ਦੇ ਬਣ ਜਾਂਦੇ ਹਨ ਕਿ ਨਾਂਹ ਕਰਨੀ ਸਾਨੂੰ ਆਉਂਦੀ ਨਹੀਂ ਤੇ ਹਾਂ ਅਸੀਂ ਕਰ ਨੀ ਸਕਦੇ, ਸਾਡੀ ਜ਼ਿੰਦਗੀ ਵਿੱਚ ਜਿੰਨ੍ਹੀ ਮਹਤੱਤਾ ਅਤੇ ਲੋੜ ਹਾਂ ਦੀ ਹੈ ਓਨੀ ਹੀ ਲੋੜ ਨਾਂਹ ਕਹਿਣ ਦੀ ਵੀ ਹੈ, ਸਾਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਈ ਕਿਹੋ ਜਿਹੇ ਵੇਲੇ, ਅਸੀਂ ਨਾਂਹ ਕਰਨੀ ਹੈ, ਹਾਂਜੀ ਮੈਲਬਰਨ ਦੇ ਇਸ ਐਪੀਸੋਡ ਵਿੱਚ ਨਾਂਹ ਦੀ ਮਹੱਤਤਾ ਤੇ ਬਹੁਤ ਸੋਹਣੀ ਗੱਲਬਾਤ ਕੀਤੀ ਗਈ, ਜੋ ਸਾਨੂੰ ਆਸ ਹੈ ਲੋੜੀਂਦੀ ਹੈ ਤੇ ਤੁਹਾਨੂੰ ਪਸੰਦ ਜਰੂਰ ਆਊਗੀ

Haanji Rishte ਵਿੱਚ ਅਸੀਂ ਤੁਹਾਡੇ ਵੱਲੋਂ ਭੇਜੇ ਗਏ ਰਿਸ਼ਤਿਆਂ ਦੀ ਜਾਣਕਾਰੀ ਆਪਣੇ ਸੁਨਣ ਵਾਲਿਆਂ ਨਾਲ ਸਾਂਝੀ ਕਰਦੇ ਹਾਂ, ਰੇਡੀਓ ਹਾਂਜੀ ਕਿਸੇ ਵੀ ਤਰਾਂ ਦੀ Match Making ਨਹੀਂ ਕਰਦਾ, ਅਤੇ ਨਾ ਹੀ ਕੋਈ ਜਾਣਕਾਰੀ ਜਨਤਕ ਤੌਰ ਤੇ ਕਿਸੇ ਨਾਲ ਸਾਂਝੀ ਕਰਦਾ ਹੈ, ਅਸੀਂ ਸਿਰਫ਼ ਤੁਹਾਡੇ ਵੱਲੋਂ ਭੇਜੀ ਗਈ ਜਾਣਕਾਰੀ ਦੂਜਿਆਂ ਨਾਲ ਸਾਂਝੀ ਕਰਨ ਦਾ ਮਾਧਿਅਮ ਹਾਂ...

Stay informed with Radio Haanji's World News section, where we bring you the latest and most important international stories. From global politics and economic developments to cultural events and groundbreaking innovations, we cover it all. Tune in to stay connected with the world, gain new perspectives, and understand how global events impact your life. Your window to the world starts here, only on Radio Haanji.

Radio Haanij Afternoon section is dedicated to Indian NEWS and Anayalis with Pritam Singh Rupal

ਸੋਸ਼ਲ ਮੀਡੀਆ ਦੀ ਆਦਤ ਕਰਕੇ ਨੌਜਵਾਨਾਂ 'ਚ eating disorder (ਖਾਣੇ ਦੀ ਬੇਤਰਤੀਬੀ) ਵੱਧ ਰਿਹਾ ਹੈ। ਇਹ ਇੱਕ ਮਾਨਸਿਕ ਵਿਕਾਰ ਹੈ, ਜਿਸ ਨੂੰ anorexia nervosa ਕਿਹਾ ਜਾਂਦਾ ਹੈ। ਪਿਛਲੇ ਸਾਲ ਆਸਟ੍ਰੇਲੀਆ 'ਚ ਇਸ ਦਿਮਾਗੀ ਬੀਮਾਰੀ ਦੇ ਚੱਲਦਿਆਂ 1273 ਮੌਤਾਂ ਹੋਈਆਂ ਹਨ। ਇਸੇ ਲਈ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵਿੱਚ ਸੋਸ਼ਲ ਮੀਡੀਆ ਬੈਨ ਕਰਨ ਦੀ ਗੱਲ ਤੁਰ ਰਹੀ ਹੈ

ਅਪਰਾਧ ਐਨੇ ਕਿ Crime ਦੀ 'King' ਲੈਂਡ ਬਣ ਚੁੱਕਿਆ ਹੈ ਇਹ ਸੂਬਾ, ਜੇਕਰ ਸਵਾਲ ਹੋਵੇ ਕਿ ਆਸਟ੍ਰੇਲੀਆ ਵਿੱਚ ਸਭ ਤੋਂ ਵੱਧ ਅਪਰਾਧ ਕਿੱਥੇ ਹੁੰਦੇ ਹਨ ਜਾਂ ਦੇਸ਼ ਦੀ ਕ੍ਰਾਇਮ ਕੈਪਿਟਲ ਕੀ ਹੈ? ਤਾਂ ਜਵਾਬ ਹੋਵੇਗਾ Queensland. Australian Bureau of Statistics (ABS) ਅਨੁਸਾਰ ਸਿਰਫ਼ ਪਿਛਲੇ ਇੱਕ ਸਾਲ ਵਿੱਚ 300,000 ਤੋਂ ਜਿਆਦਾ Queensland ਦੇ ਵਸਨੀਕ ਕਿਸੇ ਨੇ ਕਿਸੇ ਖੌਫ਼ ਦਾ ਸਾਹਮਣਾ ਕੀਤਾ, ਕਿਉਂ ਕਿ ਅਪਰਾਧ ਦੀ ਰਾਜਧਾਨੀ ਇਸ ਸੂਬੇ ਵਿੱਚ ਲਿਸਟ ਐਨੀ ਲੰਬੀ ਹੈ ਕਿ ਪੁਲਿਸ ਵੀ ਥੋੜ੍ਹੀ ਪੈ ਗਈ ਹੈ। ABS ਦੇ ਅੰਕੜਿਆਂ ਮੁਤਾਬਕ ਸਟੇਟ ਵਿੱਚ ਜਿਸਮਾਨੀ ਹਮਲੇ 58,479 ਹੋਏ, 49,490 ਘਰਾਂ/ਦੁਕਾਨਾਂ 'ਚ ਚੋਰੀਆਂ-ਸੰਨ੍ਹ ਦੀਆਂ ਘਟਨਾਵਾਂ ਵਾਪਰੀਆਂ। ਜਦਕਿ ਇਸੇ ਸਾਲ 2023 'ਚ 18,210 ਕਾਰ ਚੋਰੀ ਦੀਆਂ ਘਟਨਾਵਾਂ ਵਾਪਰੀਆਂ ਸਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ NSW ਸੂਬੇ ਦੀ ਕੁੱਲ ਆਬਾਦੀ 8.4 ਮਿਲੀਅਨ ਹੈ, ਜਦਕਿ Queensland ਦੀ ਆਬਾਦੀ 5.5 ਮਿਲੀਅਨ ਹੈ। ਜਦਕਿ ਅਪਰਾਧ NSW ਨਾਲੋਂ 12 ਫੀਸਦ ਵਧੇਰੇ ਵਾਪਰ ਰਹੇ ਹਨ। ਜਾਣਕਾਰੀ ਲਈ ਦੱਸ ਦਈਏ ਕਿ Queensland Police Service ਦੀ ਅਧਿਕਾਰਕ ਵੈੱਬਸਾਈਟ ਮੁਤਾਬਕ ਇਸ ਵੇਲੇ ਸਟੇਟ ਪੁਲਿਸ 'ਚ 12,000 ਕਰਮਚਾਰੀ ਹਨ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਭਾਰਤ ਨੇ ਵਿਰਾਟ ਕੋਹਲੀ ਦੀਆਂ 76 ਦੌੜਾਂ ਅਤੇ ਤੇਜ਼ ਗੇਂਦਬਾਜ਼ਾਂ ਅਰਸ਼ਦੀਪ ਸਿੰਘ, ਜਸਪ੍ਰੀਤ ਬੁਮਰਾਹ ਤੇ ਹਾਰਦਿਕ ਪਾਂਡਿਆ ਦੀ ਸ਼ਾਨਦਾਰ ਗੇਂਦਬਾਜ਼ੀ ਸਦਕਾ ਟੀ-20 ਕ੍ਰਿਕਟ ਵਿਸ਼ਵ ਕੱਪ ਖ਼ਿਤਾਬ ਆਪਣੇ ਨਾਂ ਕਰ ਲਿਆ ਹੈ। ਭਾਰਤ ਨੇ ਪਹਿਲਾਂ ਬੱਲਬਾਜ਼ੀ ਕਰਦਿਆਂ 20 ਓਵਰਾਂ ’ਚ 7 ਵਿਕਟਾਂ ’ਤੇ 176 ਦੌੜਾਂ ਬਣਾਈਆਂ ਪਰ ਟੀਚੇ ਦਾ ਪਿੱਛਾ ਕਰਨ ਉਤਰੀ ਦੱਖਣੀ ਅਫਰੀਕਾ 8 ਵਿਕਟਾਂ ਦੇ ਨੁਕਸਾਨ ਉੱਤੇ 169 ਦੌੜ੍ਹਾਂ ਬਣਾ ਸਕੀ। ਵਿਰਾਟ ਕੋਹਲੀ ਨੂੰ 'ਮੈਨ ਆਫ ਦਾ ਮੈਚ'

ਪ੍ਰਧਾਨ ਮੰਤਰੀ Anthony Albanese ਨੇ Newcastle ਦੇ MP Tim Crakanthorp ਦੇ ਦਫਤਰ ਬਾਹਰ ਚਾਕੂ ਅਤੇ ਹਥਿਆਰਬੰਦ ਹੋ ਕੇ ਹਮਲਾ ਕਰਨ ਵਾਲੇ 19 ਸਾਲਾਂ ਨੌਜਵਾਨ ਦੇ ਕਾਰੇ 'ਤੇ ਜਤਾਇਆ ਦੁੱਖ ਅਤੇ ਚਿੰਤਾ।

ਕੁੱਝ ਰਿਸ਼ਤੇ ਅਜਿਹੇ ਹੁੰਦੇ ਹਨ ਜਿੰਨ੍ਹਾਂ ਨੂੰ ਆਪਣੇ ਅੰਦਰ ਦਾ ਹਾਲ ਦੱਸਣ ਦੀ ਲੋੜ ਨਹੀਂ ਪੈਂਦੀ, ਪਤਾ ਨਹੀਂ ਕਿਵੇਂ ਪਰ ਉਹ ਜਾਣ ਜਾਂਦੇ ਹਨ, ਤੁਸੀਂ ਕਿਵੇਂ ਦਾ ਮਹਿਸੂਸ ਕਰ ਰਹੇ ਹੋ, ਤੁਹਾਡੇ ਨਾਲ ਕੁੱਝ ਮਾੜਾ ਵਾਪਰ ਰਿਹਾ ਹੈ, ਤੁਹਾਡੇ ਅੰਦਰ ਕੁੱਝ ਚੱਲ ਰਿਹਾ ਹੈ, ਇਸ ਸਭ ਦੀ ਖ਼ਬਰ ਕਿਸੇ ਦੂਜੇ ਕੋਲ ਬਿਨਾ ਕੁੱਝ ਦੱਸੇ ਆਪਣੇ-ਆਪ ਅੱਪੜ ਜਾਂਦੀ ਹੈ, ਸ਼ਾਇਦ ਇਸੇ ਨੂੰ ਕਹਿੰਦੇ ਨੇ ਦਿਲ ਨੂੰ ਦਿਲਾਂ ਦੀ ਰਾਹ ਹੁੰਦੀ ਹੈ, ਅੱਜ ਦੀ ਕਹਾਣੀ ਵੀ ਅਜਿਹੇ ਹੀ ਦਿਲਾਂ ਦੀ ਕਹਾਣੀ ਹੈ ਜਿਹੜੇ ਦੂਰ ਹੋ ਕੇ ਵੀ ਇੱਕ ਦੂਜੇ ਨਾਲ ਜੁੜੇ ਹੋਏ ਹਨ

ਪਿੱਛਲੇ ਐਪੀਸੋਡ ਵਿੱਚ ਆਪਾਂ Global Warming ਦਾ ਪ੍ਰਭਾਵ ਘੱਟ ਕਰਨ ਲਈ ਛੋਟੇ-ਛੋਟੇ ਕਦਮਾਂ ਬਾਰੇ ਗੱਲ ਕੀਤੀ ਸੀ, ਅੱਜ ਦੇ ਇਸ ਐਪੀਸੋਡ ਵਿੱਚ ਅਸੀਂ ਓਸੇ ਗੱਲਬਾਤ ਨੂੰ ਅੱਗੇ ਤੋਰਾਂਗੇ ਤੇ ਹੋਰ ਕਿਹੜੇ ਕਦਮ ਉਠਾਏ ਜਾ ਸਕਦੇ ਹਨ ਜਿੰਨ੍ਹਾਂ ਦੀ ਅੱਜ ਬਹੁਤ ਲੋੜ ਹੈ, ਆਸ ਕਰਦੇ ਆਂ ਕਿ ਸਾਡੀ ਇਸ ਦੁਨੀਆ ਨੂੰ ਬਚਾਉਣ ਤੇ ਹੋਰ ਸੋਹਣੀ ਬਣਾਉਣ ਵਿੱਚ ਅਸੀਂ ਸਾਰੇ ਰਲ ਕੇ ਉੱਦਮ ਕਰਾਂਗੇ

ਦੇਸ ਪੰਜਾਬ ਦੀ ਗੱਲ ਕੀਚੈ ਦਾ ਅੱਜ ਦਾ ਐਪੀਸੋਡ ਸਿੱਖ ਕੌਮ ਦੀਆਂ ਉਹਨਾਂ ਮਹਾਨ ਸ਼ਖਸ਼ੀਅਤਾਂ ਨੂੰ ਸਮਰਪਿਤ ਹੈ ਜਿੰਨਾ ਨੇ ਸਿੱਖ ਕੌਮ ਦੇ ਇਤਿਹਾਸ ਵਿੱਚ ਬਹੁਤ ਹੀ ਵੱਡਾ ਰੋਲ ਨਿਭਾਇਆ ਹੈ, ਅੱਜ ਦੇ ਪੌਡਕਾਸਟ ਵਿੱਚ ਅਸੀਂ ਬਾਬਾ ਬੰਦਾ ਸਿੰਘ ਬਹਾਦਰ ਅਤੇ ਮਹਾਰਾਜਾ ਰਣਜੀਤ ਸਿੰਘ ਬਾਰੇ ਗੱਲਬਾਤ ਕਰਾਂਗੇ, ਸਿੱਖ ਰਾਜ ਸ਼ੁਰੂ ਹੋਣ ਤੋਂ ਸਿੱਖ ਰਾਜ ਖਤਮ ਹੋਣ ਤੱਕ ਦੀਆਂ ਗੱਲਾਂ ਯਾਦ ਕਰਾਂਗੇ, ਆਸ ਕਰਦੇ ਆਂ ਤੁਸੀਂ ਸਾਡੀ ਇਸ ਕੋਸ਼ਿਸ਼ ਨੂੰ ਭਰਵਾਂ ਹੁੰਗਾਰਾ ਦਿਓਗੇ

Radio Haanij Afternoon section is dedicated to Indian NEWS and Anayalis with Pritam Singh Rupal

ਆਸਟ੍ਰੇਲੀਆ ਦੇ ਬੈਂਕਿੰਗ ਇਤਿਹਾਸ ਦਾ ਸਭ ਤੋਂ ਵੱਡਾ ਰਲੇਵਾਂ ਜਲਦ ਫੈਡਰਲ Treasurer Jim Chalmers MP ਦੀ ਤਰਫੋਂ ਆਸਟ੍ਰੇਲੀਆ ਦੇ ਦੋ ਵੱਡੇ ਬੈਂਕਾਂ ANZ ਅਤੇ Suncorp ਦਾ merger ਹੋਣ ਦੀ ਹਰੀ ਝੰਡੀ ਦੇ ਦਿੱਤੀ ਗਈ ਹੈ। ਇਸ ਰਲੇਵੇਂ ਤਹਿਤ ANZ ਕਰੀਬ $4.9 ਬਿਲੀਅਨ ਡਾਲਰ ਖਰਚਕੇ Suncorp ਬੈਂਕ ਨੂੰ ਖਰੀਦਣ ਜਾ ਰਿਹਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਹ ਆਸਟ੍ਰੇਲੀਆ ਦੇ ਬੈਂਕਿੰਗ ਇਤਿਹਾਸ ਦਾ ਸਭ ਤੋਂ ਵੱਡਾ merger ਹੋਵੇਗਾ। ਇਸ ਤੋਂ ਪਹਿਲਾਂ 2008 'ਚ Westpac ਦੁਆਰਾ St George ਨੂੰ ਖਰੀਦਣ ਦੀ ਡੀਲ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸੌਦਾ ਸੀ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਐੱਨਡੀਓ ਦੇ ਉਮੀਦਵਾਰ ਓਮ ਬਿਰਲਾ ਅੱਜ ਜ਼ੁਬਾਨੀ ਵੋਟ ਨਾਲ ਲਗਾਤਾਰ ਦੂਜੇ ਕਾਰਜਕਾਲ ਲਈ ਲੋਕ ਸਭਾ ਦੇ ਸਪੀਕਰ ਚੁਣੇ ਗਏ। ਵਿਰੋਧੀ ਧਿਰਾਂ ਦੇ ਇੰਡੀਆ ਗੱਠਜੋੜ ਨੇ ਬਿਰਲਾ ਦੇ ਮੁਕਾਬਲੇ ਅੱਠ ਵਾਰ ਦੇ ਸੰਸਦ ਮੈਂਬਰ ਕੇ. ਸੁਰੇਸ਼ ਨੂੰ ਚੋਣ ਮੈਦਾਨ ਵਿਚ ਉਤਾਰਿਆ ਸੀ। ਉਧਰ ਰਾਸ਼ਟਰਪਤੀ ਦਰੋਪਦੀ ਮੁਰਮੂ ਵੀਰਵਾਰ ਨੂੰ ਸੰਸਦ ਦੇ ਦੋਵੇਂ ਸਦਨਾਂ ਦੀ ਸਾਂਝੀ ਬੈਠਕ ਨੂੰ ਸੰਬੋਧਨ ਕਰਨਗੇ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਪੀਕਰ ਵਜੋਂ ਚੋਣ ਲਈ ਬਿਰਲਾ ਦੇ ਨਾਂ ਦੀ ਤਜਵੀਜ਼ ਵਾਲਾ ਮਤਾ ਸਦਨ ਵਿਚ ਰੱਖਿਆ, ਜਿਸ ਦੀ ਤਾਈਦ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕੀਤੀ। ਉਧਰ ਸੁਰੇਸ਼ ਦੇ ਹੱਕ ਵਿਚ ਵੀ ਵਿਰੋਧੀ ਧਿਰਾਂ ਵੱਲੋਂ ਮਤੇ ਰੱਖੇ ਗਏ।

ਅਜ਼ਾਦ ਭਾਰਤ ਵਿੱਚ ਸਾਲ 1975 ਦੌਰਾਨ ਕਿਉਂ ਲਗਾਈ ਗਈ ਐਮਰਜੈਂਸੀ? ਇੰਦਰਾ ਗਾਂਧੀ ਦਾ ਉਹ ਫ਼ੈਸਲਾ ਜਿਸ ਕਰਕੇ ਦੇਸ਼ 'ਚ ਪਹਿਲੀ ਵਾਰ ਬਣੀ ਗੈਰ ਕਾਂਗਰਸੀ ਸਰਕਾਰ। ਇਸ ਤੋਂ ਇਲਾਵਾ ਪ੍ਰੋਗਰਾਮ 'ਚ ਗੱਲ WikiLeaks ਦੀ। ਸਾਲਾਂ ਬੱਧੀ ਚੱਲੀ ਕਾਨੂੰਨੀ ਲੜਾਈ ਤੋਂ ਬਾਅਦ ਵਿਕੀਲੀਕਸ ਦੇ ਸੰਸਥਾਪਕ ਜੁਲੀਅਨ ਅਸਾਂਜ ਦੀ ਕੀ ਹੈ ਕਹਾਣੀ?

"ਸਾਡਾ ਕੰਮ ਹੁਣ ਨਸ਼ੇ ਵੇਚਣਾ ਰਹਿ ਗਿਆ?" ਫੈਡਰਲ ਸਿਹਤ ਮੰਤਰੀ Mark Butler MP ਨੇ ਪਿਛਲੇ ਦਿਨੀਂ ਜਦੋਂ Vapes ਨੂੰ ਲੈ ਕੇ ਆਪਣੀ ਨਵੀਂ ਨੀਤੀ ਦਾ ਐਲਾਨ ਕੀਤਾ ਤਾਂ ਉਨ੍ਹਾਂ ਨੂੰ ਜਾਪਿਆ ਕਿ ਆਸਟ੍ਰੇਲੀਆ ਸ਼ਾਇਦ ਇਸ ਕੋਹੜ ਤੋਂ ਮੁਕਤ ਹੋ ਰਿਹਾ। ਅਸਲ ਵਿੱਚ vapes ਆਸਟ੍ਰੇਲੀਆ ਦੀ ਜਵਾਨੀ ਨੂੰ ਅੰਦਰੋ ਅੰਦਰੀ ਖੋਰਾ ਲਗਾ ਰਹੇ ਹਨ। ਬਾਜ਼ਾਰ ਵਿੱਚ ਇਸ ਸਮੇਂ ਗੈਰ ਕਾਨੂੰਨੀ ਤਰੀਕੇ ਨਾਲ ਨਿਕੋਟੀਨ ਭਰੇ vapes ਧੜੱਲੇ ਨਾਲ ਵਿਕ ਰਹੇ ਹਨ। ਫੈਡਰਲ ਸਰਕਾਰ ਪਹਿਲੀ ਜੁਲਾਈ ਤੋਂ ਕਈ ਨਵੀਆਂ ਤਬਦੀਲੀਆਂ ਕਰਨ ਜਾ ਰਹੀ ਹੈ। ਇਸੇ ਤਹਿਤ vapes ਨੂੰ prescription (ਡਾਕਟਰ ਦੀ ਪਰਚੀ) 'ਤੇ ਫਾਰਮੇਸੀ ਸਟੋਰਾਂ ਰਾਹੀਂ ਹੀ ਵੇਚਣ ਦਾ ਇੱਕ ਫ਼ੈਸਲਾ ਲਿਆ ਗਿਆ ਹੈ। ਹਾਲਾਂਕਿ vapes ਨੂੰ ਮੈਡੀਕਲ ਇਸਤੇਮਾਲ ਲਈ ਵਰਤਿਆ ਜਾਂਦਾ ਰਿਹਾ ਹੈ। ਪਰ ਫਾਰਮੇਸੀ ਸਟੋਰਾਂ 'ਤੇ ਨਿਕੋਟੀਨ ਦੀ ਮਾਤਰਾ ਨੂੰ ਕੰਟਰੋਲ ਕਰ ਵੇਚਣ ਦਾ ਪ੍ਰਸਤਾਵ ਗਰੀਨ ਪਾਰਟੀ ਨੇ ਲਿਆਂਦਾ ਸੀ। ਜਿਸ ਦੀ ਵਿਰੋਧਤਾ The Pharmacy Guild of Australia ਪਹਿਲਾਂ ਤੋਂ ਹੀ ਕਰਦਾ ਆ ਰਿਹਾ ਹੈ। ਹੁਣ ਦੇਸ਼ 'ਚ 115 ਸਟੋਰ ਚਲਾ ਰਹੀ ਕੰਪਨੀ Blooms The Chemist ਨੇ ਵੀ ਐਲਾਨ ਕਰ ਦਿੱਤਾ ਹੈ ਕਿ ਉਹ ਸਰਕਾਰ ਦੇ ਇਸ ਨਿਯਮ ਨੂੰ ਨਹੀਂ ਮੰਨਣਗੇ। ਦਰਅਸਲ ਫਾਰਮੇਸੀ ਅਦਾਰੇ ਇਹ ਤਰਕ ਦੇ ਰਹੇ ਹਨ ਕਿ ਭਾਵੇਂ ਕਿ ਪਰਚੀ 'ਤੇ ਹੀ ਸਹੀ, ਪਰ ਹੈ ਤਾਂ vapes ਇੱਕ ਨਸ਼ਾ। ਹੁਣ ਦਵਾਈਆਂ ਵੇਚਣ ਵਾਲੀਆਂ ਦੁਕਾਨਾਂ ਆਪਣੀ ਸ਼ੈਲਫਾਂ 'ਤੇ ਨਸ਼ਾ ਰੱਖਣ ਲੱਗ ਪਈਆਂ, ਤਾਂ ਤੰਬਾਕੂ ਸਟੋਰਾਂ ਅਤੇ ਕੈਮਿਸਟ ਸਟੋਰਾਂ 'ਚ ਫ਼ਰਕ ਕੀ ਰਹਿ ਗਿਆ। ਉਂਝ ਫੈਡਰਲ ਸਰਕਾਰ ਦੀ ਇਸ ਰਣਨੀਤੀ ਤੋਂ TGA ਯਾਨੀ ਕਿ Therapeutic Goods Administration - TGA ਨੇ ਇਸ ਨਿਯਮ ਨਾਲ ਸਹਿਮਤੀ ਨਹੀਂ ਜਤਾਈ ਹੈ। (TGA ਆਸਟ੍ਰੇਲੀਆ ਵਿੱਚ ਦਵਾਈਆਂ, ਟੀਕੇ, ਮੈਡੀਕਲ ਉਤਪਾਦਾਂ ਨੂੰ ਰੈਗੂਲੇਟ ਕਰਨ ਵਾਲਾ ਸੁਤੰਤਰ ਸਰਕਾਰੀ ਅਦਾਰਾ ਹੈ)। Bloom ਦੇ ਫ਼ੈਸਲੇ ਤੋਂ ਪਹਿਲਾਂ Priceline ਵੀ ਗ੍ਰਾਹਕਾਂ ਦੀ ਸਿਹਤ ਨਾਲ ਖਿਲਵਾੜ ਨਾ ਕਰਨ ਦਾ ਹਵਾਲਾ ਦੇ ਕੇ ਲੇਬਰ-ਗ੍ਰੀਨ ਦੀ ਇਸ ਰਣਨੀਤੀ ਦਾ ਵਿਰੋਧ ਕਰ ਚੁੱਕਿਆ ਹੈ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਸਰਦੀਆਂ ਵਿੱਚ ਅਕਸਰ ਬਜ਼ੁਰਗ ਜੋੜਾਂ ਨੂੰ ਸੇਕ ਦੇਣ ਲਈ Hot Water Bottal ਦੀ ਵਰਤੋਂ ਕਰਦੇ ਹਨ, ਕਈ ਵਾਰੀ ਮਾੜੀ ਕਵਾਲਟੀ ਜਾਂ ਫਿਰ ਥੋੜ੍ਹਾ ਸਮਾਂ ਵਰਤਣ ਤੋਂ ਬਾਅਦ ਉਹਨਾਂ ਬੋਤਲਾਂ ਦੇ ਢੱਕਣ ਢਿੱਲੇ ਹੋ ਜਾਂਦੇ ਹਨ ਜਾਂ ਫਿਰ ਕਈ ਵਾਰੀ ਉਹ ਕਿਤੋਂ ਹੋਰ ਲੀਕ ਕਰਨ ਲੱਗ ਜਾਂਦੀਆਂ ਹਨ ਜਾਂ ਫੱਟ ਜਾਂਦੀਆਂ ਹਨ ਜਿਸ ਕਰਕੇ ਕਈ ਵਾਰ ਗਰਮ ਪਾਣੀ ਪੈਣ ਕਾਰਣ ਚਮੜੀ ਸੜ੍ਹ ਜਾਂਦੀ ਹੈ, ਇਸ ਲਈ ਇਹਨਾਂ Hot Water Bottal ਦੀ ਥਾਂ ਤੇ ਹੋਰ ਵੱਖ-ਵੱਖ ਤਰਾਂ ਦੀਆਂ ਚੀਜਾਂ ਮੌਜੂਦ ਹਨ ਜੋ ਇਹਨਾਂ ਬੋਤਲਾਂ ਦੇ ਮੁਕਾਬਲੇ ਜਿਆਦਾ ਸੁਰੱਖਿਅਤ ਹਨ, ਅੱਜ ਦੇ Health Talk Podcast ਵਿੱਚ ਡਾਕਟਰ ਸਨਦੀਪ ਭਗਤ ਜੀ ਨੇ ਇਸ ਬਾਰੇ ਬੜੀ ਮਹੱਤਵਪੂਰਨ ਜਾਣਕਾਰੀ ਦਿੱਤੀ ਹੈ, ਆਸ ਕਰਦੇ ਹਨ ਕਿ ਤੁਹਾਨੂੰ ਪਸੰਦ ਵੀ ਆਊਗੀ ਅਤੇ ਤੁਹਾਡੇ ਕੰਮ ਵੀ ਆਊਗੀ

𝗘𝗹𝗲𝗰𝘁𝗿𝗶𝗰𝗶𝘁𝘆 𝗕𝗶𝗹𝗹 : ਬਿਜਲੀ ਬਿਲ  ਪਹਿਲੀ ਜੁਲਾਈ ਤੋਂ ਹਰ ਤਿਮਾਹੀ ਆਉਣ ਵਾਲੇ ਬਿਜਲੀ ਬਿਲਾਂ 'ਚ ਤੁਹਾਨੂੰ $75 ਡਾਲਰ ਦੀ ਫੈਡਰਲ ਸਰਕਾਰ ਵੱਲੋਂ ਰਿਬੇਟ (ਰਿਆਇਤ) ਮਿਲੇਗੀ। ਯਾਨੀ ਕਿ ਅਗਲੇ ਇੱਕ Financial year ਦੌਰਾਨ ਕੁੱਲ $300 ਦੀ ਮਦਦ। ਫੈਡਰਲ ਸਰਕਾਰ ਅਨੁਸਾਰ ਆਸਟ੍ਰੇਲੀਆ ਭਰ ਦੇ 10 ਮਿਲੀਅਨ ਪਰਿਵਾਰਾਂ ਨੂੰ ਰਾਹਤ ਮਿਲੇਗੀ। ਭਾਵੇਂ ਕਿ ਤੁਸੀਂ ਕਿਰਾਏ 'ਤੇ ਹੋ ਜਾਂ ਮਕਾਨ ਮਾਲਕ, ਕਿਸੇ ਵੀ ਵੀਜ਼ਾ ਜਾਂ ਪੱਕੇ ਵਸਨੀਕ ਹੋ। ਬੱਸ ਬਿਜਲੀ ਦੇ ਬਿਲ ਤੁਹਾਡੇ ਨਾਮ 'ਤੇ ਆਉਂਦਾ ਤਾਂ ਤੁਹਾਨੂੰ ਇਹ ਰਿਬੇਟ ਮਿਲੇਗੀ। ਇਸ ਤੋਂ ਇਲਾਵਾ Queensland ਸਰਕਾਰ ਅੱਡ ਤੋਂ ਆਪਣੇ ਸੂਬੇ ਦੇ ਵਸਨੀਕਾਂ ਨੂੰ ਅਗਲੇ ਇੱਕ ਸਾਲ ਦਰਮਿਆਨ ਬਿਜਲੀ ਬਿਲਾਂ 'ਚੋਂ $1000 ਡਾਲਰ ਦੀ ਛੋਟ ਦੇਵੇਗੀ। ਹਰ ਤਿਮਾਹੀ ਬਿਲ 'ਚੋਂ ਇਹ ਡਿਸਕਾਊਂਟ ਤੁਹਾਨੂੰ ਮਿਲੇਗਾ, ਫੈਡਰਲ ਸਰਕਾਰ ਦੇ $300 ਤੋਂ ਇਲਾਵਾ। ਜਦਕਿ Tasmania ਸੂਬਾ ਵੀ ਆਪਣੇ ਵਸਨੀਕਾਂ ਨੂੰ ਅੱਡ ਤੋਂ $250 ਸਲਾਨਾ/ਪਰਿਵਾਰ ਦਾ ਇੱਕ ਪੈਕੇਜ ਐਲਾਨ ਚੁੱਕਾ ਹੈ।  𝗜𝗻𝘁𝗲𝗿𝗻𝗲𝘁/𝗡𝗕𝗡 : ਇੰਟਰਨੈੱਟ ਬਿਲ  National Broadband Network ਵੀ ਸਾਰੇ ਹੀ ਸੂਬਿਆਂ 'ਚ ਸਾਰੇ ਹੀ ਰਿਟੇਲਰਾਂ (Telstra, Optus, TPG ਆਦਿ) ਵਧੇਰੇ ਫੀਸਾਂ ਵਸੂਲਣ ਜਾ ਰਿਹਾ ਹੈ। ਮਤਲਬ ਇਹ ਕਿ 1 ਜੁਲਾਈ ਤੋਂ ਬਾਅਦ ਤੁਹਾਡੇ ਇੰਟਰਨੈੱਟ ਦੇ ਬਿਲ ਪਹਿਲਾਂ ਨਾਲੋਂ ਜਿਆਦਾ ਮਹਿੰਗੇ ਆਉਣਗੇ। Home Basic Plan 1 'ਚ ਵਧ ਤੋਂ ਵੱਧ $26.85 ਦਾ ਇਜ਼ਾਫ਼ਾ, Home Standard Plan $52 ਡਾਲਰ ਮਹਿੰਗੇ ਅਤੇ Home Superfast plan $62 ਅਤੇ Ultra Superfast $72 ਡਾਲਰ ਸਲਾਨਾ ਵਾਧੇ ਨਾਲ ਆਏਗਾ। 𝗡𝗮𝘁𝗶𝗼𝗻𝗮𝗹 𝗠𝗶𝗻𝗶𝗺𝘂𝗺 𝗪𝗮𝗴𝗲𝘀 : ਤਨਖ਼ਾਹਾਂ  ਆਸਟ੍ਰੇਲੀਆ ਵਿੱਚ ਘੱਟੋ ਘੱਟ ਤਨਖ਼ਾਹ ਹੁਣ 1 ਜੁਲਾਈ ਤੋਂ $24.10/ਘੰਟਾ ਹੋਵੇਗੀ। ਯਾਨੀ ਕਿ $23.23/ਘੰਟਾ ਜੋ ਕਿ ਹੁਣ ਤੱਕ ਮਿਲਦੀ ਰਹੀ ਹੈ, ਉਸ 'ਚ 3.75 ਫੀਸਦ ਦਾ ਇਜ਼ਾਫ਼ਾ।  ਆਮ ਆਸਟ੍ਰੇਲੀਆਈ ਹੀ ਨਹੀਂ ਖ਼ਾਸ ਲੋਕਾਂ ਦੀਆਂ ਤਨਖ਼ਾਹਾਂ ਵੀ ਵੱਧ ਰਹੀਆਂ ਹਨ। ਫੈਡਰਲ MPs ਦੀ basic salary ਹੁਣ $225,750 ਤੋਂ ਵਧਕੇ $233,650/ਸਲਾਨਾ ਹੋਣ ਜਾ ਰਹੀ ਹੈ, ਯਾਨੀ $8000 ਡਾਲਰ ਦਾ ਫਾਇਦਾ। ਵਿਰੋਧੀ ਧਿਰ ਨੇਤਾ Peter Dutton ਪਿਛਲੇ ਸਾਲ ਨਾਲੋਂ $15,000 ਵਧੇਰੇ ਕਮਾਉਣਗੇ। ਡੱਟਣ ਦੀ ਤਨਖਾਹ 1 ਜੁਲਾਈ ਤੋਂ $417,640 ਦੀ ਬਜਾਏ $432,260 ਹੋ ਜਾਵੇਗੀ। ਹਾਲਾਂਕਿ ਪ੍ਰਧਾਨ ਮੰਤਰੀ Anthony Albanese ਨੂੰ ਇਸ ਨਵੇਂ Financial year 'ਚ $20,000 ਡਾਲਰ ਹੋਰ ਮਿਲਣਗੇ ਯਾਨੀ ਕਿ ਉਹਨਾਂ ਦੀ ਨਵੀਂ salary $607,490 ਡਾਲਰ ਹੋਵੇਗੀ।  𝗦𝘂𝗽𝗲𝗿𝗮𝗻𝗻𝘂𝗮𝘁𝗶𝗼𝗻 :  ਆਸਟ੍ਰੇਲੀਆ ਵਿੱਚ ਤਨਖ਼ਾਹਦਾਰਾਂ ਨੂੰ ਹੁਣ ਰਿਟਾਇਰਡ ਹੋਣ ਵੇਲੇ ਥੋੜ੍ਹੀ ਰਾਹਤ ਮਿਲੇਗੀ। ਕਿਉਂਕਿ ਸੁਪਰ ਫੰਡ 'ਚ ਅੱਧਾ ਫੀਸਦ ਦਾ ਇਜ਼ਾਫ਼ਾ ਵਧਾ ਦਿੱਤਾ ਗਿਆ ਹੈ। ਯਾਨੀ ਕਿ ਹੁਣ ਤੁਹਾਡੀ salary slip 'ਤੇ 11 ਫੀਸਦ ਦੀ ਬਜਾਏ 11.5 ਸੁਪਰ ਜੋੜ ਕੇ ਦਿੱਤਾ ਜਾਵੇਗਾ। 𝗣𝗮𝘀𝘀𝗽𝗼𝗿𝘁 : ਪਹਿਲਾਂ ਤੋਂ ਜਾਰੀ ਤੁਰੰਤ ਪਾਸਪੋਰਟ ਸਕੀਮ ($252 ਦੇ ਵਾਧੂ ਭੁਗਤਾਨ ਨਾਲ) ਜਿਸ ਵਿੱਚ ਦੋ ਦਿਨਾਂ ਅੰਦਰ ਪਾਸਪੋਰਟ ਤਿਆਰ ਕੀਤਾ ਜਾਂਦਾ ਸੀ, ਤਾਂ ਜਾਰੀ ਰਹੇਗੀ। ਪਰ ਉਸ ਤੋਂ ਇਲਾਵਾ quick service ਤਹਿਤ ਕੇਵਲ ਪੰਜ ਕੰਮਕਾਜੀ ਦਿਨਾਂ ਅੰਦਰ ਪਾਸਪੋਰਟ ਦੇਣ ($100 ਵਾਧੂ ਭੁਗਤਾਨ ਨਾਲ) ਦਾ ਫੈਸਲਾ 1 ਜੁਲਾਈ ਤੋਂ ਸ਼ੁਰੂ ਹੋ ਜਾਵੇਗਾ। 𝗩𝗶𝘀𝗮 : ਵੀਜ਼ਾ  ਜਿਹੜੇ visitor visa 'ਤੇ ਆਕੇ ਪਹਿਲਾਂ ਆਸਟਰੇਲੀਆ ਵਿੱਚ ਸਟੂਡੈਂਟ ਵੀਜ਼ਾ ਤਬਦੀਲ ਕਰਵਾ ਲੈਂਦੇ ਸਨ, ਉਹਨਾਂ ਲਈ ਮਾੜੀ ਖ਼ਬਰ ਹੈ ਕਿ ਹੁਣ ਇਹ ਨਿਯਮ ਪਹਿਲੀ ਜੁਲਾਈ ਤੋਂ ਖ਼ਤਮ ਕਰ ਦਿੱਤਾ ਜਾਵੇਗਾ। ਨਾਲ ਹੀ temporary graduate visa (485 subclass) ਹੋਲਡਰ ਵੀ onshore (ਯਾਨੀ ਆਸਟ੍ਰੇਲੀਆ 'ਚ ਰਹਿੰਦੇ ਹੋਏ) student visa ਨਹੀਂ ਲੈ ਸਕਣਗੇ। 𝗖𝗲𝗻𝘁𝗿𝗲𝗹𝗶𝗻𝗸 𝗣𝗮𝘆𝗺𝗲𝗻𝘁𝘀 :  ਆਸਟ੍ਰੇਲੀਆ ਸਰਕਾਰ ਵੱਲੋਂ ਵਿੱਤੀ ਤੌਰ 'ਤੇ ਕਮਜ਼ੋਰ ਵਿਅਕਤੀਆਂ ਨੂੰ ਦਿੱਤੀਆਂ ਜਾਂਦੀਆਂ ਪੈਨਸ਼ਨਾਂ (disability support pension, carers payment, parental payments ਅਤੇ family tax benefit payments) 'ਚ ਵੀ ਵੱਖੋ ਵੱਖ ਵਾਧੇ ਕੀਤੇ ਗਏ ਹਨ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਅੱਜਕਲ੍ਹ ਆਪਾ ਛੋਟੇ ਪਰਵਾਰਾਂ ਵਿੱਚ ਰਹਿਣਾ ਜਿਆਦਾ ਪਸੰਦ ਕਰਦੇ ਹਾਂ। ਸਗੋਂ ਇਹ ਕਹਿਣਾ ਵੀ ਗਲਤ ਨਹੀਂ ਕਿ ਇਕੱਲੇ ਰਹਿਣਾ ਪਸੰਦ ਕਰਦੇ ਹਾਂ। ਇਸ ਦੇ ਫ਼ਾਇਦੇ ਸ਼ਾਇਦ ਜਿਆਦਾ ਲਗਦੇ ਹੋਣ ਪਰ ਇਸ ਦੇ ਨੁਕਸਾਨ ਵੀ ਬਹੁਤ ਹਨ। ਪੇਸ਼ ਹੈ ਹਾਂਜੀ ਮੈਲਬੌਰਨ ਵਿੱਚ ਇਸ ਵਿਸ਼ੇ ਤੇ ਹੋਈ ਚਰਚਾ ਦੀ ਪੋਡਕਾਸਟ।

ਪੰਜਾਬੀ ਕਵੀ, ਵਾਰਤਕ ਲੇਖਕ, ਚਿੱਤਰਕਾਰ ਅਤੇ ਕਾਰਟੂਨਿਸਟ ਜਸਵੰਤ ਜ਼ਫ਼ਰ ਨੂੰ ਭਾਸ਼ਾ ਵਿਭਾਗ ਪੰਜਾਬ ਦਾ ਡਾਇਰੈਕਟਰ ਨਿਯੁਕਤ ਕੀਤਾ ਗਿਆ ਹੈ। ਇਹ ਪੁਸ਼ਟੀ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਡਾਇਰੈਕਟਰ ਮੀਡੀਆ ਰਿਲੇਸ਼ਨਜ਼ ਬਲਤੇਜ ਪੰਨੂ ਨੇ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਸਵਰਨਜੀਤ ਸਵੀ ਨੂੰ ਆਰਟ ਕੌਂਸਲ ਦਾ ਮੁਖੀ ਲਗਾਇਆ ਗਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਸਵੰਤ ਜ਼ਫ਼ਰ ਦਾ ਜਨਮ 1965 ਵਿੱਚ ਪਿੰਡ ਸੰਘੇ ਖ਼ਾਲਸਾ (ਨੂਰਮਹਿਲ) ’ਚ ਹੋਇਆ ਅਤੇ ਬਚਪਨ ਜੱਦੀ ਪਿੰਡ ਮਹਿਸਮਪੁਰ (ਫਿਲੌਰ) ਵਿੱਚ ਲੰਘਿਆ। ਉਨ੍ਹਾਂ ਪੰਜਾਬ ਰਾਜ ਬਿਜਲੀ ਬੋਰਡ ਵਿੱਚ ਨੌਕਰੀ ਕੀਤੀ ਪਰ ਨਾਲ-ਨਾਲ ਸਾਹਿਤਕ ਗਤੀਵਿਧੀਆਂ ਜਾਰੀ ਰੱਖੀਆਂ। ਉਨ੍ਹਾਂ ਲੁਧਿਆਣਾ ਵਿੱਚ ਕਰੀਬ ਇੱਕ ਲੱਖ ਬੂਟੇ ਲਗਵਾਏ। ਇਸ ਤੋਂ ਪਹਿਲਾਂ ਜਸਵੰਤ ਜ਼ਫ਼ਰ ਨੇ ਲੁਧਿਆਣਾ ਵਿੱਚ ਗੰਦੇ ਨਾਲੇ ਦੀ ਸਫ਼ਾਈ ਦਾ ਬੀੜਾ ਚੁੱਕਿਆ ਅਤੇ ਇੱਕ ਨਾਟਕ ‘ਬੁੱਢਾ ਦਰਿਆ’ ਦੀ ਰਚਨਾ ਕੀਤੀ।  ਇਸੇ ਤਰ੍ਹਾਂ ਸਵਰਨਜੀਤ ਸਵੀ ਦਾ ਜਨਮ 20 ਅਕਤੂਬਰ, 1958 ਵਿੱਚ ਹੋਇਆ। ਉਹ ਇੱਕ ਪੰਜਾਬੀ ਕਵੀ ਅਤੇ ਚਿੱਤਰਕਾਰ ਹੈ। ਸਵੀ ਨੂੰ ਸਾਲ 2023 ਵਿੱਚ ਆਪਣੇ ਕਾਵਿ-ਸੰਗ੍ਰਹਿ ‘ਮਨ ਦੀ ਚਿੱਪ’ ਲਈ ਸਾਹਿਤ ਅਕਾਦਮੀ ਪੁਰਸਕਾਰ ਮਿਲਿਆ ਹੈ

ਆਸਟ੍ਰੇਲੀਆ ਦੀ 28ਵੀਂ Governor General ਬਣਨ ਜਾ ਰਹੀ Sam Mostyn ਨੂੰ ਮਿਲੇਗਾ 43% ਤਨਖ਼ਾਹ ਵਾਧਾ। ਪਹਿਲੀ ਜੁਲਾਈ ਤੋਂ ਇਸ ਅਹੁਦੇ ਦਾ ਕਾਰਜਭਾਰ ਸੰਭਾਲਣਗੇ। ਮੌਜੂਦਾ ਗਵਰਨਰ ਜਨਰਲ David Hurley ($495,000) ਨਾਲੋਂ 43 ਫੀਸਦ ਵਧੇਰੇ ਤਨਖ਼ਾਹ ($709,017) ਮਿਲੇਗੀ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 8 ਜੁਲਾਈ ਨੂੰ ਮਾਸਕੋ (ਰੂਸ) ਦਾ ਇੱਕ ਰੋਜ਼ਾ ਦੌਰਾ ਕਰਨਗੇ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਹ ਦੌਰਾ ਭਾਰਤ ਅਤੇ ਰੂਸ ਵਰਗੇ ਇਤਿਹਾਸਕ ਭਾਈਵਾਲਾਂ ਵਿਚਾਲੇ ਸਬੰਧਾਂ ਨੂੰ ਮਜ਼ਬੂਤ ਕਰੇਗਾ ਜੋ ਤੇਜ਼ੀ ਨਾਲ ਬਦਲ ਰਹੇ ਨਵੇਂ ਆਲਮੀ ਢਾਂਚੇ ਵਿੱਚ ਨਵੀਆਂ ਭਾਈਵਾਲੀਆਂ ਤਲਾਸ਼ ਰਹੇ ਹਨ। ਮੋਦੀ ਦਾ ਇਹ ਦੌਰਾ ਅਹਿਮ ਹੈ ਕਿਉਂਕਿ ਇਹ ਸਿਰਫ ਰੂਸ ਦਾ ਹੀ ਦੌਰਾ ਹੈ ਜਿਸ ਨੂੰ ਬਰਿਕਸ ਸੰਮੇਲਨ ਨਾਲ ਨਹੀਂ ਜੋੜਿਆ ਜਾ ਰਿਹਾ ਹੈ, ਜਿਹੜਾ ਅਕਤੂਬਰ ਮਹੀਨੇ ਕਜ਼ਾਨ ’ਚ ਹੋਣ ਦੀ ਉਮੀਦ ਹੈ। ਦੂਜੇ ਪਾਸੇ ਇਹ ਦੌਰਾ ਨਰਿੰਦਰ ਮੋਦੀ ਦੇ ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣਨ ਤੇ ਸਰਕਾਰ ਦਾ ਕੰਮਕਾਰ ਸੰਭਾਲਣ ਬਾਅਦ ਹੋ ਰਿਹਾ ਹੈ। ਉਧਰ, ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ ਵੀ ਮਾਰਚ ਵਿੱਚ ਪੰਜਵੀਂ ਵਾਰ ਮੁੜ ਰਾਸ਼ਟਰਪਤੀ ਚੁਣੇ ਗਏ ਹਨ। ਨਰਿੰਦਰ ਮੋਦੀ ਦੇ ਆਖਰੀ ਵਾਰ ਰੂਸ ਆਉਣ ਬਾਅਦ ਦੁਵੱਲੇ ਸਬੰਧਾਂ ’ਚ ਕਾਫੀ ਤਬਦੀਲੀ ਆਈ ਹੈ। ਉਨ੍ਹਾਂ ਨੇ ਆਖਰੀ ਵਾਰ 2019 ’ਚ ਵਲਾਦੀਵੋਸਤੋਕ ਅਤੇ ਉਸ ਤੋਂ ਪਹਿਲਾਂ 2105 ਵਿੱਚ ਮਾਸਕੋ ਦਾ ਦੌਰਾ ਕੀਤਾ ਸੀ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਅੱਜ ਦੇ ਹੈਲਥ ਟਾਕ ਦੇ ਐਪੀਸੋਡ ਵਿੱਚ ਡਾਕਟਰ ਸਨਦੀਪ ਭਗਤ ਜੀ ਨੇ ਦਿਲ ਦੇ ਦੌਰੇ ਦੇ ਲੱਛਣਾਂ ਬਾਰੇ ਬਹੁਤ ਅਹਿਮ ਜਾਣਕਾਰੀ ਸਾਂਝੀ ਕੀਤੀ, ਆਮ ਤੌਰ ਤੇ ਅਸੀਂ ਸਾਰੇ ਇਹੀ ਜਾਣਦੇ ਹਾਂ ਕਿ ਜੇਕਰ ਦਿਲ ਵਿੱਚ ਬਹੁਤ ਤੇਜ਼ ਦਰਦ ਹੁੰਦੀ ਹੈ ਤਾਂ ਇਹ ਦਿਲ ਦੇ ਦੌਰੇ ਦੇ ਲੱਛਣ ਹਨ, ਪਰ ਡਾਕਟਰ ਸਾਹਿਬ ਅਨੁਸਾਰ ਇਹ ਇੱਕ ਲੱਛਣ ਹੈ, ਇਸਤੋਂ ਇਲਾਵਾ ਹੋਰ ਬਹੁਤ ਸਾਰੇ ਲੱਛਣ ਅਜਿਹੇ ਹਨ ਜਿੰਨ੍ਹਾਂ ਬਾਰੇ ਜ਼ਿਆਦਾਤਰ ਲੋਕ ਨਹੀਂ ਜਾਣਦੇ, ਜਿਸ ਕਰਕੇ ਬਹੁਤ ਸਾਰੇ ਮਰੀਜ਼ਾਂ ਨੂੰ ਬਿਨ੍ਹਾਂ ਦਿਲ ਦੀ ਪੀੜ ਦੇ ਹੀ ਦਿਲ ਦਾ ਦੌਰਾ ਪੈ ਜਾਂਦਾ ਹੈ, ਸਹੀ ਸਮੇਂ ਸਹੀ ਜਾਣਕਾਰੀ ਨਾ ਹੋਣ ਕਰਕੇ ਬਹੁਤ ਸਾਰੇ ਮਰੀਜ ਆਪਣੀ ਜਾਂ ਗਵਾ ਬੈਠਦੇ ਹਨ, ਅੱਜ ਦੇ ਐਪੀਸੋਡ ਨੂੰ ਹਰ ਕਿਸੇ ਨੂੰ ਬਹੁਤ ਧਿਆਨ ਨਾਲ ਸੁਣਨਾ ਚਾਹੀਦਾ ਹੈ ਤਾਂ ਜੋ ਸਮਾਂ ਰਹਿੰਦੇ ਦਿਲ ਦੇ ਦੌਰੇ ਦਾ ਪਤਾ ਲੱਗ ਸਕੇ ਅਤੇ ਇੱਕ ਕੀਮਤੀ ਜਾਨ ਬਚਾਈ ਜਾ ਸਕੇ

ਵਿਕਟੋਰੀਆ ਵਿੱਚ ਪੁਲਿਸ ਤੋਂ ਬਾਅਦ ਨਰਸਾਂ ਤੇ ਦਾਈਆਂ ਦੀ ਤਨਖ਼ਾਹ ਵਿੱਚ ਵੀ ਵੱਡੇ ਵਾਧੇ ਦਾ ਐਲਾਨ ਕੀਤਾ ਗਿਆ ਹੈ। ਤੁਸੀਂ ਸਰਕਾਰ ਨਾਲ਼ ਹੋਏ ਇਸ ਸਮਝੌਤੇ ਨੂੰ ਕਿਸ ਨਜ਼ਰ ਨਾਲ਼ ਵੇਖਦੇ ਹੋ? ਹੋਰ ਵੇਰਵੇ ਲਈ ਸੁਣੋ ਅੱਜ ਦਾ ਖ਼ਬਰਨਾਮਾ

Haanji Rishte ਵਿੱਚ ਅਸੀਂ ਤੁਹਾਡੇ ਵੱਲੋਂ ਭੇਜੇ ਗਏ ਰਿਸ਼ਤਿਆਂ ਦੀ ਜਾਣਕਾਰੀ ਆਪਣੇ ਸੁਨਣ ਵਾਲਿਆਂ ਨਾਲ ਸਾਂਝੀ ਕਰਦੇ ਹਾਂ, ਰੇਡੀਓ ਹਾਂਜੀ ਕਿਸੇ ਵੀ ਤਰਾਂ ਦੀ Match Making ਨਹੀਂ ਕਰਦਾ, ਅਤੇ ਨਾ ਹੀ ਕੋਈ ਜਾਣਕਾਰੀ ਜਨਤਕ ਤੌਰ ਤੇ ਕਿਸੇ ਨਾਲ ਸਾਂਝੀ ਕਰਦਾ ਹੈ, ਅਸੀਂ ਸਿਰਫ਼ ਤੁਹਾਡੇ ਵੱਲੋਂ ਭੇਜੀ ਗਈ ਜਾਣਕਾਰੀ ਦੂਜਿਆਂ ਨਾਲ ਸਾਂਝੀ ਕਰਨ ਦਾ ਮਾਧਿਅਮ ਹਾਂ...

ਅਠਾਰ੍ਹਵੀਂ ਲੋਕ ਸਭਾ ਦਾ ਪਹਿਲਾ ਇਜਲਾਸ ਸੋਮਵਾਰ ਤੋਂ ਸ਼ੁਰੂ ਹੋ ਰਿਹਾ ਹੈ, ਜਿਸ ਵਿਚ ਨਵੇਂ ਚੁਣੇ ਗਏ ਮੈਂਬਰਾਂ ਨੂੰ ਸਹੁੰ ਚੁਕਾਈ ਜਾਵੇਗੀ। ਇਸ ਤੋਂ ਬਾਅਦ 26 ਜੂਨ ਨੂੰ ਲੋਕ ਸਭਾ ਦੇ ਸਪੀਕਰ ਦੀ ਚੋਣ ਹੋਵੇਗੀ ਅਤੇ 27 ਜੂਨ ਨੂੰ ਰਾਸ਼ਟਰਪਤੀ ਦਰੋਪਦੀ ਮੁਰਮੂ ਦੋਵੇਂ ਸਦਨਾਂ ਦੀ ਸਾਂਝੀ ਬੈਠਕ ਨੂੰ ਸੰਬੋਧਨ ਕਰਨਗੇ। ਭਾਜਪਾ ਆਗੂ ਅਤੇ ਸੱਤ ਵਾਰ ਦੇ ਸੰਸਦ ਮੈਂਬਰ ਭਰਤੂਹਰੀ ਮਹਿਤਾਬ ਨੂੰ ਸੰਸਦ ਦੇ ਹੇਠਲੇ ਸਦਨ ਦਾ ਆਰਜ਼ੀ ਸਪੀਕਰ (ਪ੍ਰੋ-ਟੈੱਮ ਸਪੀਕਰ) ਨਿਯੁਕਤ ਕੀਤੇ ਜਾਣ ਕਾਰਨ ਸੈਸ਼ਨ ਦੌਰਾਨ ਲੋਕ ਸਭਾ ਵਿੱਚ ਰੌਲਾ ਪੈਣ ਦੀ ਸੰਭਾਵਨਾ ਹੈ। ‘ਇੰਡੀਆ’ ਗੱਠਜੋੜ ਦੇ ਮੈਂਬਰ ਸੋਮਵਾਰ ਸਵੇਰੇ ਪੁਰਾਣੀ ਸੰਸਦ ਦੇ ਗੇਟ ਨੰਬਰ 2 ’ਤੇ ਇਕੱਠੇ ਹੋਣਗੇ ਅਤੇ ਫੇਰ ਉਹ ਸਦਨ ਵੱਲ ਮਾਰਚ ਕਰਨਗੇ।

𝗡𝗲𝘄𝗭𝗲𝗮𝗹𝗮𝗻𝗱 'ਚ ਭਾਰਤੀ ਮੂਲ ਦੇ ਸੁਨਿਆਰੇ ਦੀ ਦੁਕਾਨ 'ਤੇ ਲੁੱਟ, ਦੁਕਾਨ ਮਾਲਕ ਜ਼ਖ਼ਮੀ ਆਕਲੈਂਡ 'ਚ ਬੀਤੀ ਸ਼ਾਮ 5 ਵਜੇ ਲੁੱਟ ਦੀ ਇੱਕ ਖਬਰ ਸਾਹਮਣੇ ਆਈ। ਪਾਪਾਟੋਏਟੋਏ 'ਚ Kolmar Road ਸਥਿਤ ਪੂਜਾ ਜਿਊਲਰ 'ਤੇ ਹੋਈ ਇਸ ਲੁੱਟ ਦੀ ਘਟਨਾ ਸੀ ਸੀ ਟੀ ਵੀ ਕੈਮਰਿਆਂ 'ਤੇ ਦਰਜ ਹੋਈ, ਜੋਕਿ ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀ ਹੋ ਰਹੀ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਨਕਾਬਪੋਸ਼ ਲੁਟੇਰਿਆਂ ਦੇ ਗੁੱਟ ਦਾ ਦੁਕਾਨ ਮਾਲਕ ਸਮੇਤ ਪਰਿਵਾਰ ਨੇ ਡੱਟ ਕੀਤਾ ਮੁਕਾਬਲਾ ਕੀਤਾ। ਵੀਡਿਓ 'ਚ ਤਿੰਨ ਲੁਟੇਰੇ ਹੱਥ 'ਚ ਹਥੌੜੇ ਅਤੇ ਚਾਕੂ ਫੜੀ ਨਜ਼ਰ ਆ ਰਹੇ ਹਨ ਅਤੇ ਵਿਰੋਧ ਕਰਨ 'ਤੇ ਇੱਕ ਲੁਟੇਰੇ ਨੇ ਪੰਜਾਬੀ ਮੂਲ ਦੇ ਦੁਕਾਨ ਮਾਲਕ 'ਤੇ ਹਮਲਾ ਵੀ ਕੀਤਾ, ਜਿਸ ਕਰਕੇ ਮਗਰੋਂ ਉਸਨੂੰ Middlemore Hospital ਭਰਤੀ ਕੀਤਾ ਗਿਆ ਹੈ। ਬਹਿਰਹਾਲ ਕਿੰਨਾ ਮਾਲੀ ਨੁਕਸਾਨ ਹੋਇਆ, ਇਸ ਦਾ ਅੰਦਾਜ਼ਾ ਨਹੀਂ ਲਗਾਇਆ ਜਾ ਸਕਿਆ।

ਯੂਕਰੇਨ ਵੱਲੋਂ ਰੂਸ ਤੇ ਜਵਾਬੀ ਹਮਲੇ ਚ 6 ਹਲਾਕ,100 ਤੋਂ ਵਧੇਰੇ ਜ਼ਖਮੀ। 30 ਤੋਂ ਵਧੇਰੇ ਡ੍ਰੋਨ ਫੁੰਡਣ ਦਾ ਦਾਅਵਾ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਵਿਕਟੋਰੀਆ ਦੀਆਂ ਨਰਸਾਂ ਤੇ ਦਾਈਆਂ ਆਪਣੀ ਤਨਖ਼ਾਹ ਵਿੱਚ ਵੱਡਾ ਵਾਧਾ ਕਰਵਾਉਣ ਵਿੱਚ ਸਫ਼ਲ ਹੋਈਆਂ। ਸਰਕਾਰੀ ਖ਼ਜ਼ਾਨੇ ਤੇ ਇਸ ਵਾਧੇ ਨਾਲ $1 ਬਿਲੀਅਨ ਦਾ ਖੋਰਾ ਲੱਗੇਗਾ।

ਗਲੋਬਲ ਵਾਰਮਿੰਗ ਜਾਂ ਵਾਤਾਵਰਣ ਨਾਲ ਸੰਬੰਧਿਤ ਜੋ ਬਦਲਾਅ ਅੱਜਕਲ੍ਹ ਵੇਖਣ ਨੂੰ ਮਿਲ ਰਹੇ ਹਨ ਇਹ ਕਿਸੇ ਆਉਣ ਵਾਲੀ ਬਹੁਤ ਵੱਡੀ ਆਫ਼ਤ ਦੀ ਨਿਸ਼ਾਨਦੇਹੀ ਕਰਦੇ ਹਨ, ਆਉਣ ਵਾਲੇ ਸਮੇਂ ਵਿੱਚ ਸਾਨੂੰ ਬਹੁਤ ਸਾਰੇ ਭਿਆਨਕ ਨਤੀਜ਼ੇ ਵੇਖਣ ਨੂੰ ਮਿਲਣਗੇ ਜਿੰਨ੍ਹਾਂ ਦੀ ਸ਼ੁਰੂਵਾਤ ਲੱਗਭੱਗ ਹੋ ਚੁੱਕੀ ਹੈ, ਗਰਮੀ, ਠੰਡ, ਬਰਸਾਤ ਆਦਿ ਦਾ ਸੰਤੁਲਨ ਵਿਗੜ ਚੁੱਕਾ ਹੈ, ਇਸ ਲਈ ਸਾਨੂੰ ਸਾਰਿਆਂ ਨੂੰ ਭਾਵੇਂ ਉਹ ਸਰਕਾਰਾਂ ਹੋਣ ਜਾਂ ਫਿਰ ਆਮ ਲੋਕ ਰਲ ਮਿਲ ਕੇ ਇਹਨਾਂ ਵਾਤਾਵਰਣ ਦੀਆਂ ਸਮਸਿਆਵਾਂ ਨਾਲ ਲੜਨਗੇ ਤਾਂ ਹੀ ਕੋਈ ਹੱਲ ਨਿਕਲ ਸਕਦਾ ਹੈ, ਅਤੇ ਸਾਨੂੰ ਸਭ ਨੂੰ ਅੱਜ ਤੋਂ ਹੀ ਹਰ ਉਹ ਛੋਟਾ-ਵੱਡਾ ਕਦਮ ਚੁੱਕਣਾ ਪਵੇਗਾ ਤਾਂ ਜੋ ਸਾਡਾ ਆਉਣ ਵਾਲਾ ਕੱਲ ਸੁਧਰ ਸਕੇ

ਅਦਾਲਤ ਨੇ ਅੱਜ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਵੱਡੀ ਰਾਹਤ ਦਿੰਦਿਆਂ ਉਨ੍ਹਾਂ ਨੂੰ ਕਥਿਤ ਆਬਕਾਰੀ ਨੀਤੀ ਘੁਟਾਲੇ ਨਾਲ ਸਬੰਧਤ ਮਨੀ ਲਾਂਡਰਿੰਗ ਮਾਮਲੇ ਵਿੱਚ ਜ਼ਮਾਨਤ ਦੇ ਦਿੱਤੀ ਹੈ। ਵਿਸ਼ੇਸ਼ ਜੱਜ ਨਿਆਏ ਬਿੰਦੂ ਨੇ ‘ਆਪ’ ਦੇ ਕੌਮੀ ਕਨਵੀਨਰ ਨੂੰ 1 ਲੱਖ ਰੁਪਏ ਦੇ ਨਿੱਜੀ ਮੁਚੱਲਕੇ ’ਤੇ ਇਹ ਰਾਹਤ ਦਿੱਤੀ। ਅਦਾਲਤ ਨੇ ਕੇਜਰੀਵਾਲ ਦੀ ਜ਼ਮਾਨਤ ਦੇ ਹੁਕਮ 48 ਘੰਟਿਆਂ ਲਈ ਰੋਕਣ ਬਾਰੇ ਈਡੀ ਦੀ ਅਪੀਲ ਵੀ ਰੱਦ ਕਰ ਦਿੱਤੀ। ਈਡੀ ਨੇ ਇਸ ਖ਼ਿਲਾਫ਼ ਸੁਪਰੀਮ ਕੋਰਟ ’ਚ ਅਪੀਲ ਦਾਇਰ ਕਰਨ ਲਈ ਇਹ ਸਮਾਂ ਮੰਗਿਆ ਸੀ। ਅਦਾਲਤ ਨੇ ਜਾਂਚ ਵਿੱਚ ਰੁਕਾਵਟ ਨਾ ਪਾਉਣ ਤੇ ਗਵਾਹਾਂ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਨਾ ਕਰਨ ਦੀਆਂ ਸ਼ਰਤਾਂ ’ਤੇ ‘ਆਪ’ ਆਗੂ ਨੂੰ ਇਹ ਰਾਹਤ ਦਿੱਤੀ ਹੈ। ਜੱਜ ਨੇ ਕੇਜਰੀਵਾਲ ਨੂੰ ਲੋੜ ਪੈਣ ’ਤੇ ਅਦਾਲਤ ਵਿੱਚ ਪੇਸ਼ ਹੋਣ ਤੇ ਜਾਂਚ ’ਚ ਸਹਿਯੋਗ ਦੇਣ ਦਾ ਨਿਰਦੇਸ਼ ਵੀ ਦਿੱਤਾ।

Binge Drinking ਕਰਨ ਵਾਲੀਆਂ ਮਹਿਲਾਵਾਂ ਲਈ ਕੈਂਸਰ ਦਾ ਖ਼ਤਰਾ ਵਧੇਰੇ ਅੰਗਰੇਜ਼ੀ ਦੇ ਅੱਖਰ Binge ਦਾ ਅਰਥ ਹੁੰਦਾ ਹੈ ਇੱਕਦਮ ਜਾਂ ਬਹੁਤ ਖਪਤ ਕਰ ਲੈਣਾ। ਆਧੁਨਿਕ ਦੌਰ 'ਚ ਮਹਿਲਾਵਾਂ ਦੁਆਰਾ ਸ਼ਰਾਬ ਸੇਵਨ ਦੀਆਂ ਮਾੜੀਆਂ ਆਦਤਾਂ ਉਹਨਾਂ ਨੂੰ ਕੈਂਸਰ ਵੱਲ ਧੱਕ ਸਕਦੀ ਹੈ। Flinders University ਦੇ ਇੱਕ ਖੋਜ ਪ੍ਰੋਗਰਾਮ 'ਚ ਪਤਾ ਲੱਗਿਆ ਹੈ ਕਿ ਆਸਟ੍ਰੇਲੀਆ ਵਿੱਚ ਮੌਜੂਦਾ ਸਮੇਂ ਦੌਰਾਨ 300,000 ਤੋਂ ਵਧੇਰੇ ਮਹਿਲਾਵਾਂ ਰੈਗੂਲਰ Binge Drinking ਕਰ ਰਹੀਆਂ ਹਨ। ਮਹੀਨੇ ਵਿੱਚ ਘੱਟੋ ਘੱਟ ਇੱਕ ਵਾਰ ਹੀ ਇੱਕੋ sitting 'ਚ 11 ਡਰਿੰਕ (ਸ਼ਰਾਬ ਜਾਂ ਵਾਇਨ) ਸੇਵਨ ਕਰਨ ਦਾ ਰੁਝਾਨ ਸਿਹਤ ਦੇ ਹਵਾਲੇ ਨਾਲ ਖ਼ਤਰਨਾਕ ਹੈ।

ਕੈਨੇਡਾ ਦੀ ਲੀਹੋਂ ਲੱਥੀ ਆਰਥਿਕਤਾ ਲਈ ਦੇਸ਼ ਵਾਸੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਜ਼ਿੰਮੇਵਾਰ ਮੰਨ ਕੇ ਉਸਨੂੰ ਚਲਦਾ ਕਰਨ ਲਈ ਕਾਹਲੇ ਜਾਪ ਰਹੇ ਹਨ ਤੇ ਹੋ ਸਕਦਾ ਉਹ ਆਪਣਾ ਅਗਲੇ ਸਾਲ ਅਕਤੂਬਰ ਤੱਕ ਦਾ ਰਹਿੰਦਾ ਕਾਰਜਕਾਲ ਪੂਰਾ ਨਾ ਕਰ ਸਕਣ। ਕੈਨੇਡਾ ਦੇ ਵੱਡੇ ਮੀਡੀਆ ਅਦਾਰੇ ‘ਗਲੋਬ ਐਂਡ ਮੇਲ’ ਵਲੋਂ ਆਈਪਸੋਸ ਰਾਹੀਂ ਕਰਵਾਏ ਸਰਵੇਖਣ ’ਚ ਇਹ ਗੱਲ ਉੱਭਰ ਕੇ ਸਾਹਮਣੇ ਆਈ ਹੈ ਕਿ ਟਰੂਡੋ 68 ਫ਼ੀਸਦ ਲੋਕਾਂ ਦੇ ਮਨੋਂ ਲੱਥ ਚੁੱਕੇ ਹਨ ਤੇ ਉਹ ਉਨ੍ਹਾਂ ਨੂੰ ਲਾਂਭੇ ਕਰਕੇ ਦੇਸ਼ ਦੀ ਵਾਗਡੋਰ ਮੁੱਖ ਵਿਰੋਧੀ ਪਾਰਟੀ (ਟੋਰੀ) ਦੇ ਆਗੂ ਪੀਅਰ ਪੋਲਿਵਰ ਦੇ ਹੱਥ ਫੜਾਉਣ ਲਈ ਕਾਹਲੇ ਹਨ।

Get ready for 'Laughter Therapy'! Join comedians Gurpal Wali Mannat, Gurpal Singh, Fateh Wali Mannat, Fateh Singh, Manraj S Aujla, Aarza, Jasmeen Kaur, Baani Kaur, Asees Kaur, Ronish, Basant Lal, Narinder Sehmi, Ramanpreet Jassowal, Benipal Brothers, Sehib and Snawar, Kismat Kaur, along with our host Ranjodh Singh and co-hosts Nonia P Dayal, Jasmin Kaur, Sukh Parmar, Vishal V Khehra, and Puneet Dhingra. This daily podcast, broadcasted on Radio Haanji, Australia's No 1 Punjabi Radio Station, promises a 'punny' and joyous start with infectious laughter and amusing stories. Tune in and let these talented kids bring sunshine to your day!

ਕੇਂਦਰ ਸਰਕਾਰ ਨੇ ਸਾਉਣੀ ਮਾਰਕੀਟਿੰਗ ਸੀਜ਼ਨ 2024-25 ਲਈ ਝੋਨੇ ਦੀ ਐੱਮਐੱਸਪੀ (ਘੱਟੋ-ਘੱਟ ਸਮਰਥਨ ਮੁੱਲ) ਵਿਚ 5.35 ਫੀਸਦ (117 ਰੁਪਏ) ਦਾ ਇਜ਼ਾਫ਼ਾ ਕਰਦਿਆਂ ਮੁੱਲ 2300 ਰੁਪਏ ਪ੍ਰਤੀ ਕੁਇੰਟਲ ਐਲਾਨ ਦਿੱਤਾ ਹੈ। ਝੋਨੇ ਦੀ ਐੱਮਐੱਸਪੀ ’ਚ ਵਾਧਾ ਅਜਿਹੇ ਮੌਕੇ ਕੀਤਾ ਗਿਆ ਹੈ ਜਦੋਂ ਸਰਕਾਰ ਕੋਲ ਚੌਲਾਂ ਦੇ ਸਰਪਲੱਸ ਭੰਡਾਰ ਮੌਜੂਦ ਹਨ, ਪਰ ਹਰਿਆਣਾ, ਮਹਾਰਾਸ਼ਟਰ, ਝਾਰਖੰਡ ਜਿਹੇ ਰਾਜਾਂ ਤੇ ਦਿੱਲੀ ਵਿਚ ਅਗਾਮੀ ਚੋਣਾਂ ਤੋਂ ਪਹਿਲਾਂ ਇਹ ਫੈਸਲਾ ਕਾਫ਼ੀ ਅਹਿਮ ਹੈ। ਸੂਚਨਾ ਤੇ ਪ੍ਰਸਾਰਨ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਐੱਮਐੱਸਪੀ ਵਿਚ ਵਾਧੇ ਦਾ ਐਲਾਨ ਕਰਦਿਆਂ ਕਿਹਾ ਕਿ ਕੈਬਨਿਟ ਨੇ ਖੇਤੀ ਲਾਗਤਾਂ ਤੇ ਕੀਮਤਾਂ ਬਾਰੇ ਕਮਿਸ਼ਨ (ਸੀਏਸੀਪੀ) ਦੀਆਂ ਸਿਫਾਰਸ਼ਾਂ ਦੇ ਅਧਾਰ ’ਤੇ ਸਾਉਣੀ ਦੀਆਂ 14 ਫ਼ਸਲਾਂ ਲਈ ਘੱਟੋ-ਘੱਟ ਸਮਰਥਨ ਮੁੱਲ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਵੈਸ਼ਨਵ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ‘ਆਮ’ ਗਰੇਡ ਵਾਲੇ ਝੋਨੇ ਦੀ ਐੱਮਐੱਸਪੀ 117 ਰੁਪਏ ਦੇ ਵਾਧੇ ਨਾਲ 2300 ਰੁਪਏ ਪ੍ਰਤੀ ਕੁਇੰਟਲ ਹੋਵੇਗੀ ਜਦੋਂਕਿ ‘ਏ’ ਗਰੇਡ ਝੋਨੇ ਦੀ ਐੱਮਐੱਸਪੀ 2320 ਰੁਪਏ ਪ੍ਰਤੀ ਕੁਇੰਟਲ ਰਹੇਗੀ। ਵੈਸ਼ਨਵ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਨੇ ਆਪਣੇ ਤੀਜੇ ਕਾਰਜਕਾਲ ਦੌਰਾਨ ਪਹਿਲੀ ਕੈਬਨਿਟ ਮੀਟਿੰਗ ਵਿਚ ਐੱਮਐੱਸਪੀ ਵਧਾਉਣ ਦਾ ਫੈਸਲਾ ਕੀਤਾ ਹੈ। ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੇ 2018 ਦੇ ਕੇਂਦਰੀ ਬਜਟ ਵਿਚ ਸਪਸ਼ਟ ਨੀਤੀਗਤ ਫੈਸਲਾ ਲਿਆ ਸੀ ਕਿ ਕਿਸੇ ਵੀ ਫਸਲ ਦੀ ਐੱਮਐੱਸਪੀ ਉਸ ਦੇ ਉਤਪਾਦਨ ਖਰਚੇ ਦਾ ਡੇਢ ਗੁਣਾ ਹੋਣੀ ਚਾਹੀਦੀ ਹੈ ਤੇ ਐੱਮਐੱਸਪੀ ਵਿਚ ਸੱਜਰੇ ਵਾਧੇ ਦੌਰਾਨ ਇਸ ਸਿਧਾਂਤ ਦੀ ਇੰਨ-ਬਿੰਨ ਪਾਲਣਾ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਸੀਏਸੀਪੀ ਨੇ ਇਸ ਕੀਮਤ ਦਾ ਵਿਗਿਆਨਕ ਤੌਰ ’ਤੇ ਹਿਸਾਬ ਕਿਤਾਬ ਲਾਇਆ ਹੈ। ਭਾਰਤੀ ਖੁਰਾਕ ਨਿਗਮ (ਐੱਫਸੀਆਈ) ਕੋਲ ਇਸ ਵੇਲੇ ਚੌਲਾਂ ਦਾ ਕਰੀਬ 5.34 ਕਰੋੜ ਟਨ ਦਾ ਰਿਕਾਰਡ ਭੰਡਾਰ ਮੌਜੂਦ ਹੈ, ਜੋ 1 ਜੁਲਾਈ ਲਈ ਲੋੜੀਂਦੇ ਬਫਰ ਦਾ 4 ਗੁਣਾ ਹੈ ਅਤੇ ਭਲਾਈ ਸਕੀਮਾਂ ਤਹਿਤ ਇਕ ਸਾਲ ਲਈ ਮੰਗ ਨੂੰ ਪੂਰਾ ਕਰਨ ਲਈ ਕਾਫ਼ੀ ਹੈ ਤੇ ਇਸ ਦੌਰਾਨ ਕਿਸੇ ਨਵੀਂ ਖਰੀਦ ਦੀ ਵੀ ਲੋੜ ਨਹੀਂ। ਉਧਰ ਮੌਸਮ ਵਿਭਾਗ ਮੁਤਾਬਕ 1 ਜੂਨ ਤੋਂ ਮੌਨਸੂਨ ਸੀਜ਼ਨ ਦੀ ਸ਼ੁਰੂਆਤ ਤੋਂ ਪੂਰੇ ਦੇਸ਼ ਵਿਚ 20 ਫੀਸਦ ਘੱਟ ਮੀਂਹ ਪਏ ਹਨ ਤੇ ਮੌਨਸੂਨ ਦੇ ਅੱਗੇ ਵਧਣ ਲਈ ਮੌਸਮ ਹੁਣ ਅਨੁਕੂਲ ਹੈ

ਪ੍ਰਮਾਣੂ ਪਲਾਂਟ, ਪੀਟਰ ਡੱਟਣ ਅਤੇ ਆਸਟ੍ਰੇਲੀਆ ਦੀ ਸਿਆਸਤ ਪ੍ਰਮੁੱਖ ਵਿਰੋਧੀ ਧਿਰ ਨੇਤਾ Peter Dutton ਨੇ ਜਦੋਂ ਤੋਂ ਕਿਹਾ ਹੈ ਕਿ ਅਗਲੀਆਂ ਚੋਣਾਂ ਜਿੱਤ ਕੇ ਜੇਕਰ ਉਹਨਾਂ ਦੀ ਸਰਕਾਰ (ਲਿਬਰਲ - ਨੈਸ਼ਨਲ ਗੱਠਜੋੜ) ਆਉਂਦੀ ਹੈ, ਤਾਂ ਦੇਸ਼ ਵਿੱਚ ਸੱਤ ਪ੍ਰਮਾਣੂ ਪਲਾਂਟ ਲਗਾਏ ਜਾਣਗੇ। ਤਾਂ ਜੋ ਊਰਜਾ ਉਤਪਾਦਨ ਕੀਤਾ ਜਾ ਸਕੇ। ਪਰ ਇਸ ਮੁੱਦੇ 'ਤੇ ਸਾਰੇ ਹੀ ਸੂਬਿਆਂ ਦੇ ਪ੍ਰੀਮੀਅਰ ਗਠਜੋੜ ਦੀ ਇਸ ਬਹੁ ਮੰਤਵੀ ਯੋਜਨਾ ਦਾ ਵਿਰੋਧ ਕਰ ਰਹੇ ਹਨ। ਕਿਹਾ ਜਾ ਰਿਹਾ ਹੈ ਕਿ ਇਸ ਦੇ ਬਹੁਤ ਸਾਰੇ ਨੁਕਸਾਨ ਹਨ। ਨਿਊਕਲੀਅਰ ਪਾਵਰ ਪਲਾਂਟ ਲਗਾਉਣਾ ਬਹੁਤ ਮਹਿੰਗਾ ਪੈਂਦਾ ਹੈ ਅਤੇ ਇਹ ਰਕਮ ਕਿੱਥੋਂ ਇਕੱਠੀ ਕੀਤੀ ਜਾਵੇਗੀ? ਪ੍ਰਮਾਣੂ ਐਨਰਜੀ ਨਾਲ ਬਿਜਲੀ ਤਾਂ ਪੈਦਾ ਹੋ ਜਾਵੇਗੀ, ਪਰ ਇਹ ਨਿਊਕਲੀਅਰ ਵੇਸਟ ਕਿੱਥੇ ਸੁੱਟਿਆ ਜਾਵੇਗਾ? ਕਿਉਂਕਿ nuclear waste ਧਰਤੀ ਅਤੇ ਵਾਤਾਵਰਣ ਲਈ ਖ਼ਤਰਨਾਕ ਹੈ। ਦੱਸ ਦਈਏ ਕਿ ਬੁੱਧਵਾਰ ਦੇ ਦਿਨ ਫੈਡਰਲ ਵਿਰੋਧੀ ਧਿਰ ਨੇਤਾ ਡੱਟਣ ਨੇ ਇੱਕ ਪ੍ਰੈਸ ਵਾਰਤਾ ਰਾਹੀਂ ਦੱਸਿਆ ਕਿ ਉਹਨਾਂ ਦੀ ਯੋਜਨਾ ਪੂਰੀ ਤਰ੍ਹਾਂ ਨਾਲ ਸਰਕਾਰੀ ਖਜ਼ਾਨੇ ਦੀ ਵਰਤੋਂ ਕਰ ਇਹਨਾਂ 7 ਪਾਵਰ ਪਲਾਂਟ ਸਥਾਪਿਤ ਕਰਨ ਦੀ ਹੈ। ਜੋ ਕਿ ਮੌਜੂਦਾ ਬੰਦ ਹੋ ਚੁੱਕੇ ਜਾਂ ਹੋਣ ਜਾ ਰਹੇ ਕੋਲੇ ਦੇ ਨਾਲ ਚੱਲਣ ਵਾਲੇ ਪਲਾਂਟਾ ਦੀਆਂ ਹੀ sites ਹੋਣਗੀਆਂ। ਇਹਨਾਂ ਦੀ ਨਿਸ਼ਾਨਦੇਹੀ ਵੀ ਕੀਤੀ ਜਾ ਚੁੱਕੀ ਹੈ। ਪੀਟਰ ਡੱਟਣ ਅਨੁਸਾਰ ਅਗਲੇ ਸਾਲ ਹੋਣ ਵਾਲੀਆਂ ਫੈਡਰਲ ਚੋਣਾਂ ਮਗਰੋਂ ਗੱਠਜੋੜ ਇਸਦਾ ਖਾਕਾ ਸਾਹਮਣੇ ਰੱਖ ਦੇਵੇਗੀ। ਇਹ sites ਹਨ- Queensland ਸੂਬੇ ਵਿੱਚ Tarong ਅਤੇ Callide, NSW ਵਿੱਚ Liddell and Mount Piper, ਸਾਊਥ ਆਸਟ੍ਰੇਲੀਆ ਵਿੱਚ Port Augusta, ਵਿਕਟੋਰੀਆ ਦੀ Yang ਅਤੇ ਵੈਸਟਰਨ ਆਸਟ੍ਰੇਲੀਆ ਦੀ Muja. Peter ਅਨੁਸਾਰ ਇਹਨਾਂ ਪਲਾਂਟਾ ਨੂੰ ਬਣਾਉਣ ਤੱਕ ਹੋਰ 13 ਸਾਲ ਦਾ ਸਮਾਂ ਲੱਗੇਗਾ। ਜਦਕਿ ਸੱਤਧਾਰੀ ਲੇਬਰ ਪਾਰਟੀ ਦਾ ਮੰਨਣਾ ਹੈ ਕਿ ਦੇਸ਼ ਵਿੱਚ ਬਿਜਲੀ ਪੈਦਾ ਕਰਨ ਲਈ ਤੁਰੰਤ ਬਦਲਵੇਂ ਵਿਕਲਪ ਲੱਭਣ ਦੀ ਲੋੜ ਹੈ। ਦਹਾਕਿਆਂ ਬੱਧੀ ਯੋਜਨਾ ਦਾ ਕੋਈ ਲਾਭ ਨਹੀਂ ਹੋਣ ਵਾਲਾ।